အမျိုးသမီးဗိုလ်လောင်း လျှောက်ထားသူများပြား ကြိုတင် မကြေညာသော ကန့်သတ်ချက်အချို့ကြောင့် လျှောက်ထားသူများ အခက်တွေ့

ရန်ကုန်၊ နိုဝင်ဘာ ၅

မြန်မာ့တပ်မတော်တွင် ဘွဲ့ရ အမျိုးသမီး ဗိုလ်လောင်းများအဖြစ် တာဝန်ထမ်းဆောင်ရန် ရန်ကုန်တိုင်း တစ်တိုင်းတည်းမှ လျှောက်ထား သူဦးရေ သုံးထောင်ခန့် ရှိသည်အထိ လျှောက်ထားသူ များပြားလျက်ရှိပြီး ကြိုတင် မကြေညာသော ကန့်သတ်ချက် အချို့ကြောင့် လျှောက်ထားခွင့် မရခဲ့သူများ ရှိနေသည်။

ဘွဲ့ရ အမျိုးသမီး ဗိုလ်လောင်းများအား ၁၉၆၀ ခုနှစ်တွင် ခေါ်ယူခဲ့သော် လည်း နှစ်ပေါင်း၄၀ ကျော် ကြာမြင့်သည် အထိ ရပ်ဆိုင်းခဲ့ပြီး နောက်ပိုင်း ပထမဦးဆုံးကြိမ် အဖြစ် ၂၀၁၃ ခုနှစ် အောက်တိုဘာ ၁၆ ရက်မှ စတင်ကာ နီးစပ်ရာ တိုင်းစစ်ဌာနချုပ်များတွင် လျှောက်လွှာများ ထုတ်ယူကာ လာရောက် လျှောက်ထား နိုင်ကြောင်း နိုင်ငံပိုင် သတင်းစာများတွင် ဖော်ပြ ပါရှိခဲ့သည်။

ဗိုလ်လောင်း လျှောက်ထားသူများ၏ အရည်အချင်း သတ်မှတ်ချက်များအား နိုင်ငံပိုင် သတင်းစာတွင် ဖော်ပြထားပြီး ဖော်ပြချက်တွင် မပါရှိသော်လည်း လာရောက် လျှောက်ထား သူများသည် မြို့နယ် အဆင့်ထက် မနိမ့်သော အာဏာပိုင် အဖွဲ့အစည်း တစ်ခုခုမှ ထောက်ခံချက် လက်မှတ် ပါရှိရမည်ဖြစ်ကြောင်း နိုဝင်ဘာ ၅ ရက်တွင် ရန်ကုန် တိုင်းစစ်ဌာနချုပ် လျှောက်လွှာ လက်ခံသူ တာဝန်ခံဗိုလ်ကြီး မြတ်ကျော်က မြန်မာ သံတော်ဆင့်သို့ ပြောသည်။ …

ထိုကဲ့သို့ ကြိုတင် မကြေညာထားသော ကန့်သတ်ချက်များကြောင့် လျှောက်ထားခွင့် မရရှိခဲ့သည့် မသူသူအောင်က ““ညီမတို့က နှစ်ယောက် သွားလျှောက်တာ။ ညီမက ဘွဲ့ရရှိကြောင်း ထောက်ခံစာ (ယာယီဘွဲ့လက်မှတ်)ပဲ ပါလို့တဲ့။ နောက်တစ်ယောက်က အဝေးသင် ဘွဲ့ရထားဆိုတော့ M.Sc သမား တွေ များနေလို့ အဝေးသင်သမားတွေ ခဏရပ်ထားတယ်လို့ ပြောတယ်””ဟု ပြောသည်။

သာမန် ဘွဲ့ရသူများအား ဗိုလ်လောင်းသင်တန်း တက်ရောက် အောင်မြင်ပြီးပါက ဒုတိယဗိုလ်အဆင့်ဖြင့် စတင် ခန့်အပ်ခြင်း ခံရမည်ဖြစ်ပြီး မဟာဘွဲ့ရသူနှင့် ပါရဂူဘွဲ့ရသူများအား ဗိုလ်အဆင့်ဖြင့် စတင်ခန့်အပ် သွားမည်ဖြစ်သည်။

အဆိုပါ ဘွဲ့ရ အမျိုးသမီး ဗိုလ်လောင်း လျှောက်ရခြင်း ရည်ရွယ်ချက်နှင့် စပ်လျဉ်း၍ ““အပြင်မှာ အလုပ်တွေ ရပေမယ့် ဘွဲ့နဲ့မကိုက်ဘူးလေ။ ဗိုလ်အနေနဲ့ကျတော့ တပ်ထဲမှာက ဘ၀ အာမခံချက်ရှိတယ်လေ။ ကိုယ့် မိသားစုထဲကလည်း ဗိုလ်ကြီး၊ ဗိုလ်မှူးတွေ၊ တပ်ထဲကပဲ ဆိုတော့ ၀င်ဖြစ်သွားတာ”” ဟု လျှောက်ထားသူ တစ်ဦးက ပြော သည်။

ဘွဲ့ရ အမျိုးသမီး ဗိုလ်လောင်း လျှောက်ထားသူ ဦးရေ မည်မျှ ရှိသည်ကို နေပြည်တော် တိုင်းစစ်ရေးဌာနသို့ ဆက်သွယ်မေးမြန်းရာ ဖုန်းလက်ခံ ဖြေဆိုသူက ဖြေကြားခွင့် မရှိကြောင်း ပြောကြားခဲ့သည်။

ယခုကဲ့သို့ ဘွဲ့ရ အမျိုးသမီး ဗိုလ်လောင်းများ ပြန်လည် ခေါ်ယူခြင်းနှင့် ပတ်သက်၍ ဗိုလ်အဆင့်ဖြင့် အငြိမ်းစား ယူခဲ့သူ ဒေါ်ခင်တိုးမြင့်က ““အန်တီတို့က အမျိုးသမီးတွေလည်း အမျိုးသားတွေနဲ့ တန်းတူ ရင်ဘောင် တန်းနိုင်ရမယ်ဆိုပြီး တပ်ထဲဝင်ကြတာလေ။ အန်တီတို့တုန်းကတော့ တာဝန်ထမ်းဆောင်ချိန်ကစပြီး ၃ နှစ် မပြည့်ခင် အိမ်ထောင်ပြုရင် တပ်က ထွက်ရတယ်။ အခုတော့ မသိဘူး။ စလျှောက်ရင် အရည်အချင်း စစ်တယ်။ နှုတ်ဖြေ ဖြေရတယ်။ အခက်အခဲ ကျော်လွှားနည်းတို့ ဘာတို့ပေါ့ ဖြေရတယ်။  အဲဒီက အရွေးခံရပြီး မင်္ဂလာဒုံမှာ  သင်တန်းတက်ရတယ်။ လက်တွေ့ ဆင်းရတယ်။ ၅ နှစ်ခွဲ လေ့ကျင့်ရေး သင်တန်း တက်ပြီး ဗိုလ်ဖြစ်တယ်။ အခုလို ပြန်ခေါ်တဲ့ အခါကျတော့ ကောင်းတာပေါ့””ဟု ပြောသည်။

နိုင်ငံပိုင် သတင်းစာများတွင် ဘွဲ့ရအမျိုးသမီး ဗိုလ်လောင်း လျှောက်ထားသူများသည် တက္ကသိုလ် တစ်ခုခုမှ ဘွဲ့ရပြီးသူ၊ အိမ်ထောင်မရှိသူ (အပျို) ဖြစ်ရမည်ဖြစ်ပြီး အနိမ့်ဆုံး အရပ် ၅ ပေ ၃ လက်မနှင့် ကိုယ် အလေးချိန်ပေါင် ၁၀၀ နှင့် ပေါင် ၁၃၀ ကြားရှိသူ၊ မျက်မှန် တပ်ဆင်ထားခြင်း မရှိသူဟုလည်းကောင်း၊ အသက် သတ်မှတ်ချက်နှင့် ပတ်သက်၍ ၂၀၁၃ ခုနှစ် ဒီဇင်ဘာ ၃၁ ရက်အထိ အသက် ၂၅ နှစ်ထက် မကျော် လွန်သူ ဟုလည်းကောင်း၊ မဟာဘွဲ့ရထားသူများ အနေဖြင့် အသက် ၂၇ နှစ်ထိ ဟုလည်းကောင်း၊ ပါရဂူဘွဲ့ ရထားသူများ အနေဖြင့် အသက် ၃၀ ထိ ဟူ၍လည်းကောင်း စသည်ဖြင့် အရည်အချင်း ကန့်သတ်ချက်များ ပါရှိသည်။

ဘွဲ့ရ အမျိုးသမီး ဗိုလ်လောင်း လျှောက်လွှာများအား နိုဝင်ဘာ ၁၇ ရက် နောက်ဆုံးထား၍ လျှောက်လွှာ တောင်းခံ ရရှိသော တိုင်းစစ်ဌာနချုပ်မှတစ်ဆင့် စစ်ရာထူးခန့်ချုပ်ရုံး ကာကွယ်ရေး ဦးစီးချုပ်ရုံး (ကြည်း)သို့ ပေးပို့ ရမည်ဖြစ်ပြီး သတ်မှတ်ချက် ပြည့်စုံပြီး အရည်အချင်း ပြည့်မီသော လျှောက်လွှာရှင်များသာ တပ်မတော် ဗိုလ်ရွေးအဖွဲ့တွင် ၀င်ရောက် စစ်ဆေးခံရမည်ဖြစ်၍ လျှောက်လွှာများ ရွေးချယ်ခြင်း ခံရခြင်း ရှိ၊ မရှိကို လျှောက်လွှာ တင်သွင်းသည့် တိုင်းစစ်ဌာနချုပ်တွင် သွားရောက် စုံစမ်း မေးမြန်းနိုင်သည်ဟု  ပါရှိသည်။

ဇင်မာ

Myanmartandawsint Newspaper