အနိမ့်ဆုံးလုပ်ခလစာသတ်မှတ်နိုင်ရန် ဒုတိယအဆင့်ရောက်ပြီဟုဆို

အနိမ့်ဆုံးလုပ်ခလစာ နည်းဥပဒေထွက်ရှိပြီး သုံးလအကြာတွင် လုပ်ခနှုန်းထားသတ်မှတ်နိုင်ရန်အတွက် ဒုတိယအဆင့်သို့ ရောက်ရှိနေပြီဖြစ်ကြောင်း အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန ညွှန်ကြားရေးမှူးချုပ် ဦးမျိုးအောင်ကပြောသည်။

ယခုနှစ်ဇူလိုင် ၁၂ ရက်တွင် အနိမ့်ဆုံးလုပ်ခလစာနည်းဥပဒေ ထွက်ရှိပြီးနောက် သက်ဆိုင်ရာဝန်ကြီးဌာနက ယင်းဥပဒေနှင့် ပတ်သက်၍ လုပ်ခလစာနှုန်းထား မှန်ကန်စွာ အမြန်ဆုံးသတ်မှတ်နိုင်ရန် လုပ်ငန်းစဉ်အဆင့် ငါးဆင့် ခွဲခြားသတ်မှတ်ဆောင်ရွက်လျက်ရှိကြောင်း သတင်းရရှိသည်။ အဆိုပါလုပ်ငန်းစဉ်များအနက် ပထမအဆင့်အနေဖြင့် ဥပဒေပါအတိုင်း အလုပ်ရှင်၊ အလုပ်သမားကိုယ်စားလှယ်များပါဝင်သည့် အမျိုးသားကော်မတီဖွဲ့စည်းပြီး   ယခုအခါ  ကော်မတီမှ လုပ်ငန်းအမျိုးအစားအလိုက် လက်ရှိ လုပ်ခလစာများကို မေးခွန်းလွှာများဖြင့် စုံစမ်းမေးမြန်းမှုများ ဆောင်ရွက်မည်ဖြစ်သည်။

““အခုအဆင့် ၂ မှာ စစ်တမ်းကောက်မယ့်ကိစ္စပြီးရင် အဆင့် ၄ ရောက်လို့ ဘယ်လောက်သတ်မှတ်လိုက်ပြီလို့ ကြေညာလိုက်ရင် ကန်ကွက်မယ့်ကိစ္စတွေဖြစ်မလာဘဲ အားလုံးက အိုကေဆိုရင်တော့ နောက်ဆုံးအဆင့် ၅ မှာ အဆင်မပြေစရာမရှိဘူး။ အားလုံးထုတ်ပြန်လိုက်ရုံပဲ။ ထွက်ဖို့ပဲကျန်တော့မှာ ဘယ်တော့ထွက်လာမလဲတော့ မပြောနိုင်သေးဘူး””ဟု ညွှန်ကြားရေးမှူးချုပ် ဦးမျိုးအောင်က ပြောသည်။ထို့နောက် အခကြေးငွေ သတ်မှတ်နိုင်ရေးနှင့် ပတ်သက်၍ ယခုလ ၁၀ ရက်တွင် အစိုးရမှ အလုပ်သမားအဖွဲ့အစည်း ၄၀၀ ကျော်အား  တွေ့ဆုံဆွေးနွေးခဲ့ရာ အချက်ခြောက်ချက် အဓိကထား ဆွေးနွေးသည့်အနက် နှစ်ချက်ကို သဘောတူ ဆွေးနွေးနိုင်ခဲ့ပြီး ယခုလ ၁၁ရက်တွင် အလုပ်ရှင်တို့နှင့် ဆွေးနွေးမည်ဖြစ်ကြောင်း သိရသည်။ အဆိုပါသဘောတူညီမှုရရှိခဲ့သော အချက်တို့မှာ လုပ်ခနှုန်းထားသတ်မှတ်ရာတွင် အလုပ်သမားများ၏ လူမှုဘ၀ဖူလုံသည့် နှုန်းထား ဖြစ်ရမည်ဖြစ်ပြီး ကုန်ဈေးနှုန်း  ထိန်းချုပ်နိုင်ရန်လိုအပ်ကြောင်း တို့ပါဝင်သည်။

ထို့အပြင် အငြင်းပွားမှုဖြစ်ပွားလျက်ရှိသော ကျန်အချက် လေးချက်တွင် နှုန်းထားသတ်မှတ်ချက်အား နာရီ၊ ရက်၊ လအပေါ်မူတည်၍ သတ်မှတ်ရန်နှင့် သတ်မှတ်မည့် လစာနှုန်းထားကို    တစ်ပြေးညီသတ်မှတ်ပြီးမှသာ   တိုင်း၊ ပြည်နယ် ခွဲခြားသတ်မှတ်ပြီး  ကျွမ်းကျင်မှုအပေါ်မူတည်၍ ထပ်မံတိုးမြှင့်ပေးရန်အပြင် အနည်းဆုံအခကြေးငွေ စတင်သတ်မှတ်မည့် လုပ်ငန်းအလိုက် ရွေးချယ်မှုအပေါ် အငြင်းပွားလျက်ရှိကြောင်း  သတင်းရရှိ သည်။

အနိမ့်ဆုံးအခကြေးငွေ သတ်မှတ်ချက်နှုန်းထား ထွက်လာပါက အဆိုပါလုပ်ခလစာ နှုန်းထားတို့ကို     တစ်နှစ်တစ်ကြိမ် စစ်တမ်းကောက်ခံမှု  ပြုလုပ်သွားမည်ဖြစ်ပြီး အနည်းဆုံးလုပ်ခလစာနှုန်းထား သတ်မှတ်နိုင်ခဲ သည့် နိုင်ငံများအပေါ် လေ့လာသုံးသပ်ချက်အရ အလုပ်ရှင်များအနေဖြင့်လည်း ကုန်ထုတ်စွမ်းအားမြင့်တက်လာပါက လုပ်သား အင်အားလျော့နည်းစွာ အသုံးပြုမှုများ   မရှိစေရန်အတွက်လည်း လေ့လာဆောင်ရွက်သွားမည်ဖြစ်ကြောင်း အလုပ်သမားကိုယ်စားလှယ်များနှင့် တွေ့ဆုံစဉ်က ညွှန်ကြားရေးမှူးချုပ် ဦးမျိုးအောင်ကပြောသည်။

7Day Daily