စတည်းချောင်းရေလျှံ၍ နေအိမ်နှစ်ရာကျော်နှင့် မုံရွာ-အလုံလမ်းဘေး ငါးကန်များ ရေလွှမ်း

မုံရွာမြို့နယ် ကျွဲရဲရွာအနီး စီးဆင်းသော စတည်းချောင်းရေလျှံမှုကြောင့် နေအိမ်နှစ်ရာကျော်အတွင်း ချောင်းရေများ ၀င်ရောက်ခဲ့ပြီး မုံရွာ-အလုံကားလမ်းအနီးရှိ ငါးမွေးကန်များလည်း ရေလျှံခဲ့ကြောင်း စတည်းချောင်းအနီး နေထိုင်သော ဒေသခံများက ပြောသည်။

““စတည်းချောင်းရေက အောက်တိုဘာ ၇ ရက် ညကစပြီး တက်လာတာ ၉ ရက်မှာ  ငါးကန်တွေရေလျှံတယ်။ အောက်တိုဘာ ၁၀ ရက် ညပိုင်းက မုံရွာ-အလုံကားလမ်းပေါ်ထိ ရေလျှံသွားပြီး ငါးကန်တွေလည်း ရေလျှံကုန်တယ်”” ဟု မုံရွာမြို့၊ အိုးဘိုထောင်ရပ်ကွက်မှ ငါးမွေးမြူရေးလုပ်ငန်းရှင်တစ်ဦးက ပြောသည်။ ငါးကန်များ ရေလျှံသဖြင့် ငါးပိုက်ဆွဲသူများ၊ ငါးဖမ်းသူများ များပြားလာပြီး မုံရွာ-အလုံ ကားလမ်းဘေးတွင် ငါးကြင်း၊ တီလား ဗီးယား၊ ငါးတန်စသော ငါးမျိုးစုံ ရောင်းချသူများစွာ ပေါ်ပေါက်လာကြောင်း ငါးမွေးမြူရေးလုပ်ငန်းရှင်များထံမှ သိရသည်။

စတည်းချောင်း ရေလျှံမှုကို မုံရွာမြို့နယ် ကျွဲရဲကျေးရွာအုပ်စု အုပ်ချုပ်ရေးမှူးအား ဆက်သွယ်မေးမြန်းရာ ““ကျွဲရဲတောင်ရွာ က ၅၁ အိမ်၊ ကျွဲရဲမြောက်ရွာက အိမ် ခြေ ၆၁ လုံး ချောင်းရေတွေဝင်နေပါတယ်။ ချောင်းရေစ၀င်တာက အောက်တိုဘာလ ၇ ရက် ညပိုင်းကစ၀င်ခဲ့တာ။ ၉ ရက်နဲ့ ၁၀ ရက်တွေမှာ ချောင်းရေအများဆုံး ဖြစ်ပါတယ်။ အနိမ့်ဆုံးနေရာတွေမှာ အိမ်ကြမ်းပြင်ရေထိတာဆိုတော့ ရေအမြင့် ၈ ပေနီးပါး ရေမြုပ်တဲ့အိမ်တွေ ရှိပါတယ်”” ဟု ပြောကြားသည်။

စတည်းချောင်းရေသည် ဘုတလင်မြို့နယ်အတွင်း မြစ်ဖျားခံစီးဆင်းပြီး ပြီးခဲ့သည့်နှစ်က ချောင်းရေ၀င်ရောက်မှု လျော့နည်းခဲ့ပြီး ယခုနှစ်တွင် ချောင်းရေ၀င်ရောက်မှုမှာ ယခင်နှစ်ကထက် ပိုမိုများပြားခဲ့ခြင်းဖြစ်ကြောင်း သိရှိရသည်။ စတည်းချောင်းရိုးတစ်လျှောက် ကျွဲရဲတောင်ရွာ၊ ကျွဲရဲ မြောက်ရွာ၊ ရှင်ငါးဆယ်ကျေးရွာ၊ ကောလပြကျေးရွာ စသည့် ကျေးရွာများရှိ ချောင်းအနီး အနိမ့်ပိုင်း ဒေသများတွင် ချောင်းရေများ ၀င်ရောက်ခဲ့ခြင်းဖြစ်သည်။ ချောင်းရေ၀င်ရောက်ခြင်းကြောင့်  နှမ်း၊ အမြိတ်ထောင်ကြက်သွန်နီ နှင့် ပဲစင်းငုံစိုက်ခင်းအချို့ ပျက်စီးဆုံးရှုံးမှု အနည်းငယ်ကြုံတွေ့ခဲ့ရကြောင်း သတင်းရရှိသည်။

7Day Daily