ရခိုင်ပြည်နယ် ပဋိပက္ခတစ်နှစ်အလွန်

၂၀၁၂ ခုနှစ် မေလ ၂၈ ရက်တွင် ကျောက်နီမော်မှ စတင်ခဲ့သော ရခိုင်ပြည်နယ်ပဋိပက္ခသည် တစ်နှစ်ကျော်လွန်ခဲ့ပြီ ဖြစ်သည်။ ၂၀၁၂မေ ၂၈ ရက်က ဖြစ်ပွားခဲ့သော မသီတာထွေးကိစ္စမှစတင်၍ ဇွန်လ ၃ ရက်တွင် တောင်ကုတ်အကြမ်းဖက်မှု၊ ဇွန်၈ရက်တွင် မောင်တောအကြမ်းဖက်တိုက်ခိုက်မှုတို့ ကြောင့် ပြည်နယ်တစ်ဝန်း ပဋိပက္ခများ ကူးစက်ခဲ့၍ လူပေါင်း ၁၉၂ ဦး သေဆုံးခဲ့ပြီး ၂၆၅ ဦးဒဏ်ရာရရှိကာ အိမ်ခြေအဆောက်အအုံပေါင်း ၈၆၁၄လုံး ပျက်စီးဆုံးရှုံးခဲ့သည်။

ရခိုင်ပြည်နယ် ပဋိပက္ခမပြေလည်သေးမီ မိတ္ထီလာ၊ ဥက္ကံ၊ လားရှိုးမြို့တစ်ဝန်း၌ ဘာသာရေးအသွင်ဆောင်သော အကြမ်းဖက်မှုများ ဆက်တိုက်ဖြစ်ပွားခဲ့ပြီး လူ ၅၀ နီးပါးသေဆုံး၍ တစ်ရာခန့်ဒဏ်ရာရရှိကာ အိမ်ခြေနှင့်ဘာသာရေး အဆောက်အအုံ နှစ်ထောင်နီးပါး ပျက်စီးဆုံးရှုံးခဲ့သည်။ ထို့နောက် ပဋိပက္ခများသည် နိုင်ငံနယ်နိမိတ်ကို ကျော်လွန်ဖြစ်ပွားခဲ့ပြီး မကြာသေးမီရက်ပိုင်းအတွင်း မလေးရှားနိုင်ငံရှိ မြန်မာအလုပ်သမားများ အကြမ်းဖက်တိုက်ခိုက်ခြင်းများ ခံခဲ့ရကာ ဇွန်လ ၈ ရက်ထိ ခြောက်ဦးသေဆုံးပြီး ၁၂ ဦးဒဏ်ရာရရှိခဲ့သည်။

ဘင်္ဂလားဒေ့ရ်ှနိုင်ငံရှိ ဗုဒ္ဓဘာသာဝင် ရခိုင်တိုင်းရင်းသားများလည်း အကြမ်းဖက်တိုက်ခိုက်ခြင်းများ ခံခဲ့ရပြီး မောင်တောနှင့် ကျောက်တော်မြို့နယ်များသို့ လူဦးရေတစ်ထောင်ကျော် ၀င်ရောက်တိမ်းရှောင်ခဲ့ရသည်။

၂၀၁၃ ခုနှစ် ဧပြီလအတွင်းက နိုင်ငံတော်သမ္မတထံ တင်သွင်းခဲ့သော ရခိုင်ပြည်နယ်ပဋိပက္ခစုံစမ်းစစ်ဆေးရေး ကော်မရှင်အစီရင်ခံစာတွင် ၁၉၄၂ ခုနှစ် ၀န်းကျင်ကပင် စတင်ဖြစ်ပွားခဲ့သော ပဋိပက္ခများသည် ဘင်္ဂါလီလူမျိုးတို့က ၎င်းတို့ဒေသကို သိမ်းပိုက်ရန်
စနစ်တကျ ကြိုးပမ်းမှုကြောင့်ဟု ရခိုင်လူမျိုးများက ယူဆပြီး ခေတ်အဆက်ဆက်အစိုးရက တိုင်းရင်းသားများကို အကာအကွယ် မပေးနိုင်ခြင်း၊ အကျင့်ပျက်ဝန်ထမ်းများက လာဘ်ငွေယူ၍ တရားမ၀င် ၀င်ရောက်လာသူများကို ကာကွယ်ပေးခြင်းတို့ကြောင့် ပိုမိုဆိုးဝါးလာခြင်းဟု ဖြေဆိုကြကြောင်း ဖော်ပြထားသည်။

ဘင်္ဂါလီလူမျိုး ၅၅ ရာခိုင်နှုန်းကမူ ပဋိပက္ခဖြစ်ပွားမှု၏ အဓိကအကြောင်းအရင်းတစ်ခုမှာ အစိုးရက နိုင်ငံသားရသည့်သူများကို နိုင်ငံသားတစ်ယောက် အခွင့်အရေးမပေးဘဲ မတရားထိန်းချုပ်ထားမှုများကြောင့်ဟု ဖြေဆိုကြကြောင်း ကော်မရှင်အစီရင်ခံစာတွင် ဖော်ပြထားသည်။

သမိုင်းတစ်လျှောက်တွင် ဖြစ်ပွားခဲ့သော ရခိုင်ပြည်နယ် ပဋိပက္ခများနှင့် ၂၀၁၂ ခုနှစ် အကြမ်းဖက်မှုများသည် တရားဥပဒေ
တည်ငြိမ်စိုးမိုးမှု အားနည်းနေချိန်များတွင် ဖြစ်ပွားခဲ့ခြင်းဟု စုံစမ်းစစ်ဆေးရေးကော်မရှင်နှင့် ရခိုင်အရေးလေ့လာသူများက သုံးသပ်ကြသည်။

နိုင်ငံ၏ အသွင်ကူးပြောင်းရေးကို ထိခိုက်စေပြီး ပျက်စီးဆုံးရှုံးမှုများစွာ ဖြစ်ပေါ်ခဲ့သောရခိုင်ပြည်နယ် ပဋိပက္ခကို ပြေလည်နိုင်စေရန် ၁၉၈၂ ခုနှစ် နိုင်ငံသားဥပဒေကို စနစ်တကျအကောင်အထည်ဖော်မှသာ ပြဿနာအများစု ပြေလည်သွားမည်ဟု စုံစမ်းစစ်ဆေး ရေးကော်မရှင်နှင့် ရခိုင်အင်အားစုများက သုံးသပ်ပြောဆိုကြသည်။

“တည်ဆဲ ၁၉၈၂ ဥပဒေနဲ့ နိုင်ငံသားဖြစ်ခွင့်ရှိသူ၊ နိုင်ငံသားမဟုတ်သူကို ခွဲခြားနိုင်ဖို့လိုတယ်။ ဒီဥပဒေနဲ့ အမြန်ဆုံးဆောင်ရွက်တာ အသင့်တော်ဆုံးပေါ့”ဟု ရခိုင်အမျိုးသားကွန်ရက်ဥက္ကဋ္ဌ ဦးတင်ထူးအောင်က ပြောသည်။

“နိုင်ငံသား အခွင့်အရေး၊ လူ့အခွင့်အရေးကို အခြေခံပြီး တရားဥပဒေစိုးမိုးမှုရှိအောင်လုပ်ရမယ်။ နိုင်ငံသားဖြစ်နေသူတွေကိုလည်း အခွင့်အရေးကို လွတ်လွတ်လပ်လပ်ပေးဖို့လိုတယ်။ ဒါမှတစ်နိုင်ငံလုံး တည်ငြိမ်တဲ့ လူ့ဘောင်တစ်ခုကို တည်ဆောက်နိုင်မယ်” ဟု အစ္စလာမ်ဘာသာဝင်များဖြင့် ဖွဲ့စည်းထားသော ပြည်ထောင်စုအမျိုးသားများ ဖွံ့ဖြိုးတိုးတက်ရေး ပါတီဥက္ကဋ္ဌဦးသာအေးက ပြောသည်။

ဒေသတည်ငြိမ်ရေးအတွက် ၂၀၁၂ ခုနှစ် အကြမ်းဖက်မှုများကြောင့် အိုးမဲ့အိမ်မဲ့ အတိဒုက္ခရောက်ခဲ့ရသော ဒုက္ခသည်ပေါင်း တစ်သိန်းကျော်ကို ပြန်လည်ထူထောင်ရေးများ ပြုလုပ်ရန်မှာလည်း အရေးကြီးသည်ဟု ရခိုင်အရေးလေ့လာသူများက သုံးသပ်ပြောဆိုကြသည်။

“အလုပ်လည်း မလုပ်ရ။ ရှိတာလေးနဲ့ ခွဲဝေပြီးစားရတယ်။ အေးအေးချမ်းချမ်း အိမ်ပြန်ပြီးနေချင်လှပြီ” ဟု နေအိမ်မီးရှို့ခံရမှုကြောင့် စစ်တွေမြို့၊ မင်းဂံ ကယ်ဆယ်ရေးစခန်းတွင် ယမန်နှစ်ကပင် ခိုလှုံနေသူ ဒေါ်မဘုချေက ပြောသည်။

ဒေသ၊ နိုင်ငံနယ်နိမိတ်ကိုကျော်လွန်၍ အကြမ်းဖက်မှုများ ဆက်တိုက်ဖြစ်ပွားစေခဲ့သော ရခိုင်ပြည်နယ် ပဋိပက္ခနှင့် စပ်လျဉ်း၍ နိုင်ငံတော်သမ္မတ ဦးသိန်းစိန်က “လက်ရှိကြုံတွေ့နေရတဲ့ ပြဿနာများကို ဖြေရှင်းဖို့ တစ်ဖက်နှင့် တစ်ဖက် အပြစ်တင်ခြင်းများကို ရပ်တန့်ပြီး လက်တွေ့ကျတဲ့ နည်းလမ်းများနဲ့ ကိုင်တွယ်ဖြေရှင်းပြီး အနာဂတ်မှာ ငြိမ်းချမ်းစွာ အတူယှဉ်တွဲနေထိုင်နိုင်တဲ့ လူ့အဖွဲ့အစည်းတစ်ရပ် ပေါ်ပေါက်လာဖို့ကို ရှေးရှုတဲ့ ဦးတည်ချက်များနဲ့ လုပ်ဆောင်ဖို့ အချိန်ကျပြီဖြစ်ပါတယ်” ဟု မေလအတွင်းက ရခိုင်ပြည်နယ် ပဋိပက္ခ စုံစမ်းစစ်ဆေးရေးကော်မရှင် အစီရင်ခံစာနှင့်ပတ်သက်၍ မိန့်ခွန်းတွင်ပြောကြားခဲ့သည်။

ရေးသားသူ- အောင်ခိုင် - 7Day News Journal