ရင်းနှီးမြှုပ်နှံသူအကြိုက် အာရှထိပ်တန်း နိုင်ငံများစာရင်း မြန်မာစတုတ္ထနေရာ၌ ရပ်တည်

ဟောင်ကောင်၊ ဇန်န၀ါရီ-၁၉

ကမ္ဘာကျော် အီကိုနောမစ်သတင်းမီဒီယာအုပ်စု လက်အောက်ခံ အဖွဲ့အစည်းတစ်ခုဖြစ်သည့် အီကိုနောမစ်ကော်ပိုရိတ်ကွန်ရက်က ပြုလုပ်ခဲ့သည့် စစ်တမ်းအရ မြန်မာနိုင်ငံသည် ထိုင်းနှင့်မလေးရှားကို ကျော်လွန်ကာ ရင်းနှီးမြှုပ်နှံသူအကြိုက် အာရှထိပ်တန်းနိုင်ငံများစာရင်းတွင် စတုတ္ထအဆင့်၌ ရပ်တည်နေကြောင်း သိရသည်။

အီကိုနောမစ်ကော်ပိုရိတ်ကွန်ရက်၏ အာရှစီးပွားရေးရှုမြင်ချက် ၂၀၁၄ အရ ရင်းနှီးမြှုပ်နှံသူများအကြိုက် အာရှနိုင်ငံများစာရင်းတွင် တရုတ်နိုင်ငံက ရင်းနှီးမြှုပ်နှံမှုများ ပိုမိုပြုလုပ်လိုကြောင်း ဆန္ဒပြုထားသူ ၆၈ ဒသမ ၇
ရာခိုင်နှုန်းဖြင့် ထိပ်ဆုံးတွင် ရပ်တည်လျက်ရှိပြီး အင်ဒိုနီးရှားနှင့် အိန္ဒိယတို့က တရုတ်နောက်မှ အစဉ်လိုက်ရပ်တည်လျက်ရှိသည်။

တစ်ချိန်တည်းမှာပင် မြန်မာနိုင်ငံတွင် ရင်းနှီးမြှုပ်နှံမှု ပိုမိုလုပ်ဆောင် လိုကြောင်း ဆန္ဒပြုသူ ၃၈ ဒသမ ၇ ရာခိုင်နှုန်းဖြင့် ရင်းနှီးမြှုပ်နှံသူ အကြိုက် နိုင်ငံများစာရင်း၌ စတုတ္ထနေရာတွင် ရပ်တည်နေပြီး ထိုင်းနှင့် မလေးရှားတို့က မြန်မာနိုင်ငံနောက်တွင် အစဉ်လိုက် ရပ်တည်နေသည်။
အလားတူ အာရှစီးပွားရေးရှုမြင်ချက် ၂၀၁၄ တွင် အာရှနိုင်ငံများ၏ ရင်းနှီးမြှုပ်နှံမှုဆိုင်ရာ အခြေအနေများကို စံနှုန်းဖြတ်ခဲ့ရာ ရင်းနှီးမြှုပ်နှံမှု ကဏ္ဍ နောက်ခံအခြေအနေ တိုးတက်မှုအရှိ ဆုံးနိုင်ငံအဖြစ် မြန်မာနိုင်ငံက ထိပ်ဆုံး တွင်ရပ်တည်နေကြောင်း သိရသည်။

မြန်မာနိုင်ငံကို ရင်းနှီးမြှုပ်နှံမှုကဏ္ဍ နောက်ခံအခြေအနေများ တိုးတက်မှု အပြဆုံးနိုင်ငံအဖြစ် အာရှ-ပစိဖိတ်ဒေသ စီးပွားရေးလုပ်ငန်းများမှ အမှုဆောင်အရာရှိ ၇၆ ဒသမ ၇ ရာခိုင် နှုန်းတို့က အမှတ်ပေးထားသည်။
ရင်းနှီးမြှုပ်နှံမှုကဏ္ဍ နောက်ခံအခြေအနေများ တက်ရိပ်အပြဆုံးနိုင်ငံ များစာရင်းတွင် မြန်မာနိုင်ငံ၏အောက်၌ ဖိလစ်ပိုင်၊ တရုတ်၊ အင်ဒိုနီးရှားနှင့် ဗီယက်နမ်တို့က အစဉ်လိုက်ရပ်တည် နေကြောင်းသိရသည်။

စံတော်ချိန် နေ့စဉ်သတင်းစာ