တရုတ်အစိုးရတာဝန်ရှိသူ နှစ်သောင်းကျော် ပြစ်ဒဏ်ပေးခံရ

တရုတ်အစိုးရသည် နိုင်ငံ၏ ကျေးလက်ဒေသများရှိ အစိုးရတာဝန်ရှိသူ ၂၀,၀၀၀ ကျော်အား ပြစ်ဒဏ်များ ချမှတ်ခဲ့ကြောင်း သိရသည်။ တရုတ်ကွန်မြူနစ်ပါတီက နိုင်ငံတစ်ဝန်းဆောင်ရွက်နေသော ဗျူရိုကရေစီစနစ် ကျင့်သုံးမှုနှင့် ဟိတ်ဟန်ကြီးသည့် နေထိုင်မှုများ လျှော့ချရေးအစီအစဉ်အရ ထိုသို့ ပြစ်ဒဏ်များ ချမှတ်ခဲ့ခြင်းလည်းဖြစ်သည်။ ပြစ်ဒဏ်ပေးခံရသည့် အရာရှိများတွင် ၃၀၀ ဝန်းကျင်မှာ အစိုးရအဆင့်အရာရှိ သို့မဟုတ် ကွန်မြူနစ်ပါတီကော်မတီဝင်များဖြစ်ကြောင်း စည်းကမ်းထိန်းသိမ်းရေးဗဟိုကော်မရှင် (Central Commission for Discipline Inspection - CCDI) က တနင်္လာနေ့တွင် ထုတ်ပြန်ပြောကြားသည်။

တရုတ်နိုင်ငံသည် ကြီးမားကျယ်ပြန့်သည့် စိုက်ပျိုးမြေဧရိယာကို ပိုင်ဆိုင်ထားပြီး ကျေးလက်ဒေသတွင် နေထိုင်သူဦးရေ သန်း ၉၀၀ အထိရှိနေရာ အဆိုပါဒေသများ၌ သန့်ရှင်းကောင်းမွန်သည့် အုပ်ချုပ်မှုစနစ်မှာ အရေးပါလျက်ရှိကြောင်း CCDI ၏ ထုတ်ပြန်ချက်တွင် ထောက်ပြထားသည်။ အဂတိလိုက်စားမှု စောင့်ကြည့်ရေးအဖွဲ့၏ အဆိုအရ ပြည်သူ့ဝန်ထမ်း ၅၀၀ ကျော်မှာ ရုံးကားများကို ကိုယ်ရေးကိုယ်တာကိစ္စအတွက် သုံးစွဲခဲ့ကြောင်းနှင့် အခြား ဝန်ထမ်း ၉၀၀ ကျော်မှာ ဟိတ်ဟန်ကြီးသည့် နေထိုင်မှု၊ အခမ်းအနားများကို ချဲ့ကားကျင်းပခဲ့သည်ဆို၏။ တရုတ်အစိုးရတာဝန်ရှိသူများ အနေဖြင့် ကွန်မြူနစ်ပါတီ၏ စည်းမျဉ်းစည်းကမ်းများကို ဖောက်ဖျက်ပါက ပါတီတွင်း ပြစ်ဒဏ်ချမှတ်မှု ပြုလုပ်လေ့ရှိသော်လည်း ပြစ်ဒဏ်အမျိုးအစားကိုမူ CCDI ထုတ်ပြန်ချက်တွင် ဖော်ပြမထားချေ။

တရုတ်နိုင်ငံတွင် အာဏာရကွန်မြူနစ်ပါတီ အကြီးအကဲအဖြစ် သမ္မတဇီကျင်ပင်းက တာဝန်ယူခဲ့ပြီးနောက် ယမန်နှစ် အောက်တိုဘာလအတွင်းမှစတင်ကာ ဗျူရိုကရေစီစနစ် တိုက်ဖျက်ရေး ဆောင်ရွက်ခဲ့သည်။ ဇီကျင်ပင်းက အစည်းအဝေးများ ရှည်ကြာစွာပြုလုပ်မှု၊ အစိုးရအကြီးအကဲများကို ကြိုဆိုသည့် အခမ်းအနားများ အလွန်အကျူး ကျင်းပမှုနှင့် အဓိပ္ပါယ်မဲ့ မိန့်ခွန်းပြောကြားမှုများကို ရှောင်ကြဉ်ရန် ညွန်ကြားခဲ့သည်။ သမ္မတဇီကျင်ပင်းက ပြည်သူများ ကျေနပ်မှုရှိစေရေးအတွက် အစိုးရတာဝန်ရှိသူများ လုပ်ငန်းတာဝန်ကို ပိုမိုထိရောက်စွာ ဆောင်ရွက်စေရန်နှင့် အကျင့်ပျက်ခြစားမှု လျော့နည်းရေးတို့ကို ဆောင်ရွက်ခဲ့သည်။ ဇီကျင်ပင်းသည် ဗျူရိုကရက်တို့၏ အာဏာအလွဲသုံးစား ပြုလုပ်မှုကိုလည်း ဒေါသတကြီး ပြစ်တင်ဝေဖန်ခဲ့သည်။

တရုတ်နိုင်ငံ၏ ကျေးလက်ဒေသများတွင် ဥပဒေရေးရာ တာဝန်ရှိသူများ၏ မလျော်ကန်သော ဆောင်ရွက်မှုများ ကျယ်ကျယ်ပြန့်ပြန့် ပေါ်ပေါက်ခဲ့ပြီး လယ်သမားများက မကျေမနပ်ဖြစ်ကာ ဆန္ဒပြမှုများရှိခဲ့သည်။ အကျင့်ပျက်ခြစားမှု တိုက်ဖျက်ရေး စတင်ဆောင်ရွက်ခဲ့ပြီးနောက် သမ္မတဇီကျင်ပင်းက အကျင့်ပျက်ခြစားမှုသည် ပါတီကို ထိခိုက်စေကြောင်းနှင့် ထိပ်တန်းအဆင့်နှင့် အောက်ခြေအဆင့် တာဝန်ရှိသူများအားလုံးကို အရေးယူမည်ဟု သတိပေးခဲ့သည်။ အကျင့်ပျက်ခြစားမှု တိုက်ဖျက်ရေးဆောင်ရွက်မှုအရ ထိပ်တန်းအဆင့် အစိုးရအရာရှိများကို စုံစမ်းစစ်ဆေးခြင်းနှင့် ဖမ်းဆီးခြင်းများြု့လုပ်ခဲ့ကြောင်း သိရသည်။

မကြာသေးမီက ဟူဘီပြည်နယ် ဒုတိယအုပ်ချုပ်ရေးမှူး ဂူယောင်မင်းအား အကျင့်ပျက်ခြစားမှုဖြင့် ရာထူးမှ ထုတ်ပယ်ခဲ့သည်။ အလားတူ တရုတ်အစိုးရပိုင် PetroChina ရေနံကုမ္ပဏီမှ အရာရှိဟောင်း အများအပြားကိုလည်း အလွဲသုံးစားမှုဖြင့် ယခုနှစ်အစောပိုင်းက ဖမ်းဆီးထိန်းသိမ်းခဲ့သည်။ ထို့နောက် မေလအတွင်းကလည်း တရုတ်အစိုးရ၏ စီမံကိန်းရေးဆွဲရေးဌာန ဒုတိယအကြီးအကဲ လီတီအန်နန်၏ အကျင့်ပျက်ခြစားမှုများ အွန်လိုင်းတွင် ထွက်ပေါ်ခဲ့ပြီးနောက် ၎င်းအား ရားထူးမှ ဖယ်ရှားခဲ့ကာ ရာဇဝတ်မှုဖြင့် စုံစမ်းစစ်ဆေးခဲ့ကြောင်း သိရသည်။

Planet Myanmar Network