အရှေ့တရုတ်ပင်လယ်ပေါ် အမေရိကန်စစ်လေယာဉ်ပျံသန်း

ရေပိုင်နက် အငြင်းပွားနေကြတဲ့ အရှေ့တရုတ်ပင်လယ်ပေါ်ကနေ တရုတ်ကို ကြိုတင်အသိမပေးဘဲ အမေရိကန် စစ်လေယာဉ် ၂ စင်း ဖြတ်ပြီး ပျံသန်းခဲ့တယ်လို့ အမေရိကန်က ပြောပါတယ်။ လေကြောင်းရန် ကာကွယ်ရေးဇုန် သတ်မှတ်ဖန်တီးဖို့ တရုတ်တို့ ကြိုးစားနေတာကို ပထမဆုံး တိုက်ရိုက် စိန်ခေါ်လိုက်တာလို့ မြင်နိုင်ပါတယ်။

အငြင်းပွားစရာဖြစ်နေတဲ့ ကျွန်းတွေအပေါ်မှာ တနင်္လာနေ့တုန်းက B52 ဗုံးကြဲလေယာဉ် ၂ စင်း ပုံမှန်လေ့ကျင့်ရေး လုပ်ခဲ့တယ်လို့ Pentagon စစ်ဌာနချုပ် တာဝန်ရှိသူတွေက ပြောပါတယ်။ ဒီကိစ္စနဲ့ပတ်သက်လို့ တရုတ်အစိုးရဘက်က တစုံတရာ တုံ့ပြန်မှု မရှိသေးပါဘူး။

အမေရိကန်စစ်လေယာဉ်တွေအနေနဲ့ တရုတ်ရဲ့ ပြဌာန်းချက်အသစ်အတိုင်း လိုက်ပြီး သူတို့လေယာဉ်တွေနဲ့ ပါတ်သက်လို့ အသိပေးမှာ မဟုတ်ဘူးလို့ အမေရိကန်က အစောပိုင်းက ကြေညာပြီး မကြာခင်မှာပဲ အခုလို လုပ်ခဲ့တာဖြစ်ပါတယ်။ တရုတ်ရဲ့ လေကြောင်းရန် ကာကွယ်ရေးဇုန် သတ်မှတ်မှုကို အသိအမှတ် မပြုဘူးလို့ အမေရိကန်နဲ့ ဂျပန်တို့က အခိုင်အမာ ပြောကြားထားပါတယ်။

တရုတ်ကတော့ သူတို့ရဲ့သတ်မှတ်ချက်အတိုင်း အရပ်ဖက် စစ်ဖက် လေယာဉ်တွေအားလုံးက လိုက်နာပြီး ပျံသန်းမှုအစီအစဉ်တွေကို တရုတ်အာဏာပိုင်တွေကို အသိပေးစေချင်တာ ဖြစ်ပါတယ်။ ဂျပန်ပိုင်နက်ကို ကာကွယ်ဖို့ လိုအပ်တဲ့ ဆောင်ရွက်မှုတွေ မှန်သမျှကို လုပ်သွားမှာဖြစ်သလို အမေရိကန်အစိုးရနဲ့လည်း အနီးကပ် ဆက်သွယ်ဆောင်ရွက်နေတယ်လို့ ဂျပန် ကာကွယ်ရေးဝန်ကြီး Itsunori Onodera က အင်္ဂါနေ့က ပြောကြားခဲ့ပါတယ်။

တရုတ်က လေကြောင်းရန်ကာကွယ်ရေး ဇုန်သတ်မှတ်တဲ့ ဆောင်ရွက်မှုကို ရန်စမှုအဖြစ် အမေရိကန်နဲ့ ဂျပန်တာဝန်ရှိသူတွေက အပြစ်တင်ခဲ့ပြီး အဲဒီဒေသမှာ သူတို့လုပ်ငန်းတွေအပေါ် သက်ရောက်မှာ မဟုတ်ဘူးလို့ အလေးအနက် ပြောကြားခဲ့ကြပါတယ်။

ဗွီအိုအေ (မြန်မာပိုင်း)