ထရိတ်ဒါးစ် ဟိုတယ်မှာ ဗုံးပေါက်ကွဲ၊ အမေရိကန်သူ ၁ ဦး ဒဏ်ရာရခဲ့

ရန်ကုန်မြို့ ​ထရိတ်ဒါးစ် ​ဟိုတယ်မှာ ​မနေ့ည ​ညသန်းခေါင်အချိန်လောက်မှာ ​ဗုံးတစ်လုံးပေါက်ကွဲခဲ့တဲ့အတွက် ​အမေရိကန်နိုင်ငံသူ ​တစ်ဦး ​ဒဏ်ရာရရှိခဲ့တယ်လို့ ​အေအက်ဖ်ပီသတင်းအရ ​သိရပါတယ်။

ဟိုတယ်မှာ ​တည်းခိုနေတဲ့ ​အမေရိကန်နိုင်ငံသူတစ်ဦး ​ဒဏ်ရာရသွားတာဖြစ်ပေမယ့် ​ခင်ပွန်းသည်နဲ့ ​ကလေးနှစ်ယောက်တော့ ​ထိခိုက်ဒဏ်ရာ ​မရခဲ့ဘူးလို့ဆိုပါတယ်။ ​ထိခိုက် ​ဒဏ်ရာရတဲ့ ​အမျိုးသမီးကိုတော့ ​ရန်ကုန်ဗဟိုဆေးရုံကို ​ပို့ထားပြီလို့ ​အာဏာပိုင်က ​ပြောပါတယ်။

ဒီရက်ပိုင်းအတွင်း ​မြန်မာနိုင်ငံမှာ ​ဗုံးပေါက်ကွဲမှုတွေ ​ဖြစ်ပေါ်နေပြီး၊ ​မပေါက်ကွဲသေးတဲ့ ​ဗုံးတွေကိုလည်း ​ရှာဖွေတွေ့ရှိထားပါတယ်။

ပြီးခဲ့တဲ့ ​တနင်္ဂနွေနေ့တုန်းက ​ရန်ကုန်မြို့ ​ဘတ်စ်ကားမှတ်တိုင်တစ်ခုနဲ့ ​ကုန်တင်ကားအောက်မှာ ​တပ်ဆင်ထားတဲ့ ​ဗုံးနှစ်လုံး ​ပေါက်ကွဲခဲ့တဲ့အတွက် ​ဆယ်ကျော်သက်အရွယ် ​လူနှစ်ဦး ​ထိခိုက် ​ဒဏ်ရာရရှိခဲ့ပါတယ်။

ပြီးခဲ့တဲ့ ​သောကြာနေ့တုန်းကလည်း ​တောင်ငူမြို့ ​တည်းခိုခန်းမှာ ​ဗုံးပေါက်ကွဲခဲ့တဲ့အတွက် ​အမျိုးသားတစ်ဦးနဲ့ ​အမျိုးသမီးတစ်ဦး ​သေဆုံးခဲ့ရပါတယ်။

အဲ့ဒါ့အပြင် ​မနေ့တုန်းကပဲ ​မပေါက်ကွဲသေးတဲ့ ​အိမ်လုပ်ဗုံးတွေကိုလည်း ​ရန်ကုန်မြို့နဲ့ ​မန္တလေးမြို့တွေမှာ  ​ထပ်မံတွေ့ရှိခဲ့ပါတယ်။

ဒီလို ​အခြေအနေကြောင့် ​ရန်ကုန်၊ ​မန္တလေးနဲ့ ​နေပြည်တော် ​အစရှိတဲ့ ​မြို့တွေမှာ ​လုံခြုံရေးတွေ ​တင်းကြပ်စွာချထားပြီး ​ခုချိန်ထိ ​ဘယ်သူတွေရဲ့လက်ချက်ဖြစ်တယ်ဆိုတာ ​မသိရသေးဘူးလို့လည်း ​အာဏာပိုင်တွေက ​ပြောပါတယ်။

ပေါက်ကွဲခဲ့တဲ့ ​ဗုံးတွေနဲ့ ​မပေါက်ကွဲခင် ​တွေ့ရှိခဲ့တဲ့ ​ဗုံးတွေဟာ ​အမျိုးအစားတူတာတွေ၊ ​အိမ်လုပ်ဗုံးဆိုရင်လည်း ​ထုတ်လုပ်ပုံခြင်းတူနေတာကြောင့် ​အဖွဲ့အစည်းတစ်ခု ​ဒါမှမဟုတ် ​လူတစ်ယောက်ကနေ ​ပြုလုပ်တာလို့ ​သံသယရှိနေကြပါတယ်။

မြန်မာရဲဌာနကတော့ ​ပြည်သူတွေကို ​သတိပေးတပ်လှန့်မှုတွေလုပ်ထားပြီး ​လူသွားလူလာများတဲ့နေရာမှာ ​သင်္ကာမကင်းစရာ ​အထုတ်တွေတွေ့ရင် ​အကြောင်းကြားဖို့လည်း ​မှာကြားထားပါတယ်။

မြန်မာစစ်အစိုးရလက်ထက်အတွင်း ​ဗုံးပေါက်ကွဲမှုတွေ ​ဖြစ်လေ့ဖြစ်ထရှိပြီး ​အစိုးရက ​တိုက်ရင်းသား ​လက်နက်ကိုင်အဖွဲ့အစည်းတွေအပေါ် ​အပြစ်ပုံချလေ့ရှိပါတယ်။

ဒါပေမယ့် ​သမ္မတဦးသိန်းစိန်ဦးဆောင်တဲ့ ​အစိုးရ ​တက်လာပြီးနောက်ပိုင်း ​ဗုံးပေါက်ကွဲမှုတွေ ​ဖြစ်လေ့ဖြစ်ထမရှိတော့ပဲ ​ခုအခါမှ ​ပေါက်ကွဲမှုတွေ ​ပြန်ဖြစ်နေတာ ​ဖြစ်ပါတယ်။

ABC Radio Australia