မြန်မာ့ ကမ်းလွန် ရေနံရှာဖို့ အိန္ဒိယကုမ္ပဏီတွေ ကြိးစားနေ

မြန်မာနိုင်ငံက ကမ်းလွန်ရေနံနဲ့ သဘာဝဓာတ်ငွေ့ လုပ်ကွက် ၃၀ အတွက် အိန္ဒိယ နိုင်ငံက RIL ၊ OVL နဲ့ Cairn ကုမ္ပဏီတွေက ရေနံနဲ့ သဘာဝဓာတ်ငွေ့ တူးဖော် ရှာဖွေခွင့်ရဖို့ ပြိုင်ဆိုင်နေကြတယ်လို့ အိန္ဒိယ PTI သတင်းဌာနက ဖော်ပြပါတယ်။

ကမ်းဦး ရေတိမ်ပိုင်း လုပ်ကွက် ၁၁ ခုနဲ့ ရေနက်ပိုင်း လုပ်ကွက် ၁၉ ခု အတွက် မြန်မာနိုင်ငံက တင်ဒါ ခေါ်ထားပြီး ပြည်ပကုမ္ပဏီ ၆၁ ခု က အရည်အချင်းပြည့်မှီတယ်လို့ဆိုပါတယ်။
ဒီအတောအတွင်း မကွေးတိုင်းချောက်မြို့ နယ်မှာ Goldpetrol Joint Operating ကုမ္ပဏီက CHK 1170 ချောက်ရေနံတွင်း အမှတ် ၁၁၇၀ အတွက် ရေနံတွင်းတူးတဲ့ လုပ်ငန်း အပြီးသတ်သွားပြီလို့ စင်ကာပူ အခြေစိုက် Interra Resources Ltd က သြဂုတ်၁ ရက်နေ့က သတင်းထုတ်ပြန်ပါတယ်။
Interra Resources Ltd ဟာ Goldpetrol မှာ အစုရှယ်ယာ ၆၀% ထည့်ဝင်ထားပါတယ်။ CHK 1170 တွင်းဟာ ပေ ၃၃၀၀ ကျော်အနက်ရှိပြီး သူ့နားက CHK 1166 ရေနံတွင်းတူးတဲ့လုပ်ငန်းက ဒီနှစ် မတ်လမှာ အပြီးသတ်ပါတယ်။ Goldpetrol က ကိရိယာနဲ့ ရေနံတွင်းတူးတာဖြစ်ပြီး အကုန်အကျနည်းပါးတယ်လို့ ပြောပါတယ်။

RFA Burmese