ဆီးရီးယား ကာ့ဒ် လူမျိုးများကို ကာကွယ်ရန် ဝင်ရောက် စွက်ဖက်မည်ဟု အီရတ် ကာ့ဒ်ခေါင်းဆောင် ခြိမ်းခြောက်

ဆီးရီးယား ပဋိပက္ခတွင်း ပိတ်မိနေသော ကာ့ဒ် လူမျိုးများကို ကာကွယ်နိုင်ရန် ဝင်ရောက် စွက်ဖက်မည် ဟု အီရတ် ကာ့ဒ် ကိုယ်ပိုင် အုပ်ချုပ်ခွင့်ရဒေသ ဥက္ကဋ္ဌ မာဆွတ် ဘာဇာနီက ခြိမ်းခြောက်လိုက်ကြောင်း BBC သတင်း တွင် ဖော်ပြထားသည်။

ကာ့ဒ် လူမျိုးများ အကြမ်းဖက်ဝါဒနှင့် အသက်အန္တရာယ် ခြိမ်းခြောက်မှု ကြုံတွေ့နေရပါက ၎င်းတို့ကို ကာကွယ်ပေးနိုင်ရန် အီရတ် ကာ့ဒစ္စတန် က ပြင်ဆင်သွားမည်ဟု မာဆွတ်ဘာဇာနီက ပြောသည်။

ဆီးရီးယား မြောက်ပိုင်းဒေသတွင်း ကာ့ဒ် လူမျိုးများနှင့် အစိုးရ ဆန့်ကျင်ရေး အစ္စလာမ္မစ် တိုက်ခိုက်ရေးသမားများကြား တိုက်ပွဲများ မကြာသေးမီ က ဖြစ်ပွားခဲ့ခြင်းကြောင့် လူပေါင်း ဒါဇင်နှင့်ချီ သေဆုံးခဲ့သည်။

ဆွန်နီ မွတ်ဆလင် ဘာသာဝင် အများစုပါသော ဆီးရီးယား လူဦးရေ သန်း ၂၀ ကျော်တွင် ကာ့ဒ် လူဦးရေ ၁၀ ရာခိုင်နှုန်းထိ ရှိပြီး နိုင်ငံ အရှေ့မြောက်ပိုင်းတွင် စုဝေး နေထိုင်ကြသည်။

သမ္မတ အာဆတ်၏ တပ်ဖွဲ့ဝင်များ အဆိုပါဒေသမှ ၂၀၁၂ ခုနစ်တွင်း ဆုတ်ခွာခဲ့သည့် အချိန်မှစ၍ ယင်းဒေသကို ကာ့ဒ်လူမျိုး ကောင်စီ များနှင့် ပြည်သူ့စစ် အဖွဲ့များက အုပ်ချုပ်ခဲ့သည်။

အစ္စလာမ္မစ်ဝါဒီ အယ်နူဆရာ တပ်ဦးနှင့် ဆီးရီးယား ကာ့ဒ် ပြည်သူ့စစ်များ တိုက်ပွဲများ ပြင်းထန်စွာ ဖြစ်ပွားခဲ့ပြီးနောက် ဆီးရီးယား ကာ့ဒ်ဒေသသို့ ကိုယ်စားလှယ်အဖွဲ့ စေလွှတ်ရန် မာဆွတ် ဘာဇာနီက တိုက်တွန်း လိုက်ခြင်း ဖြစ်သည်။

ကာ့ဒ် လူမျိုးများကို အကြမ်းဖက်သမားများ သတ်ဖြတ်ကြောင်း ကိုယ်စားလှယ်အဖွဲ့က စစ်ဆေး တွေ့ရှိပါက ရနိုင်သမျှ စွမ်းဆောင်ရည်များ ကို အသုံးပြုပြီး ကာ့ဒ် အမျိုးသမီးများ၊ ကလေးများနှင့် အနောက် ကာ့ဒစ္စတန် နိုင်ငံသားများ ကာကွယ်သွားရမည်ဟု ၎င်းက ဆိုသည်။

မည်ကဲ့သို့သော ပုံစံမျိုးဖြင့် ဝင်ရောက် စွက်ဖက်မည်ကို ဘာဇာနီက ရှင်းလင်းစွာ ပြောကြားသွားခြင်း မရှိပေ။

အီရတ် မြောက်ပိုင်းဒေသတွင်း အီရတ် ကာ့ဒစ္စတန်ရှိပြီး ပြည်နယ် သုံးခုဖြင့် ဖွဲ့စည်းထားသလို ကိုယ်ပိုင် စစ်တပ်နှင့် ရဲတပ်ဖွဲ့များ ရှိသည်။

ဆီးရီးယား အာဆတ် အုပ်ချုပ်မှုအောက်တွင် ကာ့ဒ် လူမျိုးများကို ခွဲခြား ဆက်ဆံမှုများ ပြုလုပ်ခဲ့ခြင်း ကြောင့် ဆီးရီးယား တော်လှန်ရေး စတင်ခဲ့သည့် ၂၀၁၁ ခုနစ် မတ်လ နောက်ပိုင်းမှ စ၍ ကာ့ဒ်လူမျိုးများက အစိုးရ ဆန့်ကျင်ရေး ဆန္ဒပြပွဲများ ပြုလုပ်ခဲ့သည်။

သို့သော်လည်း မကြာသေးမီ ကာလများအတွင်း ဖြစ်ပွားခဲ့သော တိုက်ခိုက်မှု များမှာ ဆီးရီးယား အစိုးရ တပ်ဖွဲ့များနှင့် ကာ့ဒ် လက်နက်ကိုင်များ ကြား ဖြစ်ပွားခဲ့သည့် တိုက်ခိုက်မှုများ မဟုတ်ဘဲ ကာ့ဒ်များနှင့် အစ္စလာမ္မစ် စစ်သွေးကြွများကြား ဖြစ်ပွားသည့် တိုက်ခိုက်မှုများ ဖြစ်သည်။

ကာ့ဒ် လူမျိုးများသည် တူရကီနိုင်ငံ အရှေ့ပိုင်း၊ အီရတ် မြောက်ပိုင်း၊ အီရန် အနောက်မြောက်ပိုင်းနှင့် ဆီးရီးယား အရှေ့မြောက်ပိုင်းများတွင် အဓိက အားဖြင့် အခြေချ နေထိုင်ကြသည်။

The Voice Weekly