Home » » ညောင်ဦးကမ်းပါး မြေပြိုမှုကြောင့် ပြောင်းရွှေ့ရသူများ အခက်ကြုံ

ညောင်ဦးကမ်းပါး မြေပြိုမှုကြောင့် ပြောင်းရွှေ့ရသူများ အခက်ကြုံ

Written By Unknown on Monday, July 8, 2013 | 5:35 AM

မကွေးတိုင်းဒေသကြီး၊ ပခုက္ကူမြို့နယ်က ညောင်ဦးကမ်းပါးတစ်ဘက်မှာရှိတဲ့ ရှားတော ၊ မြင်းကျွန်း၊ သာယာကုန်းနဲ့ ထနောင်းကုန်းရွာတွေမှာ ရေကြီးပြီး ကမ်းပါးပြိုကျတာကြောင့် ရွှေ့ပြောင်းခဲ့ရတဲ့ အိမ်ခြေ ၂ဝဝ ကျော်က မိသားစုတွေဟာ နေထိုင်ရေး အခက်အခဲ တွေ့နေကြတယ်လို့ လူမှုရေး အဖွဲ့တွေက ပြောပါတယ်။

ဒေသခံတွေ ပြောင်းရွှေ့ရေးမှာ အကူအညီပေးနေတဲ့ ပခုက္ကူဒေသဖွံ့ဖြိုးရေးကော်မတီ ဥက္ကဌ ဦးရဲထွဋ်က လက်ရှိ အခြေအနေကို အခုလို ပြောပါတယ်။

" မနေ့ကည မရိုးကုန်းရွာက တစ်ရွာလုံး သဲမြေဆိုတော့ ရေကတက်လာတဲ့အခါကျတော့ အဲ့သဲတွေလှိုက်စားပြီးတော့ မြေကပြိုတာ ပြိုသွားတဲ့နေရာမှာ ယာတွေရောပါသွားတော့ ယာအစားပေးဖို့ကျတော့ မဖြစ်နိုင်တာတွေပေါ့နော်၊ အလုပ်အကိုင် အခွင့်အလမ်းဆုံးရှုံးသွားတာရယ် အဆောက်အဦးနဲ့ မြေနေရာတွေကို ဝယ်နေရတဲ့ အတွက် သူတို့ဆီမှာ ဒါတော့ အခက်အခဲရှိတယ်"

ဒါ့အပြင် မနေ့ညကလည်း ဧရာဝတီ မြစ်ရေတက်လာပြီး နေအိမ်တွေကို ရေလွှမ်းလာတဲ့အတွက် မရိုးကုန်းရွာက အိမ်ခြေ (၈၀) နီးပါးခန့် ထပ်မံရွှေ့ပြောင်းထားရတယ်လို့ ဆိုပါတယ်။

အဲဒီ ပြောင်းရွှေ့တဲ့ ဒေသခံတွေထဲမှာ ငွေကြေးတတ်နိုင်သူတချို့ကတော့ မြေနေရာတစ်ကွက်ကို ကျပ် (၄) သိန်းနဲ့ ဝယ်ယူနေထိုင်နေကြသူတွေလည်းရှိသလို အများကတော့ မင်းကျွန်းရွာမှာ ယာယီတဲတွေနဲ့ လောလောဆယ် နေရာချထားပေးနေတယ်လို့ သိရပါတယ်။

RFA Burmese