ဘာသာရေး လူမျိုးရေးခုတုံးနှင့် ပဋိပက္ခ ဖန်တီးသူများပေးသည့် ဆိုးမွေများ

မြန်မာနိုင်ငံ လွတ်လပ်ရေး မဆုံးရှုံးမီ နောက်ဆုံးအုပ်ချုပ် မင်းလုပ်ခဲ့သည့် ဘုရင်သုံးပါးကား ပုဂံမင်း၊ မင်းတုန်းမင်းနှင့် သီပေါမင်းတို့ဖြစ်သည်။ နောက်ဆုံး မင်းသုံးဆက်တွင် မင်းတုန်းမင်း တစ်ပါးသာ ဥာဏ်အမြော်အမြင်နှင့် အကြင်နာတရားရှိပြီး တိုင်းပြည်ကို မေတ္တာဖြင့် အုပ်ချုပ်ခဲ့သည်။ တစ်ဘက်တွင်လည်း မြန်မာနိုင်ငံ၏ နယ်နိမိတ်ဧရိယာများ အင်္ဂလိပ်လက်သို့ ဆက်မပါစေရန် နည်းမျိုးစုံဖြင့် ကြိုးပမ်းသည်။

မင်းတုန်းမင်း၏ ရှေ့က မင်းလုပ်သူ ပုဂံမင်းကား ပျော်ပါးမှုတွင် နစ်မြှုပ်နေသူဖြစ်သည်။ တိုင်းရေးပြည်ရာကိုလည်း စိတ်မ၀င်စား။ နိုင်ငံတကာရေးရာ ဗဟုသုတကလည်း ခေါင်းပါးသူ ပုဂံမင်းသည် တလွဲရာဇမာန်တော့ရှိ၏။ အင်္ဂလိပ်က ရန်စလာသည့်အခါ အခြေအနေအရပ်ရပ်ကို ခြုံငုံမသုံးသပ်နိုင်ဘဲ မခံချင်စိတ်တစ်ခုတည်းဖြင့် အင်္ဂလိပ်နှင့် ဒုတိယစစ်ပွဲ ဆင်နွှဲလိုက်ရာ၊ ရက်ပိုင်းအတွင်းမြန်မာက စစ်ရှုံးသည်။ ရလဒ်အဖြစ် ရန်ကုန်။ မုတ္တမနှင့် ပဲခူး အင်္ဂလိပ် လက်အောက်သို့ ရောက်သွားသည်။ အင်္ဂလိပ်သည် ပထမ မြန်မာ-အင်္ဂလိပ် စစ်ပွဲအပြီးတွင်အိန္ဒိယဘုရင်ခံ မှတဆင့် ရခိုင်နှင့် တနင်္သာရီကို အုပ်ချုပ်နေခြင်းဖြစ်၏။ ထို့ကြောင့် ဘင်္ဂါလီများ၊ အိန္ဒိယ နိုင်ငံသားများ အလုံးအရင်းနှင့် ပထမဆုံးဝင်လာနေသောနေရာသည် ရခိုင်နှင့် တနင်္သာရီဖြစ်ပါသည်။ ရခိုင်က ဘင်္ဂါလားနယ်နှင့် နယ်ခြင်းစပ်နေသဖြင့် ဘင်္ဂါလီများသည် တနင်္သာရီဘက်ထက် ရခိုင်တွင် ပိုမိုများပြားစွာရောက်ရှိခြင်းက သဘာဝကျပါသည်။

မ်ိမိနိုင်ငံ၏ နယ်မြေတချို့ ဖဲ့ပေးရပြီး ကုလားများ မြန်မာ့မြေပေါ် ရောက်လာသည်ကို မနာကျည်းဘဲ သဘာဝကျသည်ဟု ပြောရက်လေဟုမဆိုပါနှင့်။ သမိုင်းဖြစ်စဉ်ကို မှန်မှန်ကန်ကန်ပြောနေခြင်းဖြစ်၍၊ သမိုင်းကိုပြောရာတွင် စိတ်ခံစားမှုနှင့် ပြော၍မရပါ။ ရှေးမြန်မာမင်းများ မဏိပူရပြည်နယ်ကို ကျူးကျော်သိမ်းပိုက်စဉ်ကလည်း ကသည်းလူမျိုးများကို သုံ့ပန်းအဖြစ်ခေါ်လာခဲ့သည်။ ထိုကလည်းများသည် ယနေ့ဗုဒ္ဓဘာသာဖြစ်သူကဖြစ်၊ ဟိန္ဒူဆက်ကိုးကွယ်သူက ကိုးကွယ်လျက် ယနေ့ထိမြန်မာနိုင်ငံတွင် ရှိနေကြပါသည်။ စစ်၏သဘာဝကို ပြောလိုရင်းဖြစ်သည်။

ထို့ကြောင့် ခရစ်ယာန်၊ ဟိန္ဒူနှင့် မူဆလင်ဘာသာများသည် ဆရာတော်ဦးဝီရသူ ဟောပြောသကဲ့သို့ အင်္ဂလိပ်တို့က မြန်မာနိုင်ငံကို သိမ်းပိုက်ပြီးမှ ရောက်လာကြခြင်းမဟုတ်ပါ။ သည်မတိုင်မိကပင် ရောက်ခဲ့ပြီးဖြစ်သော်လည်း မပြန့်ပွားသေးခြင်းသာ ဖြစ်ပါသည်။
မင်းတုန်းမင်း၏ ဥာဏ်ပညာကြောင့် အင်္ဂလိပ်တို့က မြန်မာနိုင်ငံကို လွယ်လင့်တကူ ဆက်မသိမ်းပိုက်နိုင်သော်လည်း၊ အင်္ဂလိပ်ကို အောက်ကျခံချော့ပေါင်းခဲ့ရ၏။ မြန်မာနှင့် အင်္ဂလိပ်ကြားအဓိကကွားခြားချက် ကလက်နက်နှင့် နည်းပညာဖြစ်ပါသည်။
အနောက်နိုင်ငံများက ခေတ်မီသေနတ် လက်နက်များ သုံးလာချိန်၊ အရင်းရှင်ပါလီမန်စနစ်ကို စကျင့်သုံးလာချိန်တွင် မြန်မာအပါအ၀င် အရှေ့တိုင်းနိုင်ငံများ၌ ခေတ်မီလက်နက်များ ၊ တပ်ဖွဲ့များ မရှိရုံသာမက သက်ဦးဆံပိုင် ဘုရင်စနစ်ဖြင့် ဆက်လက် အုပ်ချုပ်နေခြင်းကြောင့် မိမိနိုင်ငံနှင့် လူမျိုးကို ကာကွယ်စောင့်ရှောက်နိုင်စွမ်းမရှိ ဘဲ ၊ လွတ်လပ်ရေးဆုံးရှုံးရခြင်းဖြစ်သည်။
မင်းတုန်းမင်းအလွန် နန်းတက်လာသူ သီပေါဘုရင်သည် နုငယ်လှသည့် ဆယ်ကျော်သက်ရွယ် လူငယ်လေးသာဖြစ်ပါသည်။ ဆင်ဖြူမရှင် မိဖုရားကြီးနှင့် ကင်းဝန်မင်းကြီးတို့က ရုပ်သေးဘုရင်အဖြစ် ပလ္လင်ထက် တင်ပေးထားခြင်းဖြစ်သည်။သီပေါဘုရင်ကိုယ်တိုင်က ငယ်စဉ်က ဘုန်းကြီးဝတ်ရန် ရည်ရွယ်ခဲ့သူဖြစ်သည်။ အချုပ်ဆိုသော် ကမ္ဘာ့အရေးကို မျက်ခြည်ပျက်နေသော ခေတ်မီလက်နက်နှင့်တပ်ဖွဲ့မရှိသော ခေတ်မီအုပ်ချုပ်ရေးစနစ်မဟုတ်ဘဲ သက်ဦးဆံပိုင်စနစ်ကို ဆက်ကျင့်သုံးနေသော မြန်မာနိုင်ငံသည် သီပေါမင်းလက်ထက်တွင် လွတ်လပ်ရေးအပြီး ဆုံးရှုံးခဲ့တော့သည်။

အကယ်၍ ထိုခေတ်က အခြေအနေကို လေ့လာပါက အင်္ဂလိပ်က မြန်မာကို မသိမ်းစေကာမူ၊ ပြင်သစ်၊ ဒတ်ခ်ျ၊ စပိန်စသည့် တခြားနိုင်ငံက သိမ်းပိုက်မည်သာ ဖြစ်၏။ ကွာဟနေသော အသိဥာဏ်၊ လက်နက်နှင့် အင်အားကြောင့် မြန်မာသည် အနောက်နိုင်ငံတစ်နိုင်ငံ၏ ကိုလိုနီဖြစ်မည်သာတည်း။

ထို့ကြောင့် ထစ်ခနဲရှိ အင်္ဂလိပ်ကို ပုတ်ခတ်ပြောဆိုနေမည့်အစား၊ ယနေ့ကမ္ဘာနှင့် မြန်မာသည် မည်မျှဆက်လက်ကွာဟနေသနည်း။ မည်သို့ အမှီလိုက်ကြမည်နည်းကိုသာအဖြေရှာသင့်ပါသည်။

မြန်မာနိုင်ငံတွင် ဗုဒ္ဓဘာသာ ဆုတ်ယုတ်လာခြင်းကို ဆရာကြီးဦးရွှေအောင်က ဗုဒ္ဓဘာသာပြန့်ပွားလာခြင်းစာအုပ်တွင် သုံးသပ်ရေးသားထားပါသည်။ ရှေးမြန်မာမင်းတို့၏ အုပ်ချုပ်ပုံစနစ်သည် ဗုဒ္ဓဘာသာပေါ်တွင် အခြေပြုထား၏။ ရှေးမြန်မာတို့၏ ပညာရေးကလည်း ဘုန်းတော်ကြီးသင် ပညာရေးဖြစ်၏။ ရှေးမြန်မာတို့ ကိုးကွယ်သည်ကလည်း ဗုဒ္ဓဘာသာဖြစ်၏။ ရှေးမြန်မာများ၏(နတ်ကိုးကွယ်သည့် တိုင်းရင်သားများမပါ) လူမှုရေး၊ စီးပွားရေး၊ အုပ်ချုပ်ရေး အရေးအားလုံးသည် ဗုဒ္ဓဘာသာပေါ်တွင် အခြေခံထားသည်။

လွတ်လပ်ရေး ဆုံးရှုံးပြီးနောက် အုပ်ချုပ်ရေးကလည်း အင်္ဂလိပ်၏ အုပ်ချုပ်ရေးပုံစံသို့ ပြောင်းသွားသည်။ ပညာရေးကလည်း အနောက်တိုင်းပုံစံ စာသင်ကျောင်းများဖြစ်လာသည်။ နိုင်ငံရေးတွင် ဆို၇ှယ်လစ်၊ ကွန်မြူနစ်စသော ၀ါဒများ ၀င်လာသည်။ ပထမကမ္ဘာစစ်ကြီးအပြီးတွင် လက်ဝဲဒါဒ ကမ္ဘာ့နေရာအတော်များများသို့ ပျံ့နှံ့ လွှမ်းမိုးခဲ့ရာ ထိုခေတ်က ကမ္ဘာ့လူငယ်များကို လက်ဝဲဒါဒက လွှမ်းမိုးခဲ့သည်။ လက်ဝဲ၀ါဒသည် ဘာသာရေးကို အားမပေး။ လက်ဝဲ၀ါဒက မည်သည့်ဘာသာရေးကိုဖြစ်စေ ပစ်ပယ်လေသည်။ မြန်မာနိုင်ငံတွင် နဂါးနီစာအုပ်အသင်းကဲ့သို့ လက်ဝဲ၀ါဒကို လက်ခံသည့် အသင်းပင် ပေါ်ပေါက်ခဲ့သည်။

လက်ဝဲ၀ါဒက မြန်မာလူထုအပေါ်၌သာမက ကမ္ဘာတစ်ဝှမ်းက လူငယ်များအပေါ် လွှမ်းမ်ိုးခြင်းဖြစ်၏။ ခေတ်စနစ်၊ အချိန်အခါအရ အများလက်ခံခဲ့သည့် ၀ါဒတစ်ရပ်ဖြစ်ခဲ့သည်။

အထက်ပါ အကြောင်းချင်းရာများကြောင့် အရာရာတွင် ဗုဒ္ဓယဉ်ကျေးမှုပေါ် အခြေခံသည့် မြန်မာ့လူနေမှုစနစ် ပျက်ယွင်းခဲ့သည်။ အင်္ဂလိပ်တို့ မြန်မာနိုင်ငံသို့ ၀င်ရောက်လာပြီးနောက်ပိုင်း မဖွံ့သေးသော လမ်းပန်းဆက်သွယ်ရေးခက်ခဲသော တောင်တန်းဒေသများသို့ ခရစ်ယာန် သာသနာပြုအသင်းများ သွားရောက်သာသနာပြုခဲ့ကြသည်။

ရှေးမြန်မာများနည်းတူ ခေတ်အမြင်နည်းသော မြန်မာဘုန်းကြီးများသည် တောင်တန်းဒေသများသို့ သာသနာပြုသွားရန် အားထုတ်မှုနည်းပါးခဲ့သည်။ ဦးဥတ္တမသာရသည် အင်္ဂလိပ်အစိုးရထံမှ ခက်ခက်ခဲခဲ ခွင့်ပြုချက်ကို ရယူပြီး ချင်းတောင်တန်းဒေသများသို့ သွားရောက်သာသနာပြုခဲ့သည့်
မြန်မာဘုန်းတော်ကြီးဖြစ်သည်။ ဆရာတော် ဦးဥတ္တမသာရကဲ့သို့ တောင်တန်းဒေသများသို့ သွားရောက်သာသတာပြုသူ ဗုဒ္ဓဘာသာဘုန်းကြီးနည်းပါးလှပါသည်။ အလုံးအရင်းနှင့် သွားရောက်သော သာသနာပြုများက မစ်ရှင်ခေါ်ခရစ်ယာန်သာသနာပြုအဖွဲ့များသာ ဖြစ်ပါသည်။

ထို့ကြောင့် ဦးဝီရသူ မိန့်ကြားသကဲ့သို့ အင်္ဂလိပ်ရောက်လာ၍ အလိုအလျောက် ခရစ်ယာန် ဘာသာဝင်၊ မူဆလင်ဘာသာဝင်၊ ဟိန္ဒူဘာသာဝင်များ ဖြစ်ကုန်ခြင်းမဟုတ်ပါ။ ရှေးမြန်မာမင်းများက အစ ရဟန်းသံဃာများအဆုံး ပြည်တွင်းအမြင်သာရှိကြပြီး မြန်မာကိုကျော်လျှက် ကမ္ဘာကို မကြည့်နိုင်ခဲ့ခြင်းကြောင့်ဖြစ်ပါသည်။ မြန်မာဘုန်းကြီးများ အရောက်အပေါက်နည်းသော ဒေသများကို မစ်ရှင်က သိမ်းပိုက်ခြင်းသာဖြစ်ပါသည်။

“ကမ္ဘာကျော် တိုင်းမ်မဂ္ဂဇင်း၏ မျက်နှာဖုံးတွင် ဆရာတော်ဝီရသူကို အကြမ်းဖက်သူဟု စွပ်စွဲဖော်ပြခြင်းကို ပြည်တွင်းရှိဆရာတော်အချို့နှင့် မီဒီယာအချို့က ကန့်ကွက်ဆန့်ကျင်ခဲ့ကြသည်။ မြန်မာနိုင်ငံတော် သမ္မတရုံးကလည်း ကန့်ကွက်ခဲ့သည်။ သို့သော် ထိုသို့ကန့်ကွက်ခြင်းကို နိုင်ငံပိုင်သတင်းစာများတွင် ဖော်ပြခြင်းမရှိခဲ့ပေ။ ”

“အချို့ကမူ ဆရာတော်ဦးဝီရသူ၏ အစွန်းရောက်သော ဟောပြောမှုများကြောင့် တိုင်းမ်မဂ္ဂဇင်းက အကြမ်းဖက်သူဟု ဖော်ပြခြင်းဖြစ်သည်ဟုဆိုကြသည်။ ”(Media One ၂.၇.၂၀၁၃)

၉၆၉ ဟုရေးထိုးလျက်လိုက်ဝေသည့်တရားခွေပါ ဦးဝီရသူ၏ တရားကား အစွန်းရောက်ခြင်းမဟုတ်ဘဲ မပြည့်စုံခြင်းသာဖြစ်ပါသည်။ ထိုတရားဟောပြောမှုတွင် ရခိုင်တွင်ကုလားများ ၀င်ချင်သလိုဝင်၊ ရခိုင်တို့ကို အနိုင်ကျင့်ချင်သလိုကျင့်နေသည်ဟု သဘောသက်ရောက်သော ဟောပြောမှုကို ဟောပြောထားသည်။

ဘင်္ဂါလီများ တရားမ၀င်ခိုးဝင်ရန် နယ်ခြားစောင့်တပ်နှင့် လူဝင်မှုကြီးကြပ်ရေးဌာနကို ဖြတ်ကျော်ရသည်။ ထိုဌာနနှစ်ခုကို မဖြတ်ကျော်ဘဲ ဘင်္ဂါလီများ၊ ကုလားများ ရခိုင်ပြည်နယ်အတွင်းသို့ မရောက်နိုင်ပါ။ တရားမ၀င်ခိုးဝင်လာပြီးနောက် မိသားစုတစ်စုတွင် လူဦးရေ (၈၀) ဖြစ်လာသည်ထိတိုင် မည်သည့်အာဏာပိုင်များ၏ ခွင့်ပြုချက်ဖြင့် နေထိုင်ခဲ့ပါသနည်း။ နေထိုင်ခွင့်ရနေခြင်းဖြစ်ပါသနည်း။

မောင်းတောတွင် ဘင်္ဂါလီများ ရခိုင်များ၏ နေအ်ိမ်များကို မီးရှို့ရန်ပြုချိန်တွင် ဗိုလ်မှူးကြီးအဆင့်ရှိသူ တစ်ဦးက တပ်ကိုပစ်မိန့်မပေးဘဲ၊ ဘင်္ဂါလီများထံမှ ဒေါ်လာထောင်ချီလာဘ်ယူခဲ့သည်ဆိုသော သတင်းများ အင်တာနက်ပေါ်တွင် ဟိုးလေးတကျော်ဖြစ်ခဲ့သည်။ နိုင်ငံနှင့် လူမျိုးကို ကာကွယ်စောင့်ရှောက်ရန် တာဝန်ရှိခဲ့သည့် အဖွဲ့အစည်းခေါင်းဆောင်က ဘင်္ဂါလီများ မီးရှို့နေသည်ကို ပစ်မ်ိန့်မပေးခြင်းမှာ၊ အဆိုပါအရာရှိသည် သွေးမြင်လျှင် မူးတတ်သောကြောင့်ဟု ဇနီးဖြစ်သူက လိုက်လံဖြေရှင်းခဲ့ကြောင်း အင်တာနက်များပေါ်တွင် ပျံ့နှံ့ခဲ့သည်။

ဦးဝီရသူသည် ရခိုင်ပြည်၏ လစ်ဟာနေသော အုပ်ချုပ်ရေး၊ ကာကွယ်ရေး တာဝန်ရှိသူများအပိုင်းကို ဘာတစ်ခုမျှ ထည့်သွင်းမမိန့်ကြားဘဲ ရခိုင်များ တောင့်ခံနေသော ကျေးဇူးကြောင့် ၊ ပြည်မမှ မြန်မာများ သက်သာရာရနေသည်ဟု ဆိုလိုက်ပြန်သည်။ ဘုန်းကြီးတစ်ပါးအနေဖြင့် ပြောလိုရာအကြောင်းအရာကို စိတ်ခံစားမှုကြောင့် မဟောပြောသင့်ပါ။

မသီတာထွေး ကိစ္စက စခဲ့သည့် မြန်မာ-မူဆလင်အရေးသည် တိုင်းပြည်နှင့် လူမျိုးအရေးကို မငဲ့ဘဲ၊ မိမိတို့လက်ဝယ်ရှိပစ္စည်းဥစ္စာ၊ လုပ်ပိုင်ခွင့်တို့ မဆုံးရှုံးစေရန်၊ ကိုယ်ကျိုးကြည့် လူတစ်စု၏ အကွက်ကျကျဆင်ထားသော တိုက်ကွက်များသာဖြစ်ပါသည်။

ပဋိပက္ခ ဖန်တီးသူတို့၏ အကွက်ထဲသို့ ဗုဒ္ဓဘာသာဘုန်းတော်ကြီးတချို့ပါလာခြင်းက သူတို့အတွက် အောင်ပွဲဖြစ်ပါသည်။ ပြည်သူနှင့် ၂၀၁၅ ရွေးကောက်ပွဲအတွက် စိုးရိမ်စရာဖြစ်ပါသည်။

“သိမ်ဇရပ်မြို့နယ်၊ မြစေတီကျောင်းတိုက်ဆရာတော်က မျိုးစောင့်ဥပဒေနှင့် ပတ်သက်၍ မျိုးစောင့်ဥပဒေကို ပြဌာန်းနိုင်ရန်အတွက် လွှတ်တော်သို့တင်ပြသွားမည်ဖြစ်ပြီး အကယ်၍ ကန့်ကွက်သည့်လွှတ်တော်ကိုယ်စားလှယ်များ ရှိနေပါက နာမည်နှင့်လိပ်စာသိလိုကြောင်း အဆိုပါ ဥပဒေကို ဗုဒ္ဓဘာသာအများစုဖြင့် ဖွဲ့စည်းထားသော လွှတ်တော်အနေဖြင့် အတည်ပြုနိုင်မည်ဟု ထင်မြင်မိကြောင်း၊ သို့သော်ဖိအားအမျိုးမျိုးကြောင့် ကန့်ကွက်မည်ဆိုပါက ၂၀၁၅ ခုနှစ်တွင် ကျင်းပမည့် ရွေးကောက်ပွဲတွင် အဆိုပါ ကိုယ်စားလှယ်ကို မဲမပေးရန်အထိ လုပ်ဆောင်သွားမည်ဖြစ်ကြောင်းဆရာတော်ကပင် မိန့်ကြားခဲ့သည်”(The Street View-၁-၇-၂၀၁၃)

ထိုသည်ကား နောက်ထပ်အကြမ်းဖက်စကားမ်ိန့်ကြားသူ ဗုဒ္ဓဘာသာဘုန်းကြီးပေါ်ထွက်လာခြင်းဖြစ်ပါသည်။ ဗုဒ္ဓသည် ခြိမ်းခြောက်ခြင်း၊ အဓမ္မ ထောက်ခံခိုင်းခြင်းကို ဆန့်ကျင်သူဖြစ်ပါသည်။ ဗုဒ္ဓသည် လောကဓံရှစ်ပါးရှိကြောင်း ညွှန်ပြခဲ့သည်။ လောကဓံ အကောင်းလေးပါးနှင့်ကြုံသည်ဖြစ်စေ၊ အဆိုးလေးပါးနှင့်ကြုံသည်ဖြစ်စေ မတုန်လှုပ်ရန် အသင့်အတင့် နှလုံးသွင်းရန်သာ မ်ိန့်ကြားခဲ့သည်။

အကြမ်းဖက်သည်ဆိုခြင်းမှာ ကာယအား၊ လက်နက်အားဖြင့် ဖိနှိပ်ခြင်းကိုသာ ဆိုလိုသည်မဟုတ်၊ မိမိဝါဒကို ထောက်ခံရန် အကျပ်ကိုင်ခြင်းကလည်း အကြမ်းဖက်မှုသာဖြစ်ပါသည်။

ဗုဒ္ဓသာသနာကို ဆက်ထမ်းနေကြသူ သံဃာအပေါင်း၏ ဂုဏ်ကျေးဇူးကို နားလည်ပါသည်။ ဦးညွှတ်ပါသည်၊ သို့သော် မိမိဘာသာအပေါ် မိမိမကြိုက်သော ဘာသာကလွှမ်းမိုးတော့မည်ဟူသော အကြောက်တရား၊ စိုးရိမ်စိတ်(ဒေါသ)ကြောင့် နိုင်ငံရေး၊ လူမှုရေး၊ မဲကိစ္စကို သံဃာများ ကြိုးပမ်းနေသည့် မျိုးစောင့်ဥပဒေအတည်ဖြစ်ရေးအတွက် ခြိမ်းခြောက်စရာ လက်နက်အဖြစ် အသုံးမပြုသင့်ပါ။

Terror ဟူသော စကားလုံး၏ အဓိပ္ပါယ်မှာ ကြီးမားသော အကြောက်တရား၊ အကြောက်တရား ကြီးမားသည့် အချိန်ကာလဟူ၍ တိုက်ရိုက်အဓိပ္ပါယ်ရပါသည်။

မူဆလင်ဘာသာကြောင့် ဗုဒ္ဓဘာသာပျောက်ကွယ်ရချည်ရဲ့ ဟူသော အကြောက်တရားသည် မိမိကိုယ်မိမိ မယုံကြည်မှုဖြစ်ပါသည်။ ဗုဒ္ဓဘာသာ သက်လုံခိုင်ခိုင်ဖြင့် မိမိယုံကြည်ရာ ဘာသာတရားသည် မည်သည့်ဘာသာများ၏ ဖျားယောင်းသွေးဆောင်မှုကို မဆို ကာကွယ်နိုင်သည်ဟူသော ယုံကြည်မှုမျိုးရှိနေပါက အရာရာကို ဗုဒ္ဓနည်းကျ ခေါင်းအေးအေးဖြင့် စဉ်းစားဆင်ခြင်နိုင်မည်ဖြစ်ပါသည်။

မြန်မာ-မူဆလင် အရေးထက် နိုင်ငံကို ကိုယ်ကျိုးစီးပွားရှာ လူတစ်စုလက်မှ လွတ်မြောက်ရေးသို့ ဦးတည်ကြည့်ရှုတတ်သော မြန်မာပြည်သူများ များပြားလာရန် အထူးအရေးကြီးသည့် အချိန်ကာလဖြစ်ပါသည်။ လူမှုရေး၊ ဘာသာရေး ထောင်ချောက်မှ မြန်မာအမျိုးသားအားလုံး ကျော်လွန်လွတ်မြောက်နိုင်ကြပါစေသတည်း။

မြနန္ဒာဂျာနယ်၊ အတွဲ-၂။ အမှတ်-၂၅