ကလေးစစ်သားပြန်လွှတ်မှု ကုလ ကြိုဆို

မြန်မာ့တပ်မတော်အတွင်းက ကလေးသူငယ် နဲ့ လူငယ် (၄၂) ဦးကို နှုတ်ထွက်ခွင့်ပြုလိုက်တဲ့အပေါ် ကုလ သမဂ္ဂ က ကြိုဆိုလိုက်ပြီး၊ စစ်အုပ်ချုပ်ရေးအောက်က တိုင်းပြည်လွတ်ကင်းလာနေချိန်မှာ နောက်ထပ် ကျန်နေ သေးတဲ့ ကလေးစစ်သားတွေအားလုံးပြန်လွှတ်ပေးဖို့ တိုက်တွန်းလိုက်ပါတယ်။

အခုအခါ မြန်မာစစ်တပ် က ကလေးစစ်သားစုဆောင်းနေတာတွေ လျော့နည်းသွားပြီဖြစ်ပေမယ့် လုံးဝ ပပျောက်သွားတာတော့ မဟုတ်သေးဘူးလို့ ကုလသမဂ္ဂ ကြေညာချက် တစ်စောင်မှာ ဖော်ပြထားပါတယ်။

မြန်မာနိုင်ငံဆိုင်ရာ ကုလသမဂ္ဂ ဌာနေ ကိုယ်စားလှယ် မစ္စတာ Ashok Nugam ကလည်း - ပြန်လွတ်လာတဲ့ ကလေးစစ်သား (၄၂)ယောက်နဲ့ သူတို့ရဲ့မိသားစုတွေအတွက် မိမိတို့ ၀မ်းမြောက်ပျော်ရွင်မိပါတယ်၊ နောက်ထပ် ကလေးအများအပြား ပြန်လွတ်ဖို့လည်း ကြိုးစားရပါဦးမယ်လို့ ပြောကြားပါတယ်။

အခု ပြန်လွတ်လာသူ (၄၂) ယောက်ထဲက (၃၄)ယောက်ဟာ အသက် (၁၈)ြ၊ ကျန် လူငယ် (၈)ယောက်က စစ်တပ်ထဲ အသွင်းခံခဲ့ရစဉ်က အရွယ်မရောက်သေးသူတွေဖြစ်ကြပါတယ်။

ကုလသမဂ္ဂ နဲ့ သဘောတူညီချက်အရ မြန်မာ့တပ်မတော်ဟာ ၂၀၁၂ ခုနှစ် စက်တင်ဘာလ မှာ ကလေး စစ်သား (၄၂) ယောက် ပြန်လွှတ်ပေးခဲ့ပြီး၊ပြီးခဲ့တဲ့ ဖေဖော်ဝါရီလမှာ နောက်ထပ်(၂၄)ယောက် ပြန်လွှတ်ပေးခဲ့ပါတယ်။

စစ်တပ်ထဲမှာ ကလေးစစ်သားအရေအတွက် ဘယ်လောက်ရှိသလဲဆိုတာ အတိအကျမသိရပေမဲ့၊ ၂၀၀၆ ခုနှစ်ကစပြီး အခုထိ စစ်တပ်က ပြန်လွှတ်ခဲ့တဲ့ ကလေးစစ်သား စုစုပေါင်း (၅၂၀) ကျော်ရှိတယ်လို့ ကုလသမဂ္ဂ ကလေးများရန်ပုံငွေအဖွဲ့ ( ယူနီဆက် ) က ပြောပါတယ်။

RFA Burmese