ကေတီဗီ ဝင်ရောက်စစ်ဆေးသော ရဲတပ်ဖွဲ့ဝင်များနှင့် တပ်မတော်သား အရာရှိတစ်ဦး အချင်းများ

မုံရွာ-ရေဦး လမ်းမကြီးဘေး မြို့သစ်ရပ်ကွက်တွင် ရှိသော ကေတီဗီတစ်ခုကို ဇူလိုင်လ ၃ ရက်နေ့ ညဥ့်နက်ပိုင်း အချိန်တွင် ရဲတပ်ဖွဲ့ဝင်များက ရှောင်တခင် ဝင်ရောက်စစ်ဆေးစဉ် ဆိုင်အတွင်းမှ ထွက်လာသော တပ်မတော်သားအရာရှိ တစ်ဦးနှင့် အချင်းများ ခဲ့ကြောင်း ယင်းကေတီဗီ အနီးတွင် နေထိုင်သည့် မြို့သစ်ရပ်ကွက်သား တစ်ဦးက ဆိုသည်။

"ကျွန်တော်လည်း အိမ်ထဲကနေ လှမ်းကြည့်နေတာ ရဲတွေက ဆိုင်ကို ဝိုင်းလိုက်ပြီး ဘယ်သူမှ မထွက်ဖို့တားတယ်။ အဲဒီမှာ ဆိုင်ထဲကထွက်လာတဲ့ လူတစ်ယောက်က သူ့ကို သွားခွင့်ပေးဖို့ပြောတယ်။ သူ့ကိုယ်ဘယ်သူမှတ်လို့လဲ ဆိုပြီး အော်ပြောတယ်။ တပ်က အရာရှိကြီးနဲ့ သိတယ်လို့လည်း ပြောတယ်။ သူ့ကိုယ်သူ အရာရှိလို့လည်း ပြောတယ်" ဟု ၄င်းက ဖြစ်စဉ်အား ပြောပြသည်။

မြို့သစ်ရပ်ကွက်ရှိ ကေတီဗီတစ်ခုကို ညအချိန်မတော် အထိ ဖွင့်လှစ်ထား သည်ဟု သတင်းပေး တိုင်ကြားသည့်အတွက် သွားရောက်စစ်ဆေးပြီး၊ ဖမ်းဆီးရခြင်း ဖြစ်ကြောင်း၊ သွားရောက် စစ်ဆေးချိန်တွင် အချိန်လွန် ဖွင့်လှစ်ထားသည်ကို တွေ့ရှိရပြီး၊ လိုင်စင်စည်းကမ်း အရ ထိရောက်စွာ အရေးယူနိုင်ရေး အတွက် စီမံခန့်ခွဲမှု ကော်မတီထံ တင်ပြသွားမည်ဖြစ်ကြောင်း မုံရွာမြို့နယ် ရဲတပ်ဖွဲ့မှ ရဲအရာရှိတစ်ဦး ကဆိုသည်။

ယင်းဆိုင်မှ မြို့သစ်ရပ်ကွက် အုပ်ချုပ်ရေးမှူးရုံး ထံသို့ ဇူလိုင်လအတွက် ဧည့်စာရင်း တိုင်ကြားထားသည့် လူဦးရေမှာ ၆၉ ဦး တိုင်ကြားထား သော်လည်း၊ စစ်ဆေးချိန်တွင် အမျိုးသား ၃၁ ဦးနှင့် အမျိုးသမီး ၂၂ ဦး စုစုပေါင်း ၅၃ ဦးသာ တွေ့ရှိခဲ့ရကြောင်း ရဲမှတ်တမ်းများအရ သိရသည်။

မုံရွာမြို့ပေါ်တွင် ဇွန်လအတွင်း ကေတီဗီနှင့် အနှိပ်ခန်းတွဲ၍ လုပ်ကိုင်နေသော စက်မှုဇုန် ရပ်ကွက်အတွင်းမှ ဆိုင်တစ်ဆိုင်ကို ဝင်ရောက်ဖမ်းဆီးခဲ့ပြီး ယခုဇူလိုင်လ အတွင်းတွင် ဒုတိယအကြိမ် ကေတီဗီဆိုင်ကို ဝင်ရောက်စစ်ဆေး ဖမ်းဆီးခဲ့ခြင်း ဖြစ်သည်။

The Voice Weekly