Home » » မြန်မာတပ်အချင်းချင်းမှားယွင်းတိုက်ခိုက်မှုကြောင့် ၉ ဦးထက်မနည်းသေ

မြန်မာတပ်အချင်းချင်းမှားယွင်းတိုက်ခိုက်မှုကြောင့် ၉ ဦးထက်မနည်းသေ

Written By Unknown on Sunday, June 30, 2013 | 9:08 PM

 ၂၉ရက်နေ့ ဇွန်လ ၂၀၁၃  —  သျှမ်းပြည်တပ်မတော် SSPP/SSA နယ်မြေအတွင်း မြန်မာအစိုးရတပ်အချင်းချင်း မှားယွင်းပစ်ခတ်သည့်တိုက် ပွဲကြောင့် ၉ ဦးထက်မနည်းသေဆုံးပြီး ၁၀ ဦးကျော် ဒဏ်ရာရှိသည်ဟု ဆိုသည်။

“ရန်သူက ဘုန်းကြီးကျောင်းထဲမှာရှိတယ်အထင်နဲ့ ကျောင်းနားရောက်တာနဲ့ ချတော့တာဘဲ။ လားရှိုးလက် အောက်ခံ တပ်က တိုက်ဖို့ အမိန့် ရထားတာကိုး။ တကယ်တော့ ရန်သူက ကျောင်းထဲမှာ မရှိတော့ဘူး။  ဗမာ စစ်တပ်ကဘဲ ဘုန်းကြီးကျောင်းထဲမှာ ရှိနေတာ ။အလူးအလဲခံလိုက်ရတဲ့တပ်က စကခ ၁၇ လက် အောက်ခံ တပ်ရင်းကလို့  သိရတယ်။   ဒီမှားယွင်းတိုက်ပွဲက နှစ်ဘက်စလုံး ၉ ယောက်သေတယ်။ ရမခ လက်အောက်ခံဘဲ ၁၀ ယောက်ကျော်တယ် ဒဏ်ရာရတာ” – ဟု အစိုးရတပ် နှင့် နီးစပ်သည့် သျှမ်းပြည်မြောက်ပိုင်း ပြည်သူ့စစ် အရာရှိတဦးက ပြောပါတယ်။

ဇွန် ၂၅ ရက်နေ့ နံနက်က ကျေးသီးမြို့မြောက်ဘက်  မိုင် ၃၀ ကျော် ဝမ့်ဝပ် ဘုန်းကြီးကျောင်း အတွင်းရှိနေသည့် ခမရ ၅၂၅ ၊ ခမရ ၅၆၉ တို့အား အရှေ့မြောက်ပိုင်းတိုင်းစစ်ဌာနချုပ် ရမခ လက်အောက်ခံ ပူးပေါင်းအင်အား တပ်ရင်း ၃ ရင်းက နံနက် ရ နာရီမှ ၉ နာရီခွဲအထိ ဝိုင်းရံတိုက် ခိုက်ခြင်းဖြစ်သည်။

“အခုလောလောဆယ်တော့ တိုက်ပွဲမရှိတော့ဘူး။ ကားလမ်းမြောက်ဘက်ခြမ်းလာရင်တော့ ကျနော် တို့နဲ့  ထပ်ဖြစ် မှာဘဲ။ အခုသူတို့အချင်းချင်းမှားတိုက်တာကို ကျနော်တို့ တပ်စခန်းကို တက်သိမ်း သယောင်ဝါဒဖြန့်သေးတယ်။ ကျနော်တို့နဲ့ ၂၃-၂၄ ရက်က လာတိုက်တာလဲ သူတို့တအားသေတယ်။ သူတို့အချင်းချင်း မှားတိုက်တာလဲ ထပ်သေကြတယ်” – ဝမ့်ဟိုင်းမှ အရာရှိတဦးက ပြောပါသည်။

ဝမ့်ဟိုင်းအခြေစိုက် မြောက်ပိုင်း သျှမ်းပြည်တပ်မတော် SSPP/SSA နယ်မြေတွင် အစိုးရတပ်ရင်း ၂၀ ရင်းထက် မနည်း အင်အားဖြည့်လှုပ်ရှားနေသည်။

သျှမ်းသံတော်ဆင့်