Home » » မော်တော်ယာဉ်တင်သွင်းသူများ မထုတ်ယူသည့် ယာဉ် ၄၀၆ စီးအား နိုင်ငံပိုင်သိမ်းမည်

မော်တော်ယာဉ်တင်သွင်းသူများ မထုတ်ယူသည့် ယာဉ် ၄၀၆ စီးအား နိုင်ငံပိုင်သိမ်းမည်

Written By Unknown on Thursday, January 2, 2014 | 3:17 PM

ရန်ကုန်၊ ဇန်န၀ါရီ ၂။

မော်တော်ယာဉ်တင်သွင်းသူများ တစ်နှစ်ကျော်ကြာသည် အထိ လာရောက်ထုတ်ယူခြင်းမရှိသော မော်တော်ယာဉ် ၄၀၆ စီးအားနိုင်ငံပိုင်အဖြစ် သိမ်းမည်ဖြစ်ကြောင်း ပို့ဆောင်ရေး ၀န်ကြီးဌာနမြန်မာ့ဆိပ်ကမ်း အာဏာပိုင်ရုံးမှ တာဝန်ရှိသူတစ်ဦးက ပြောကြားသည်။

၂၀၁၁ ခုနှစ်မှ ၂၀၁၃ုနှစ် နှစ်ကုန်ပိုင်းအထိ လေလံစာရင်းဝင် မော်တော်ယာဉ် ၂၁၂၃ စီးရှိခဲ့ပြီး တစ်နှစ်ကျော်ကြာ လာရောက် ထုတ်ယူခြင်း မရှိသည့် ယာဉ် ၄၀၆ စီးကို နိုင်ငံပိုင်အဖြစ် သိမ်းယူ သွားမည်ဖြစ်ကြောင်း ၎င်းက ပြောကြားသည်။

ယင်းယာဉ်များတွင် အိမ်စီးကားများသာ အများဆုံးပါဝင်ကြောင်း ဆိပ်ကမ်းမှ ထုတ်ယူသည့် မော်တော်ယာဉ် ပစ္စည်းများ ပျောက် ဆုံးမှု မရှိစေရေး ဆောင်ရွက်မှု ရှင်းလင်းတင်ပြသည့် အခမ်း အနားမှ သိရသည်။

“ဆိပ်ကမ်းကို ကားတွေရောက်တာ နှစ်လကျော်သွားလို့ လာမထုတ်ရင်လေလံစာရင်းသွားမယ်၊ တစ်နှစ်အတွင်းမှာ လာထုတ်ရင် လေလံစာရင်း ထဲကနေ ဖြတ်ပေးမယ်၊ တစ်နှစ် ကျော်သွားတဲ့ ကားတွေကို နိုင်ငံပိုင်သိမ်းမယ်”ဟု ပို့ဆောင်ရေး ၀န်ကြီးဌာန မြန်မာ့ဆိပ်ကမ်းအာဏာပိုင်ရုံးမှ ဦးဆောင်ညွှန်ကြား ရေးမှူး (ပူးတွဲတာဝန်ခံ) က ပြောကြားသည်။

မော်တော်ယာဉ်တွင်တပ်ဆင်ထားသော ပစ္စည်းများ ပျက်စီး ပျောက်ဆုံးမှုလျော့နည်းစေရန် ဆိပ်ကမ်းအသီးသီး၌ လုံခြုံရေးများ တိုးမြှင့် ချထား ပေးခြင်း၊ ဆိပ်ကမ်းသို့ သင်္ဘောကပ်လျှင် ကပ်ချင်း တင်သွင်းသူများကို ကိုယ်တိုင် စစ်ဆေးခွင့်ပေးခြင်း၊ CCTV ကင်မရာများတပ်ဆင်ခြင်းတို့ကို ဆောင်ရွက်သွားမည် ဖြစ်ကြောင်း ပို့ဆောင်ရေး ၀န်ကြီးဌာနပြည်ထောင်စုဝန်ကြီးက ပြောကြားသည်။

မော်တော်ယာဉ်တင်သင်္ဘောများ ဆိုက်ကပ်သည့် ဆိပ်ကမ်း ခုနှစ်ခုရှိသည့်အနက် သီလ၀ါဆိပ်ကမ်းအတွင် အများဆုံး ဆိုက်ကပ်ပြီး မော်တော် ယာဉ် တင်သွင်းသူများမကျေနပ်ပါက Complain Center များကို ဆူးလေ ဆိပ်ကမ်းတံတား၊ ဗိုလ်အောင်ကျော်ဆိပ်ကမ်းတံတား၊ အေးရှားဝေါ ဆိပ်ကမ်းတံတား၊ MITT နှင့် MIPL တို့တွင် ဖွင့်လှစ်ထားပေးကြောင်း သိရသည်။

ရေးသားသူ- သက်သက်မိုးသူ၊ မျိုးပပစန်း
တည်းဖြတ်- အေးငြိမ်းသူ

People power