လှိုင်သာယာ ကျူးကျော်များကို အင်အားသုံး ဖယ်ရှား

ရန်ကုန်၊ ဇန်န၀ါရီ ၁၄။

လှိုင်သာယာမြို့နယ် ဘီအိုစီထိပ်၊ အတွင်းပဒံအနီး လှိုင်မြစ်ကမ်း တလျှာက်ရှိ အိမ်ခြေနှစ်ထောင်နီးပါး ရှိသည့် ကျူးကျော်များကို ဇန်န၀ါရီ ၁၄ ရက်၊ နံနက် ၃ နာရီခန့် အချိန်မှစ၍ ပူးပေါင်းအဖွဲ့က အင်အားသုံးကာ ဖယ်ရှားမှုများ ပြုလုပ်လျက်ရှိကြောင်း ဒေသခံများနှင့် အဆိုပါနေရာသို့ ရောက်ရှိနေသည့် people power သတင်းထောက်ထံမှ သိရသည်။

နယ်မြေရဲတပ်ဖွဲ့များ လုံခြုံရေးရဲတပ်ဖွဲ့များ၊ စည်ပင်သာယာ၊ သစ်တောရေးရာ ၀န်ကြီးစသည့် ဌာနပေါင်းစုံအဖွဲ့မှ လာရောက် စစ်ဆေးကာ ဖျက်သိမ်းခြင်းဖြစ်သည်။

ယနေ့နံနက် လေးနာရီခန့် အချိန်မှစ၍ လှိုင်သာယာဘက်အခြမ်းရှိ ပန်းလှိုင်တံတား အ၀င်လမ်းနှင့် တွံတေးဘက်ခြမ်းရှိ တွံတေးတံတား အ၀င်လမ်းများ လုံခြုံရေး တပ်ဖွဲ့ဝင်များက သံဆူးကြိုးများနှင့် ပိတ်ဆို့ ထားကာ လူအများ ဖြတ်သန်းခြင်းကို စတင်တားမြစ်ခဲ့ကြောင်း ဒေသခံ တစ်ဦးက ဆိုသည်။

အသိပေးကြေငြာခြင်းမရှိဘဲ ညတစ်နာရီခန့်တွင် တစ်နာရီအတွင်း ဖျက်သိမ်းရန် မဖျက်လျှင် ကိုယ်တိုင်ဖျက်မည်ဟုပြောကြောင်း ပိုင်ဆိုင်သူဟု ပြောသူများကို ဖမ်းဆီးပြီး အ၀တ်အစားများကို ယူဆောင်ခွင့်ပြုကြောင်း ဗီဒို၊သေတ္တာကဲ့သို့ အသုံးအဆောင်များကို ယူဆောင်ခွင့် မပြုကြောင်း အမည်မဖော်လိုသူ နေအိမ်မှ ဖယ်ရှားခံ
တစ်ဦးက ပြောကြားသည်။

အတွင်းပဒံဟုခေါ်သည် ပန်းလှိုင်တံတားအနီးရှိ မြစ်ကမ်းတလျှောက်နှင့် တွံတေးတံတား အနီးတွင်ရှိပြီး နေထိုင်စရာမရှိသူများက သောင်ထွန်းမြေ များတွင် စတင်၍ တဲထိုးနေထိုင်ရာမှ အိမ်ခြေနှစ်ထောင်အထိ များပြားလာခြင်း ဖြစ်ကြောင်း ဒေသခံများက ဆိုသည်။

မနက်၉နာရီခွဲခန့်တွင် တွံတေးဘက်ခြမ်းမှ အိမ်များ စတင်ဖျက်သိမ်းလျက် ရှိသည်ကို တွေ့ရကြောင်း People Power သတင်းထောက်က သတင်း ပေးပို့ထားသည်။

ကျူးကျော်တဲတစ်လုံး၏ပေါက်ကြေးမှာ တစ်သိန်းဝန်းကျင်ရှိနေရာမှ ကျပ်ငါးသိန်းဝန်းကျင်အထိ မြင့်တက်ခဲ့ကြောင်း လှိုင်သာယာ အခြေစိုက် အိမ်ပွဲစားတစ်ဦးက ဆိုသည်။

ပန်းလှိုင်မြစ်ကမ်း တစ်လျောက်ရှိ ကျူကျော်တဲ့များ ဆောက်လုပ်ရာတွင် အသုံးပြုသည်ဟု ယူဆရသည့် ၀ါးဆိုင်များကိုမူ သစ်တောရေး ရာ ၀န်ကြီးဌာနမှ လိုင်စင်မဲ့နယ်ကျော် ၀ါးများဟုဆိုကာ သိမ်းဆည်းနေသည်ကို
တွေ့ရသည်။

ရေးသားသူ- ဖြိုးဝေစိုး
ဓာတ်ပုံ - သူရိန်

People power