ပြန်လည်ရောင်းချနိုင်မည့် စွန့်ပစ်ပစ္စည်းများ အလှူခံ၍ လေလွင့်ကလေးငယ် တို့ ပညာသင်နိုင်ရေး ဆောင်ရွက်မည်

ပြည်မြို့ရှိ လေလွင့်ကလေးငယ် များ စာသင်ကြားနိုင်ရေးအတွက် လို အပ်သည့် ရန်ပုံငွေကို ပြန်လည်ရောင်း ချနိုင်မည့် စွန့်ပစ်ပစ္စည်းများ အလှူခံ ခြင်းဖြင့် ပြုလုပ် သွားရန်ရှိကြောင်း ကရု ဏာလက်များကွန်ရက် (ပြည်)မှ သိရ သည်။

၎င်းတို့အနေဖြင့် လေလွင့်ကလေး ငယ်များအား စာဆက်လက် သင်ကြား ပေးနိုင်ရန် ငွေကြေးအခက်အခဲရှိနေ သော်လည်း ရန်ပုံငွေရှာဖွေမှုကို ငွေ ကြေးကောက် ခံခြင်းမျိုးပြုလုပ်မည် မဟုတ်ဟု အဆိုပါ ကွန်ရက်၏ အထွေ ထွေအတွင်းရေးမှူး ဦးပုညက ဆိုသည်။

စွန့်ပစ်ပစ္စည်းများ အလှူခံရာတွင် အထူးသီးသန့်ပြုလုပ်ထားသည့် ပုံးများ ကို လူစည်ကားရာ နေရာများတွင် ချ ထားမည်ဖြစ်ပြီး အဆိုပါ ပုံးများအတွင်း သို့ စေတနာရှင် များအနေနှင့် ပြန်လည် ရောင်းချနိုင်သည့် ရေသန့်ဘူးခွံ၊ ဘီယာ အခွံ၊ အချိုရည် ပုလင်းခွံများနှင့် ဗလာ စာအုပ်ဟောင်းများ စသည်တို့ကို လာရောက်စွန့်ပစ်ပေး ထားခြင်ြး ဖင့် လေ လွင့်ကလေးများ အတွက် လှူဒါန်းခြင်း ဖြစ်သည်ဟု သိရသည်။

”စွန့်စားပြီး လုပ်ကြည့်တာပါ။ အ ချို့က ဒီလိုကလေးတွေအတွက်ဆို ငွေ ကို သိပ်မလှူချင်ကြဘူး။ ဒါကြောင့် ဒီ ကိစ္စကို အကောင်အထည်ဖော်ဖို့စဉ်းစား တာပါ။ အလုပ် ရှုပ်မယ်ဆိုပေမယ့် အ ကျိုးရှိမယ် ထင်လို့ပါ” ဟု ဦးပုညက ဆက်ပြောသည်။

ယင်းအတွက် ပုံးများကို အထူးပြု လုပ်ရပြီး ပုံးတစ်ပုံးလျှင် ကာလတန်ဖိုး ငွေကျပ် ခုနစ်သောင်းခွဲနီးပါး ကျသင့် သည်ဟု သိရသည်။

လက်ရှိတွင် စတင်လည်ပတ်ရန် ပင် ရန်ပုံငွေအခက်အခဲ ရှိခြင်းကြောင့် ပုံးနှစ်ပုံးသာ ပြုလုပ်ထားနိုင်ပြီး ¤င်းပုံး များအား ပြည်မြို့ အဝေးပြေးကားဝင်း နှင့် ဈေးကြီးတို့တွင် လာမည့် တစ်ပတ် အတွင်း စတင် ချထားမည်ဟုလည်း သိရသည်။

ထို့အပြင် ပုံးများ ထပ်မံ ပြုလုပ်နိုင် ရန်လည်း အလှူခံမည်ဖြစ်ပြီး ပုံး၏ ပတ် လည်တွင် လေလွင့်ကလေးငယ်များ အ တွက် အလှူခံခြင်းဖြစ်ကြောင်း မြင်သာ စေရန် စာ များရေးသားထားမည်ဟု ဆို သည်။

”အမှိုက်ပုံးလို့ မမြင်စေချင်ဘူး။ အလှူခံတဲ့ ပုံးလို့ပဲ မြင်စေချင်တယ်”ဟု ဦးပုညကဆိုသည်။

ထို့အပြင် ၄င်းအစီအစဉ်ကို ပြည် သူများ အမှိုက်စွန့်ပစ်ရာ၌ စနစ်တ ကျ ဖြစ်လာစေရန် ရည်ရွယ်ခြင်းလည်းဖြစ် ပြီး ရရှိလာမည့် စွန့်ပစ်ပစ္စည်း များအား အမျိုးအစားခွဲခြား ထုပ်ပိုး၍ ပြန်လည် ဝယ်ယူမည့် သူများနှင့် ချိတ်ဆက် ဆောင်ရွက်သွားမည်ဖြစ်သည်။

ကရုဏာလက်များကွန်ရက် (ပြည်) သည် ၄င်းမြို့ရှိ လေလွင့်ကလေးငယ် များ၏ ပညာရေးနှင့် စာရိတ္တပိုင်းဆိုင် ရာများ ပြုပြင်ထိန်းသိမ်းပေးနေသည့် အရပ်ဘက် ပရဟိတအဖွဲ့အစည်းတစ်ခု ဖြစ်ပြီး လက်ရှိတွင် ကလေးငယ် ၃ဝ ဦး ခန့်ကို စာသင်ကြားပေးလျက်ရှိသည်။

သုတလင်း

Popular Myanmar News Journal