ဒလမြို့နယ် ရပ်ကွက်အုပ်ချုပ်ရေးမှူးရုံး မီးလောင်၊ အုပ်ချုပ်ရေးမှူးကို အရေးယူ

ဒီဇင်ဘာ ၃၀၊ တနင်္လာနေ့၊ ၂၀၁၃ ခုနှစ်

ဒလမြို့နယ်၊ ဗိုလ်ရန်ပြေရပ်ကွက် အုပ်ချုပ်ရေးမှူးရုံးတွင် မီးအားမြှင့်စက် အပူလွန်ကဲရာမှ မီးလောင် ကျွမ်းမှုတစ်ခု ဒီဇင်ဘာ ၂၉ ရက် နံနက် ၁နာရီ ၄၅ မိနစ်ခန့်က ဖြစ်ပွားခဲ့ရာ ပေ ၃၀ × ပေ ၂၀ရှိသွပ်မိုး အုတ်ညှပ်ရုံးအဆောက်အအုံတစ်ခုလုံး မီးလောင်ပြာကျသွားခဲ့ကြောင်းသိရသည်။

ဖြစ်စဉ်မှာ အဆိုပါညက ရုံးချိန်အပြီးတွင် ရုံးခန်းပိတ်သွားသော်လည်း မီးအားမြှင့်စက်အား ပိတ်ခဲ့ခြင်း မရှိသဖြင့် အပူလွန်ကဲမှ မီးလောင်ကျွမ်းခဲ့ခြင်းဖြစ်ကြောင်း နှင့် အဆိုပါရုံးတွင် ညအိပ်ရုံးစောင့်မရှိကြောင်း မြို့နယ်မီးသတ်ဦးစီးဌာနမှ တာဝန်ရှိသူတစ်ဦးက ပြောသည်။

မီးလောင်ကျွမ်းမှု ဖြစ်ပွားစဉ်တွင် ညအချိန်မတော်ဖြစ်သော်လည်း အောင်မင်္ဂလာရပ်ကွက်၊ ရှင်စောပု လမ်းမှ ကြည်ဖြူအပေါင်ဆိုင်တွင် ခရစ်စမတ်ပွဲတော်အဖြစ် ကျင်းပနေသည့် လူငယ်များက နံနက်ပိုင်း ကျွေးမွေးလှူဒါန်းရန် ချက်ပြုတ်နေကြစဉ် အဆိုပါ ရပ်ကွက်အုပ်ချုပ်ရေးမှူးရုံး မီးလောင်နေသည်ကိုသိရှိ ပြီး သက်ဆိုင်ရာ မီးသတ်ဦးစီးသို့ အကြောင်းကြားကာ ၀ိုင်းဝန်းငြှိမ်းသတ်ခဲ့ကြသည်။ မီးလောင်ရာသို့ မြို့နယ်ရဲတပ်ဖွဲ့မှူးရုံး ရဲမှူးစခန်းမှူးနှင့် ရဲတပ်ဖွဲ့ဝင် ၂၀ ဦးအပါအ၀င် မြို့နယ်မီးသတ်ဦးစီးမှူးနှင့် အဖွဲ့ဝင် ကိုးဦး၊ အရန်မီးသတ်များ၊ ရပ်ကွက်နေ ပြည်သူများဝိုင်းဝန်းငြှိမ်းသတ်ခဲ့သဖြင့် ရပ်ကွက်ရှိ နေအိမ်များသို့ မီးမကူးစက်ခြင်းဖြစ်ကြောင်း သိရသည်။

အဆိုပါမီးလောင်ကျွမ်းမှုသည် နံနက် ၂နာရီ ၅ မိနစ်တွင် မီးညွန့်ကြိုးသွားပြီး မီးလောင်ကျွမ်းမှုကြောင့် ဆုံးရှုံးမှုတန်ဖိုး ကျပ်ခုနစ်သိန်းငါးသောင်းခန့် ရှိသည်ဟု မြို့နယ်မီးသတ်ဦးစီးဌာနမှ ဆိုသည်။ အဆိုပါ မီးလောင်မှုကြောင့် လူအသေအပျောက် မရှိခဲ့သော်လည်း ရပ်ကွက်အုပ်ချုပ်ရေးမှူး ဦးသန်းဌေးကို မီးပေါ့ ဆစွာ အသုံးပြုမှုအတွက် ဒလမြို့နယ် မြို့မရဲစခန်းက (ပ) ၅၆၁/၂၀၁၃၊ ပြစ်မှု ပုဒ်မ-၂၈၅ အရ အမှုဖွင့် အရေးယူထားကြောင်းသိရသည်။

ကျော်ကြား (ဒလ)
Mizzima - News in Burmese