ထောင်တွင်း အစာငတ်ခံ ဆန္ဒပြနေသူများ ဆေးကုသမှု ခံယူနေရ

ပဲခူးတိုင်း ပေါင်းတည်ထောင်တွင်း အစာငတ်ခံဆန္ဒပြနေကြတဲ့ ဒေါ်မြင့်မြင့်အေးအပါအ၀င် လယ်သမားအရေး တက်ကြွလှုပ်ရှားသူတွေ ကျန်းမာရေး ချို့ယွင်းလာတဲ့အတွက် ဆေးကုသမှု ခံနေရတယ်လို့ ထိန်းသိမ်းခံနေရသူတွေရဲ့ မိသားစုက သိရပါတယ်။

ပေါင်းတည်ထောင်မှာ ထိန်းသိမ်းခံနေရတဲ့ မိ​တ္ထီ​လာ​ပြည်​သူ့အ​ကျိုး​ဆောင်​ကွန်​ရက်​က ​ဒေါ်​မြ​င့်​မြ​င့်​အေး​၊ ဝိမု​တ္ထိ ​လူ​မှု​ကူ​ညီ​ရေး​အ​ဖွဲ့က ဒေါ်​ခင်​မိ​မိ​ခိုင်​နဲ့ ​န​တ္တ​လင်း​ပြည်​သူ့အ​ကျိုး​ဆောင်​ ကွန်​ရက်​မှ ဦးသန့်ဇင်​ထက်တို့ဟာ ဒီဇင်ဘာ ၁၃ ရက်နေ့ကတည်းက အစာငတ်ခံ ဆန္ဒပြနေကြတာပါ။

ဒေါ်မြင့်မြင့်အေးဟာ ဒီဇင်ဘာ ၂၁ ရက်က အားနည်းပြီး မူးလဲသွားတဲ့အတွက် ဆေးကုသမှုခံနေရတယ်လို့ ထောင်ဝန်ထမ်းတွေဆီကတဆင့် ကြားသိရကြောင်း ဒေါ်မြင့်မြင့်အေးရဲ့ မောင်ဖြစ်သူက ပြောပါတယ်။

“သူပြောသွားတာကတော့ လွန်ခဲ့တဲ့ ၂၊ ၃ ရက်လောက် ဒရစ် ချိတ်လိုက်ရကြောင်းနဲ့ သတိလစ်သွားတာ ၂ ရက်လောက်ရှိပြီလို့ ကြားသိရပြီး အတိအကျကိုတော့ မသိရသေးဘူး။ ထောင်ဝင်း ၀င်ထွက်သွားလာနေတဲ့ ၀န်ထမ်းတွေဆီကနေသာ ကြားသိရပြီး အတိအကျကို မသိရသေးဘူး။”

အစာငတ်ခံ ဆန္ဒပြနေသူ ဒေါ်ခင်မိမိခိုင်လည်း ကျန်းမာရေးမကောင်းဘူးလို့ သိရပေမယ့် ထောင်တွင်းကို ဆက်သွယ်ရာမှာ ပြန်လည် ဖြေကြားခြင်း မရှိသလို ထောင်ဝင်စာ တွေ့ခွင့်လည်း မပေးဘူးလို့ အစ်မဖြစ်သူ ဒေါ်အေးမှီက ပြောပါတယ်။

“ထောင်ကို ကျန်းမာရေးအခြေအနေ သိချင်လို့ လှမ်းမေးလိုက်ရင် ဟုတ်ကဲ့ခင်ဗျ ဆိုပြီး ဖုန်းချသွားတယ်။ ဘယ်လိုမှ ဆက်သွယ်လို့ မရဘူးဖြစ်နေတယ်။ ထမင်း အတင်းခွံ့ကျွေးလို့ သန့်ဇင်တယောက်က ထမင်းစားတယ်။ ဒေါ်မြင့်မြင့်အေးကလည်း အားနည်းပြီးတော့ သတိမေ့သွားတယ်လို့ ပြောတယ်။ ဆေးသွင်းထားတယ်တဲ့၊ ဆေးကုသခံနေရတယ်” လို့ ပြောဆိုပါတယ်။

ဒီဇင်ဘာလ ၂၄ ရက်နေ့မှာ သူတို့ကို နတ္တလင်းတရားရုံးမှာ ရုံးထုတ်ဖို့ရှိပြီး မိသားစုဝင်တွေ သွားရောက်တွေ့ဆုံဖို့ ရှိနေပါတယ်။

ဒေါ်မြင့်မြင့်အေးရဲ့ ရှေ့နေ ဦးရဲလင်းနိုင်ကတော့ ကျန်းမာရေးမကောင်းဘူးလို့ ကြားသိရပေမယ့် ၀င်တွေ့ခွင့်မရဘူးလို့ ပြောပါတယ်။

“ကျနော်တို့ ရှေ့နေတွေလည်း တွေ့ခွင့်မရဘူး။ ဘေးလူတွေလည်း တွေ့ခွင့်မပေးဘူး။ ရာသီဥတုက အေးတော့ ကျန်းမာရေး နည်းနည်းချို့တဲ့တယ်လို့ ကြားတယ်။ ကျနော်တို့ တိကျခိုင်လုံတဲ့ သတင်းတော့ မကြားဘူးဗျ။ ထောင်ထဲက ထမင်းဆိုင်တွေကိုလည်း ရောင်းခွင့် မပေးဘူး။ ဘာအကြောင်းရှိလို့လည်း မသိဘူး၊ ထောင်နားက ထမင်းဆိုင်တွေလည်း အကုန်ပိတ်ထားတယ်။”

အစာငတ်ခံ ဆန္ဒပြနေသူတွေဟာ ပဲခူးတိုင်း န​တ္တ​လင်း​မြို့​နယ်​ထဲ ​လယ်​သိမ်း​ခံ​ တောင်​သူ​တွေ​ဘက်​က ​လိုက်​ပါ​ ရပ်တည်​ပေး​ရင်း ပြီးခဲ့တဲ့ ဇွန်လကတည်းက ​ပေါင်း​တည်​ထောင်​မှာ ​ဖမ်း​ဆီး​ချုပ်​နှောင်​ခံထားရတာ အခုဆို ၆ လကျော်ရှိနေပြီ ဖြစ်​ပါ​တယ်။

ဒေါ်မြင့်မြင့်အေးတို့ ပါဝင်တဲ့ ပြည်သူ့အကျိုးဆောင် ကွန်ရက်အဖွဲ့ဟာ တရားဝင် အဖွဲ့အစည်း မဟုတ်ဘူးဆိုပြီး န​တ္တ​လင်းရဲစခန်းက သူတို့ကို သင်းပင်းဥပဒေ ပုဒ်မ ၆/၈၈ နဲ့ စွဲချက်တင်အရေး ယူထားတာဖြစ်ပြီး တရားရုံးတွေမှာ ရုံးချိန်းပေးနေတာလည်း အကြိမ် ၂၀ လောက်ရှိနေပြီဖြစ်ပါတယ်။

ပုဒ်မ ၆ နဲ့ စွဲချက်မတင်ဖို့ ပဲခူးတိုင်းအနောက်ပိုင်းခရိုင် တရားရုံးကို လျှောက်လဲချက် တင်ခဲ့ပေမယ့် ခရိုင်တရားရုံးက ပယ်ချခဲ့ပါတယ်။

ဒီနောက် ပဲခူးတိုင်းဒေသကြီး တရားရုံးကို ထပ်မံ လျှောက်လဲချက်ပေးတဲ့အခါ အမှု လက်ခံထားပေမယ့် တစုံတရာ အမိန့်ချမှတ်တာ မရှိတဲ့အတွက် ထောင်တွင်းဆန္ဒပြတာ ဖြစ်ပါတယ်။

By နော်နိုရင်း