ဗိုလ်ချုပ်ဂွမ်မော်၊ ဦးတေဇနဲ့ ပူတာအို၊ မချမ်းဘော၊ ရေခဲတောင်ဒေသတွေ

    တစ်ကြိမ်က ထိုင်းဘက်ကို တန်ဖိုးကြီး ကျောက်တစ်လုံး အဲလို အခွန်မဆောင်ဘဲ ခိုးထွက်သွားဖူးတယ်။ အဲဒါ ကေအိုင်အိုက သိတော့ လုပ်ငန်းရှင်ကို ပြန်ယူလာ ခိုင်းတယ်၊ ဘယ်သူ့လက်ထဲ ရောက်နေနေ၊ ဘယ်တိုင်းပြည် ရောက်နေနေ ကချင်ပြည် နယ်ကို အဲ ကျောက် ပြန်ယူလာခဲ့။ ပြီးရင် အခွန်ဆောင်၊ အဲဒါ မရရအောင် ငွေတွေ အများကြီး အကုန်ခံပြီး ပြန်သွင်း ယူပေးရတဲ့ ဖြစ်စဉ် ရှိခဲ့ဖူးတယ်။

လာကပေါ် – ကိုအောင်ကျော် ခုတလော ကေအိုင်အေ ဗိုလ်ချုပ်ဂွန်မော် သတင်း အတော် ပေါ်ပြူလာ ဖြစ်တယ်နော်။

အောင်ကျော် – ဒါပေါ့ဗျ။ စိတ်ဝင်စားဖို့လည်း ကောင်းတယ်လေ။ ဘာလဲ ခင်ဗျားက လက်ရှိ ထိုင်းနိုင်ငံ ဗန်ကောက်မှာ အလှမယ် ပြိုင်ပွဲဝင်နေတဲ့ ထားထက်ထက်တို့  သိပ်မကြာ သေးခင်ကမှ မော်စကိုက ပြန်လာတဲ့ မိုးစက်ဝိုင် တို့ကမှ ပေါ်ပြူလာ ဖြစ်မယ် ထင်နေလို့လား။ အခုခေတ်က သတင်းခေတ်ဆိုတော့ ပြည်သူတွေ စိတ် ၀င်စားတာ တွေဆို ပေါ်ပြူလာဖြစ်တာ ပေါ့ဗျာ။ တကယ်လည်း ဗိုလ်ချုပ်ဂွမ်မော် သတင်းက စိတ်ဝင်စားဖို့ ကောင်းနေတာ ကိုးဗျ။

လာကပေါ် – ဘာလဲ ခင်ဗျား၊ အဆိုတော် အယ်လ်ဆိုင်းဇီက ဗိုလ်ချုပ် ဂွမ်မော်နဲ့ တွဲပြီး ဓာတ်ပုံရိုက်တာ တွေ့မိလို့ အဲလို ထောက်ခံတာလား။ …

အောင်ကျော် – အဲ အဲ အဲဒါတော့ မနောက်နဲ့ဗျ။ ဒါက နောက်စရာ မဟုတ်ဘူး။ သူလေးစားတဲ့ ကချင်စစ်ခေါင်း ဆောင်နဲ့ သူဓာတ်ပုံ တွဲရိုက်တာပေါ့ဗျ။ မဆန်းပါဘူး။ စိတ်ဝင်စားဖို့ ကောင်းတယ် ဆိုတာက ဒီလိုပါ။ လက်ရှိ ကေအိုင်အိုနဲ့ အစိုးရ အပစ်ရပ် လက်မှတ် မထိုးရသေးဘူး။ စစ်ဖြစ်နေဆဲလို့ ပြောနိုင်တယ်။ တ ကယ်လည်း ကချင်ပြည်နယ် ဗန်းမော်ခရိုင်၊ မန်စီဘက်မှာ အစိုးရတပ်နဲ့ ကေအိုင်အေ တိုက်ပွဲတွေ ဖြစ်နေတယ်။ ဆိုတော့ ဗိုလ်ချုပ် ဂွမ်မော်ဆိုတာ သူပုန် စစ်ခေါင်းဆောင် ပေါ့ဗျာ။ အဲသူပုန် စစ်ခေါင်းဆောင် တစ်ယောက် မြစ်ကြီးနားကနေ ရန်ကုန်ကို လေယာဉ်နဲ့ လာတယ်၊ ရန်ကုန်မှာ နိုင်ငံသား တစ်ယောက်လို နိုင်ငံကူး လက်မှတ် လုပ်မယ်၊ ထိုင်းဗီဇာယူပြီး ချင်းမိုင် အစည်းအဝေး သွားတက်မယ်၊ ဒီရန်ကုန်မှာ သတင်းစာ ရှင်းလင်းပွဲ လွတ်လွတ်လပ်လပ် လုပ်နိုင်တယ်၊ နောက်ရန်ကုန်က ကချင်တိုင်းရင်းသားတွေနဲ့ လွတ်လွတ် လပ်လပ်တွေ့ဆုံ ဆွေးနွေးခွင့် ရတယ်။ မထူးဘူးလားဗျ။

လာကပေါ် – အင်း ဟုတ်တယ်။ အဲဒါတော့ အတော်လေး ထူးတယ်။

အောင်ကျော် – ဒီနေရာမှာ အစိုးရဘက်က လိုက်လျောမှုတွေ တွေ့ရတာ ပေါ့ဗျာ။

လာကပေါ် – အင်း ဒါနဲ့ နေပါဦး။ ရန်ကုန် ရောက်တုန်း နာမည်ကြီး သူဌေးကြီး ဦးတေဇ နဲ့လည်း တွေ့သေးဆို။ အဲဒါ က ဘယ်လိုမျိုးလဲ။ ကျွန်တော်က အဲဒီ ကိစ္စ ပိုစိတ်ဝင်စားတယ်။

အောင်ကျော် – သတင်းစာ ရှင်းလင်း ပွဲမှာ တရားဝင် ပြောတာကတော့ ဘာမှ အထွေအထူး ကိစ္စ မရှိဘူး။ တွေ့မယ် ဆိုတော့ တွေ့လိုက်တာပဲ လို့တော့ ဗိုလ်ချုပ် ဂွမ်မော်ဘက်က ပြောတယ်။

လာကပေါ် – ခင်ဗျား အဲဒါ ယုံကြည်သလား။

အောင်ကျော် – သြော်- သူလည်း ပြောသင့် သလောက်ပဲ ပြောမှာပေါ့။ ခင်ဗျားတို့ကို အကုန်ပြောလို့ ဖြစ်မလားဗျ။

လာကပေါ် – အဲလိုဆို ထားလိုက် တော့ ခင်ဗျား အမြင်ပြော၊ ဦးတေဇက ဗိုလ်ချုပ် ဂွမ်မော်ကို ဘာကြောင့် လာတွေ့ ရတယ်လို့ ထင်သလဲ။

အောင်ကျော် – ကျွန်တော့် မှန်းဆချက်ကို ပြောရရင် အကျိုးစီးပွားဆိုင်ရာ ကိစ္စတွေနဲ့ ပတ်သက် နေတယ်ဗျ။ သာမန်ပြည်သူတွေ မသိကြသေးတာက သူဌေးကြီး ဦးတေဇရဲ့ ရင်းနှီးမြှုပ်နှံမှု အကျိုးစီးပွား အတော်များများ ကချင်ပြည်နယ်မှာ ရှိနေတယ် ဆိုတာပဲ။

လာကပေါ် – ဟုတ်လို့လားဗျာ။ ဖားကန့် ကျောက်တူးတဲ့ ကိစ္စမှာ သူဌေးကြီးတွေ အတော်များများ၊ လက်နက်ကိုင် တပ်ဖွဲ့တွေ အတော်များများ ၀င်ပြီးလုပ်နေ ကြတယ် မဟုတ်လား။ဘာကြောင့် ဦးတေဇ ကိုမှ အများကြီးလို့ ပြောရတာလဲ။

အောင်ကျော် – ဒီမယ် ကျွန်တော် ပြောပြမယ်၊ ခင်ဗျား မြန်မာပြည်မြေပုံကို ကြည့်လိုက်၊ အဲဒီ ကချင်ပြည်နယ် အနေအထားမှာ ကေအိုင်အိုဟာ အရှေ့ဘက် တရုတ်နယ်စပ်မှာ ဌာနချုပ် လုပ်ထား တယ်။ ကေအိုင်အေ တပ်ဖွဲ့တွေကတော့ မြစ်ကြီးနား အရှေ့၊ အနောက်၊ တောင်ပိုင်းမှာရှိတယ်။ အရှေ့မြောက်ပိုင်း တရုတ် နယ်စပ်မှာ အရင် အန်ဒီအေ ခေါင်းဆောင် ဦးဆခုန်တိန့်ယိမ်းရဲ့ နယ်ခြားစောင့်တပ် ဖွဲ့ရှိတယ်။ အဲ မြောက်ဘက် ပူတာအို၊ မချမ်းဘော ဘက်ကတော့ သွားရေး လာရေးခက်တယ်။ ပြည်မကြီးနဲ့ အဆက်အစပ် ဆိုရင် လေယာဉ်ကိုပဲ အဓိက အားထားရတယ်။ အဲဒီ ဧရိယာတွေဟာ အစဉ်အဆက် အစိုးရတပ်တွေ စိုးမိုးထားတဲ့နေရာ၊ နောက်ရေခဲတောင်တွေလည်း ရှိတဲ့ဒေသ။ အဲဒီ အစိုးရတပ် စိုးမိုးထားတဲ့ ဧရိယာတွေကို ဦးတေဇက နယ်စားပယ်စား တစ်ယောက်လို လုပ်ပိုင်ခွင့်တွေ အားလုံးနီးပါး ရထားတာဗျ။ အရင် စစ်အစိုးရ ခေတ်အာဏာ ပိုင်တွေက ပေးထားတာ။

လာကပေါ် – အဲဒါ ဘယ်က သတင်းလဲ။ အတွင်းသတင်းတွေလား။

အောင်ကျော် – အတွင်း သတင်းတွေထက် အပြင်ကို ပေါ်ထွက်လာတဲ့ တရားဝင် သတင်းတွေပါဗျ။ ဦးတေဇဟာ အဲဒီ ဒေသမှာ ဟိုတယ်နဲ့ ခရီးသွားလုပ်ငန်း လုပ်ကိုင်ခွင့်တွေ ရထားတယ်။ အခြား စီးပွားရေး အခွင့်အလမ်း လုပ်ကိုင်ခွင့်တွေ တစ်ဦးတည်း အနေနဲ့ ရထားသလို အပြန်အလှန်အားဖြင့် ဒေသဖွံ့ဖြိုးရေးလည်း ဆောင်ရွက် ရမယ်လို့ ကတိပြုထားသူ ဖြစ်တယ်။ ဒီဒေသကြီးဟာ နောင်ပွင့်လန်း လာမယ့် တကယ့် စီးပွားရေး လုပ်ငန်းမျိုးစုံ လုပ်လို့ ကောင်းတဲ့ ဒေသကြီးပဲဗျ။

လာကပေါ် – အင်းလေ။ အဲဒါနဲ့ ဦးတေဇက ဗိုလ်ချုပ်ဂွမ်မော်ကို သွားတွေ့တာ ဘယ်လို ပတ်သက်သလဲ။

အောင်ကျော် – ခင်ဗျား မသိလိုက်ဘူးလား။ သိပ်မကြာ သေးခင်တုန်းက အဲဒီဒေသဘက်မှာ အစိုးရတပ်နဲ့ ကေအိုင်အေ ထိတွေ့မှု ဖြစ်ခဲ့တယ်။ အစိုးရတပ် အရာရှိတစ်ယောက် အသတ်ခံလိုက်ရတဲ့ ကိစ္စနဲ့ ပတ်သက်ပြီး ပြောကြ၊ ဆိုကြ စုံစမ်းကြ ဖြစ်ခဲ့တယ် ဆိုတာလေ။

လာကပေါ် – သြော်မှတ်မိပြီ။ သတင်းကို သေသေချာချာ ရေးသင့်တယ်၊ ငြိမ်းချမ်းရေး မထိခိုက်အောင် သတိထား သင့်တယ်လို့ ခင်ဗျားပြောတဲ့ ကိစ္စမဟုတ်လား။

အောင်ကျော် – ဟုတ်တာပေါ့။ အဲဒီ ဒေသမှာ ဖြစ်ခဲ့တာ။ ပြောရရင် အဲဒီ ဒေသမှာ ကေအိုင်အေ တပ်တွေ ၀င်ထိုးဖေါက်လို့ အစိုးရတပ် စိုးမိုးမှု ကျိုးပေါက်စ ပြုပြီဆိုတဲ့ သဘောပဲ။ အရင်က အဲလို ဖြစ်ရပ် သိပ်မရှိခဲ့ဘူး။

လာကပေါ် – သြော် အဲဒါကြောင့် လား။

အောင်ကျော် – ဆိုတော့ ကျွန်တော့် အမြင်ပြောရရင် အဲဒီဒေသမှာ လုပ်မယ့် စီးပွားရေးဆိုင်ရာ ကိစ္စတွေ မှန်သမျှ အရင်က အစိုးရနဲ့ လုပ်ရင် ကိုင်ရင် သဘောတူရင် ပြီးတယ်၊ ဒါပေမဲ့အခုဆို ကေအိုင်အေ ကသာ မလိုလားဘူးဆို အခက်တွေ့နိုင်တယ်။ အဲဒီတော့ ဦးတေဇအတွက် ကေ အိုင်အို အဖွဲ့နဲ့ ဆက်ဆံရေးဟာ ပိုပိုပြီး အရေးပါလာတယ်လို့ သုံးသပ်တယ်။

လာကပေါ် – သြော် အဲလိုလား။ ဒါက ဒီ ၂ နှစ်တာ စစ်ပွဲအတွင်း ပြောင်းလဲသွားတဲ့ သဘောပဲနော်။

အောင်ကျော် – တိုက်ပွဲတွေကြောင့် ပြောင်းလဲသွားတာတွေ ရှိတယ်။ ဦးဆခုန်တိန့်ယိမ်းတို့ နယ်ခြားစောင့် တပ်ဖွဲ့ ဒေသဘက်မှာလည်း မြောက်ဘက်က အရေးပါတဲ့ တရုတ်နယ်စပ် စခန်းတစ်ခု ကေအိုင်အေ လက်ထဲ ကျသွားခဲ့ပြီ။ အဲဒါကို ဦးတိန့်ယိမ်းတို့ ဘက်က ကြေညာချက်တွေထုတ်၊ ပြန်ဆုတ်ပေးဖို့ ပြောတာတွေ ရှိသလို၊ ပြည်သူ့စစ်ဖွဲ့တာ ဘာညာလည်း ရှိလာတယ်။ ပြန်တိုက်ယူဖို့ ကတော့ မလွယ်ဘူး။

လာကပေါ် – သြော် တလောက ပြဿနာတွေက အဲဒီလိုကိုး။

အောင်ကျော် – ကချင်ပြည်နယ်မှာ စီးပွားရေး လုပ်ဖို့ဆိုရင် ကေအိုင်အို အဖွဲ့ကို ဘယ်သူမှ ရှောင်ကွင်းပြီး လုပ်လို့ မရဘူး။ ဖားကန့်မှာ ကျောက်စိမ်း တူးတာဆိုရင် ထွက်တဲ့ ကျောက်တွေ ကေအိုင်အိုကို အခွန် မဆောင်ဘဲ ဘယ်သူမှ အပြင်ယူ ထုတ်မသွား ရဲဘူး။

လာကပေါ် – ခိုးသယ်ရင် ကောဗျာ။

အောင်ကျော် – သိသွားရင် မလွယ်ဘူး။ ကြာတော့ ကြာပြီ။ တစ်ကြိမ်က ထိုင်းဘက်ကို တန်ဖိုးကြီး ကျောက်တစ်လုံး အဲလို အခွန်မဆောင်ဘဲ ခိုးထွက်သွားဖူးတယ်။ အဲဒါ ကေအိုင်အိုက သိတော့ လုပ်ငန်းရှင်ကို ပြန်ယူလာ ခိုင်းတယ်၊ ဘယ်သူ့လက်ထဲ ရောက်နေနေ၊ ဘယ်တိုင်းပြည် ရောက်နေနေ ကချင်ပြည်နယ်ကို အဲ ကျောက် ပြန်ယူလာခဲ့။ ပြီးရင် အခွန်ဆောင်၊ အဲဒါ မရရအောင် ငွေတွေ အများကြီး အကုန်ခံပြီး ပြန်သွင်း ယူပေး ရတဲ့ ဖြစ်စဉ် ရှိခဲ့ဖူးတယ်။

လာကပေါ် – သြော် အဲလောက် တောင် သြဇာကြီးတာကိုး။

အောင်ကျော် – ဒါပေါ့။ အခုနောက်ပိုင်း တိုက်ပွဲတွေ ပြန်ဖြစ်ပြီးနောက် အစိုးရက ဖားကန့် ကျောက်တွင်းတွေ ပိတ်ဖို့ လုပ်တယ်။ အစိုးရ ရည်ရွယ်ချက်က ကေအိုင်အိုရဲ့ အခွန်ဘဏ္ဍာရလမ်း လျော့နည်းအောင် လုပ်ချင်တယ်နဲ့ တူပါတယ်။ အဲဒီကာလ အစမှာပဲ ကေအိုင်အိုက အခွန်တွေ အတော် ကောက်ပြီးနေပြီ။ ကျွန်တော့် မိတ်ဆွေ ကုမ္ပဏီ လုပ်ငန်း တစ်ခုဆို ဟိုခေါင်းစဉ် ဒီခေါင်းစဉ်နဲ့ ကျပ်ငွေ သိန်း တစ်ထောင်ကျော်လောက် အခွန်ဆောင် လိုက်ရတယ်။ အဲဒါ တစ်ဖွဲ့တည်းပဲ ရှိသေးတာ။

လာကပေါ် – အားပါး များလိုက်တာ။

အောင်ကျော် – အေး ခင်ဗျား အခွန် တိမ်းရှောင်ရင် နောင်ခင်ဗျားအဲမှာ အခြေမချတော့ဘူးလား၊ ဘာဖြစ်သွား နိုင်မလဲ၊ စဉ်းစားရမယ်။ နောက်တစ်ခု အဲဒီမှာ ကျောက်တူးတဲ့ လုပ်ငန်းမှာ သုံးတဲ့ ဘက်ဖိုးကြီးတွေ၊ အဲဒီယာဉ်တွေ ဖောက်ခွဲခံရတဲ့ ဖြစ်စဉ်တွေလည်း ရှိခဲ့တယ်။

လာကပေါ် – အင်း၊ လက်နက်ကိုင် အင်အားစု၊ စီးပွားရေး အဆက် အစပ်တွေ ပေါ့ဗျာနော်။

အောင်ကျော် – ဒါပေါ့ဗျ။ အခုဆို ငြိမ်းချမ်းရေး ဆွေးနွေးပွဲတွေ လုပ်နေတဲ့ မြစ်ကြီးနားက မဂျွယ်ခန်းမ ဆိုပါတော့ဗျာ။ အဲဒါ ဦးတေဇက ကျပ်သိန်း တစ်ထောင်လောက် အကုန်အကျခံ ပြုပြင် မွမ်းမံပေးခဲ့တာဗျ။ နောက်အခု ကချင်ငြိမ်းချမ်းရေး အဖွဲ့ထဲမှာပါနေတဲ့ ဦးယွတ်ဇော်ခေါင် ဆိုပါတော့- အောက်ပြည်အောက်ရွာက လူတွေ သူ့ကို သိပ်မသိကြဘူး။ သူ ကချင်ပြည်နယ်မှာ အလွန့်အလွန် ကြွယ်ဝ ချမ်းသာတဲ့ သူဌေးကြီး။ အခု ငြိမ်းချမ်းရေး ကိစ္စတွေကို ငွေကုန်ကြေးကျ ခံပြီး လုပ်နေတယ်။ ဒီတလော ဂျပန်ကိုတောင် သွား လိုက်ကြ သေးတယ်။

လာကပေါ် – အင်းလေ ဘာပဲဖြစ်ဖြစ် ကျွန်တော်တို့ ကတော့ စစ်ပွဲတွေ ပြီးစေချင်တယ်။ တိုင်းရင်းသား အခွင့်အရေး ဒီမိုကရေစီ အခွင့်အရေး ရချင်တယ်။ စီးပွားရေးလုပ်ငန်း ဆိုရင်လည်း ပွင့်ပွင့် လင်းလင်း တစ်ဦးနဲ့ တစ်ဦး အခွင့်အရေး တူမျှစွာ လုပ်နိုင်တဲ့ အခြေအနေမျိုးကို လိုချင်တယ်။ ဒါပေမဲ့—

အောင်ကျော် – မဒါပေမဲ့နဲ့ တိုင်းပြည်ငြိမ်းချမ်းလာရင် အဲဒီ ကချင်ပြည်နယ် ရေခဲတောင်တွေပေါ်မှာ အပန်းဖြေ စခန်းတွေ၊ နှင်းခဲလျှောစီး နေရာတွေ၊ တောင်ပေါ်တက်တဲ့ ကေဘယ်လ်ကားတွေ စီးရမှာ မြင်ယောင်သေး – ဟေးဟေး-။ ပိုက်ဆံတော့ စုထားဗျိုး။

Myanmartandawsint Newspaper