မီးပုံးပျံ ပြိုင်ပွဲဝင်ရန် စပ်ထားသည့် ယမ်းများမှ ပေါက်ကွဲမှု ဖြစ်ပွား

တောင်ကြီးမီးပုံးပျံပွဲတွင် မီးပုံးပျံ ပြိုင်ပွဲ ၀င်ရန် စပ်ထားသည့် ယမ်းများ ပေါက်ကွဲကာ နာရီဝက်ခန့်ကြာ မီးလောင်ကျွမ်းမှု နိုဝင်ဘာလ ၃ ရက် နံနက် ၁နာရီခွဲခန့်က တောင်ကြီးမြို့တွင် ဖြစ်ပွားခဲ့သည်။

ပေါက်ကွဲလောင်ကျွမ်းမှု ဖြစ်ပွားခဲ့ခြင်းမှာ တောင်ကြီးမြို့၊ ရတနာသီရိရပ်ကွက်၊ နီလာလမ်း ၊ အိမ်အမှတ် ရ/၃၄တွင် တောင်ကြီး တန်ဆောင်တိုင် မီးပုံးပျံ ပြိုင်ပွဲ ၀င်ရောက် ယှဉ်ပြိုင်ရန်အတွက် စပ်ထားသည့် ယမ်းများ လေလုံကာ အပူချိန်လွန်ပြီး ဓါတ်ပြု ပေါက်ကွဲလောင်ကျွမ်းခဲ့ခြင်း ဖြစ်သည်ဟု တောင်ကြီးမြို့နယ် မီးသတ်ဦးစီးဌာနမှ တာဝန်ရှိသူ တစ်ဦးက မဇ္ဈိမကို အတည်ပြု ပြောကြားသည်။

"ဖိုးလမင်း"လူငယ် မီးပုံးပျံအဖွဲ့မှ ညမီးကြီး ၀င်ရောက်ယှဉ်ပြိုင်ရန် စပ်ထားသော ယမ်းများဖြစ်ပြီး မီးပုံးပျံ အဖွဲ့ခေါင်းဆောင်၏ နေအိမ်တွင် မီးလောင်ကျွမ်းခဲ့ခြင်းဖြစ်သည်။

တောင်ကြီးမြို့နယ် မီးသတ် ဦးစီးဌာနမှ တာဝန်ရှိသူက "သူတို့က ယမ်းအရောင်ထုတ်တွေ၊ ကာလာထုတ်တွေ၊ စပ်ပြီးတော့ သိမ်းထားတယ်၊ လေလုံတော့ ငွေမင်တွေနဲ့ဓာတ်ပြုပြီး လောင်ကျွမ်းပေါက်ကွဲခဲ့တာဖြစ်တယ်" ဟု ပြောသည်။

မီးလောင်ကျွမ်းမှုသည် နာရီဝက်ခန့်ဖြစ်ပွားခဲ့ပြီး ပေါက်ကွဲသံ ကျယ်လောင်စွာ ထွက်ပေါ်ခဲ့သောကြောင့် ရပ်ကွက်သူ၊သားများ လန့်နိုးခဲ့ပြီး ရေများ၊ မီးသတ်ဆေးဗူးများ၊ သဲများဖြင့် ၀ိုင်းဝန်းကူညီ ငြိမ်းသတ်ပေးခဲ့ရကြောင်း ကူညီခဲ့သူ ရပ်ကွက်သား တစ်ဦးဖြစ်သည့် ကိုစိုင်းတီက မဇ္ဈိမ ကို ပြောသည်။

အဆိုပါ လောင်ကျွမ်းမှုကို နံနက် ၂ နာရီခန့်တွင် ငြှိမ်းသတ်နိုင်ခဲ့ပြီး ပျက်စီးဆုံးရှုံးမှု တန်ဖိုးကိုမူ မတွက်ချက်ရသေးပေ။

"ဒီလို တန်ဆောင်တိုင်အချိန်ဆို လောင်ကျွမ်းမှုတွေ ဖြစ်တတ်ပါတယ်။ ယခင်နှစ်ကလည်း ပြိုင်ပွဲဝင် အဖွဲ့သုံးလေးဖွဲ့လောက် ဖြစ်ပွားခဲ့ပါသေးတယ်"ဟု မီးသစ်ဦးစီးဌာနက တာဝန်ရှိသူက ဆိုသည်။

တောင်ကြီးမြို့ တန်ဆောင်တိုင်မီးပုံးပျံပြိုင်ပွဲကို နိုဝင်ဘာ ၁၀ ရက်မှ ၁၇ ရက်အထိ ကျင်းပမည်ဖြစ်သည်။

(မဇ္ဈိမသတင်းဌါန)
Mizzima - News in Burmese