Home » » အမေရိကန် တခွင် ကျေးဇူးတော်နေ့ ဆင်နွှဲ

အမေရိကန် တခွင် ကျေးဇူးတော်နေ့ ဆင်နွှဲ

Written By Unknown on Friday, November 29, 2013 | 11:49 AM

အမေရိကန်ပြည်ထောင်စုမှာ မနေ့က ကြာသပတေးနေ့ဟာ နှစ်စဉ် ဆင်နွှဲကြတဲ့ Thanksgiving ကျေးဇူးတော်နေ့ဖြစ်သလို၊ အမေရိကန် မိသားစုဝင်တွေ အတူတူ စားကြသောက်ကြ၊ အထူးလျှော့ဈေးနဲ့ ဈေးဝယ်ထွက်တာတွေကို လုပ်လေ့ရှိကြပါတယ်။ ကျေးဇူးတော်ကို ချီးမွမ်းတဲ့ အားလပ်ရက်ဖြစ်လို့၊ ဒီလိုနေ့မှာ မိသားစုတွေ ဆုံစည်းကြပြီး ကြက်ဆင်သားနဲ့ တခြား ရိုးရာ စားသောက်ဖွယ်ရာအစုံကို အတူတကွ စားသောက်ကြတာပါ။

ဒီနေ့မှာ ဘာသာရေး ၀တ်ပြုဆုတောင်းမှုတွေကိုလည်း အမေရိကန်နိုင်ငံအ၀ှမ်း စုဝေး ပြုလုပ်ကြသလို၊ အမေရိကန် ဘောလုံးပြိုင်ပွဲတွေ ကြည့်တာ၊ ဒါမှမဟုတ် အစားအသောက် စုဆောင်းလှူဒါန်းတဲ့ နေရာတွေမှာ ကူညီပါဝင်ကြတာနဲ့ တခြား စေတနာ့ဝန်ထမ်း အလုပ်တွေ လုပ်တတ်ကြပါတယ်။

နယူးယောက်မြို့မှာတော့ အ၀တ်အထည်နဲ့ ကုန်ပစ္စည်းမျိုးစုံ အရောင်းကုမ္ပဏီကြီး Macy ရဲ့ ကျေးဇူးတော်နေ့ အလှပြ ချီတက်လမ်းလျှောက်မှုအတွင်း Snoopy ခွေးရုပ်ကြီးနဲ့ တခြား နံမည်ကျော် ကာတွန်းရုပ်ပုံ မိုးပျံပူဖောင်းကြီးတွေ မိုးယံထက် ပျံဝဲနေတာကို ဒီလိုနေ့မှာ လှလှပပ တွေ့နိုင်ပါတယ်။

ရာသီဥတု အေးပြီး လေပြင်းတွေ တိုက်တတ်လို့ ဒီ မိုးပျံ ပူဖောင်းကြီးတွေ ပေါက်ပြီး မြေပေါ်ကျတဲ့အခါ အန္တရာယ်ဖြစ်နိုင်တဲ့အရေး မစိုးရိမ်ရအောင် ရဲတွေက ကြာသပတေးနေ့ မနက်ပိုင်းကတည်းက ရှင်းလင်းမှုတွေ လုပ်ထားပေးပါတယ်။

ဝါရှင်တန်ဒီစီ မြို့တော်မှာတော့ အမေရိကန်သမ္မတ ဘရက်အိုဘားမားက အမေရိကန်စစ်တပ်တွင်း တာဝန်ထမ်း ဆောင်နေကြတဲ့ အမျိုးသား အမျိုးသမီး အားလုံးကို ဒီနေ့မှာ ကျေးဇူးစကား ဆိုခဲ့ပါတယ်။

ကျေးဇူးတော်နေ့မတိုင်ခင် တရက်အလိုကတော့ သမ္မတအိုဘားမားနဲ့ မိသားစုဟာ သူတို့နှစ်စဉ် ဆောင်ရွက်နေကျ ဆင်းရဲသား မိသားစုတွေအတွက် အစားအသောက် ဖြန့်ဝေပေးတဲ့ နေရာတွေမှာ စေတနာ့ဝန်ထမ်း ကူညီပေးတာတွေ လုပ်ခဲ့ကြသလို၊ အမေရိကန် သမ္မတတွေ နှစ်စဉ် ရိုးရာမပျက် လုပ်လာခဲ့တဲ့အတိုင်း ကြက်ဆင်ကြီး နှစ်ကောင်ကိုလည်း ဘေးမဲ့ပေးခဲ့ပါသေးတယ်။

ဗွီအိုအေ (မြန်မာပိုင်း)