မုံရွာပြည်သူ့ဆေးရုံကြီးတွင် အမျိုးသမီးလူနာ တစ်ဦးကို သွေးအုပ်စုမှားသွင်း

မုံရွာ၊ နိုဝင်ဘာ ၅

သားပျက်ကျ၍ ဆေးဝါးကုမှု ခံယူနေသော အသက် ၄၀ နှစ်အရွယ် အမျိုးသမီး လူနာတစ်ဦးကို စစ်ကိုင်းတိုင်း ဒေသကြီး၏ မြို့တော် မုံရွာ ပြည်သူဆေးရုံကြီးနှင့် ဒီပဲယင်းဆေးရုံ တို့တွင် စက်တင်ဘာလ ၁၆ရက်နေ့နှင့် ၁၇ရက်နေ့တို့က သွေး အုပ်စု မှားသွင်းခဲ့ကြောင်း မုံရွာ ပြည်သူ့ဆေးရုံကြီး ဓာတ်ခွဲခန်းဌာနမှ တာဝန်ရှိ ဆရာဝန်ကြီး တစ်ဦးက ပြောကြားသည်။

လူနာမှာ ဒီပဲယင်းဆေးရုံမှ မုံရွာ ဆေးရုံကြီးသို့ ပြောင်းရွှေ့ကုသမှု ခံယူခဲ့ပြီး စက်တင်ဘာ ပထမပတ်က ဒီပဲယင်းဆေးရုံကြီး တွင် လူနာကို သွေးသွင်းကုသခဲ့ရာ သွေးအုပ်စုမှာ အိုသွေး ဖြစ်သော်လည်း အေသွေး နှစ်လုံး သွင်းခဲ့မိကြောင်း မုံရွာဆေးရုံကြီးသို့ ရောက်ရှိလာစဉ် သွေးစစ်ဆေးမှုအရ သွေး ရောနေပြီး သွေးအုပ်စု စစ်ဆေးမှုတွင်အခက်အခဲ ရှိခဲ့ကာ မုံရွာဆေးရုံကြီးတွင် အေဘီသွေး ပုလင်းနှစ်လုံး နီးပါး ထပ်မံ သွင်းမိခဲ့ကြောင်း ၄င်းက ဆက်လက်ပြောကြားသည်။

“လူနာက အေသွေးနှစ်လုံး သွင်းလာတုန်းကလည်း မှားသွင်းတဲ့ လက္ခဏာ မပြဘူး။ ဒီရောက်တော့ သွေးအုပ်စုစစ်သူ ကတစ်ယောက်၊ သွေးပေးတဲ့သူက တစ်ယောက် ဖြစ်သွားပြီး၊ အေဘီသွေး မှားပေးမိသလို ဖြစ်သွားတယ်။ သွေးပုလင်း နှစ်လုံးမြောက်သွင်းတဲ့ အချိန်မှ သတိထားမိပြီး သိရတာပါ။ သွေးလှူဘဏ်မှာ ဝန်ထမ်း နှစ်ယောက်လောက် ထားချင်ပေမယ့် အဲဒီနေ့က ညနေပိုင်းမှာ တစ်ယောက်တည်း တာဝန်ယူ ထုတ်ပေးရပြီး အလုပ်များတော့ မှားယွင်းသွားတဲ့ အနေအထားပါ။ ကျွန်တော်ကိုယ်တိုင် မန္တလေးဆေးရုံကြီးကို လိုက်ပို့ခဲ့တာပါ” ဟု မုံရွာဆေးရုံကြီး ဓာတ်ခွဲခန်းဌာနမှ ဆရာဝန်ကြီးတစ်ဦးက ဆိုသည်။

လူနာမှာ အောက်တိုဘာလ ၁၇ရက် နေ့တွင် မန္တလေးသို့ လွှဲပြောင်းကုသခဲ့ရပြီး မုံရွာဆေးရုံကြီး ဓာတ်ခွဲခန်းဌာနက ဆေးဝါး ကုသရန် အတွက် ငွေကျပ်ခုနှစ်သိန်းနီးပါး ထောက်ပံ့ခဲ့ပြီး ဖြစ်ကြောင်း၊ လက်ရှိအချိန်ထိ ဆေးဝါးစစ်ဆေးမှု ခံယူနေရဆဲဖြစ်ပြီး ငွေကျပ် သိန်းနှစ်ဆယ်နီးပါးခန့် ကုန်ကျနေပြီ ဖြစ်ကြောင်း လူနာ၏မိသားစုဝင် တစ်ဦးက ဆိုသည်။

“ကျွန်မက ဒီပဲယင်းအနီးက ယင်းဆွေကျေးရွာမှာ နေတာပါ။ သားပျက်ကျတော့ ဒီပဲယင်းဆေးရုံမှာ အရင်တက်ရတယ်။ နောက် မုံရွာဆေးရုံကြီးကို ပြောင်းရတယ်။ သွေးသွင်းနေရတာတော့ သိတယ်။ ဖြစ်ခဲ့တာတွေတော့ အားလုံးကွဲကွဲပြားပြား တော့မမှတ်မိဘူး။ နောက်ဆုံးမန္တလေး ဆေးရုံကြီးကို စက်တင်ဘာ ၂၄ ရက်နေ့မှာ ထပ်ပြီးသွားပြမှ ကျောက်ကပ် ဆရာဝန်ကြီးက သွေးမှားသွင်းတဲ့ အကြောင်း သေချာ ပြောပြမှ သိရတာ။ ကျောက်ကပ်တော့ ဆေးခဲ့ရတယ်။ ဖြစ်ပြီးမှတော့ ဘယ်သူ့ကိုမှ မထိခိုက်စေချင်ပါဘူး။ ငွေကြေးမပြေလည်တော့ ထပ်မံထောက်ပံ့ပေး တာကိုပဲ မျှော်လင့်ပါတယ်” ဟုသွေးမှားသွင်းခံခဲ့ရသည့် အသက် ၄၀ နှစ်အရွယ် အမျိုးသမီးက ပြောကြားသည်။

လက်ရှိဖြစ်စဉ်မျိုးမှာ မမှားသင့် သည့်အမှား ဖြစ်သော်လည်း၊ မှားတတ်သည့် သဘောထား ရှိကြောင်း မုံရွာမြို့ခံ ဆရာဝန် တစ်ဦးက သုံးသပ်ပြောကြားသည်။

The Voice Weekly