မလက်တိုလယ်သမားများ နှင့် ကုမ္ပဏီပိုင်ရှင်တို့ရဲ့ အမုန်းတရားဇာတ်သိမ်းပွဲ

မအူပင်မြို့နယ်၊ မလက်တို ကျေးရွာတွင်ဖြစ်ပွားခဲ့သည့် ပဋိ ပက္ခနှင့်ပတ်သက်၍အော့ချတ်(ဒ်) ကုမ္ပဏီလီမိတက်ပိုင်ရှင် ဒေါက် တာမြင့်စိန်ကိုယ်တိုင်ရှင်းလင်းပွဲ နှင့် တောင်သူများနှင့်တွေ့ဆုံ ဆွေးနွေးပွဲကို နိုဝင်ဘာ ၂၃ ရက်၊ နေ့လယ် ၁ နာရီက မှော်ဘီမြို့၊ ရွှေည၀ါတောရ သာသနာပြု  ကျောင်းတိုက်တွင်ကျင်းပခဲ့သည်။

အော့ချတ်(ဒ်) ကုမ္ပဏီလီမိ တက်ပိုင်ရှင် ဒေါက်တာမြင့်စိန်က မအူပင်မြို့နယ်၊ မလက်တိုကျေး ရွာတွင် ဖြစ်ပွားခဲ့သည့် ပဋိပက္ခ မျိုး ထပ်မံဖြစ်ပွားကာ သွေးမြေ မကျစေချင်သောကြောင့်ရှင်းလင်း ပွဲကိုကျင်းပရခြင်းဖြစ်ကြောင်း၊ စာ ချုပ်စာတမ်းအပြည့်အစုံရှိ၍လိုက် လံရှင်းလင်းနေရခြင်းဖြစ်ကြောင်း၊ ပဋိပက္ခဖြစ်အောင် ခေါင်းဆောင် ခဲ့သူ ၄ ဦးရှိကြောင်း ၎င်းတို့၏ လယ်များကို ၎င်းတို့သဘောဆန္ဒ အရ မိမိထံလာရောက်ရောင်းချ သဖြင့်ဝယ်ယူထားခြင်းဖြစ်ကြောင်း ပြောကြားခဲ့သည်။

မလက်တိုပဋိပက္ခဖြစ်စဉ်က ၎င်းသည် မြန်မာနိုင်ငံတွင် မရှိ ကြောင်း၊ ဇနီးသည်မကျန်းမမာ ဖြစ်နေ၍ စင်ကာပူသို့ ဆေးကုသ ရန် သွားရာတွင် လိုက်ပါသွားခဲ့ ကြောင်း၊ ပဋိပက္ခဖြစ်သည်တွင် ဇနီးသည် သေဆုံးသွားသည့် အတွက် မြန်မာနိုင်ငံသို့ ပြန်မလာ နိုင်ခဲ့ကြောင်း၊ ၎င်းသည်မည်သည့် လယ်သမား၏ လယ်ယာမြေ ၁ လက်မကိုပင် မသိမ်းခဲ့ပါကြောင်း၊ မြန်မာပြည်သို့ ပြန်လာသည့်အခါ ၎င်း၏ငါးမွေးမြူရေးကန်များ၏ ငါးကန်ဘောင်များကို ဖြိုချဖျက် ဆီးကာ ငါးများကိုခိုးယူကြခြင်း များကို တွေ့ရကြောင်း၊ဧက ၅၅၀ အတွက် အရောင်းအ၀ယ်စာချုပ် များ၊ သက်သေများအပြည့်အစုံ ရှိပါကြောင်း၊ လယ်သမားများက ရောင်းတာမဟုတ်၊ မတရားသိမ်း သည်ဟု စွပ်စွဲပြီး တိုင်ကြားဆူပူ မှုများလုပ်ဆောင်ခဲ့ပါကြောင်း၊ ထို့ကြောင့် လူကြီးများက နှစ်ဦး နှစ်ဖက်ပြေလည်မှုရရှိအောင် ဆောင်ရွက်ပေးစေလိုပါကြောင်း ၎င်းကထပ်မံပြောကြားခဲ့သည်။

မအူပင်ခရိုင်လယ်ယာမြေ စီမံခန့်ခွဲရေးကော်မတီ ဥက္ကဋ္ဌ ဦးအေးသောင်းက ပိုင်ရှင်ဒေါက် တာမြင့်စိန်နှင့် လယ်သမားများ ကို ညှိနှိုင်းဆောင်ရွက်စေလို ကြောင်း၊ ဆူပူအကြမ်းဖက်မှုများ ကို ဥပဒေအရ ဆောင်ရွက်သွား မည်ဖြစ်ကြောင်း၊ တာဝန်ရှိသူ များက ဧက ၄၅၀ ကို စိုက်ပျိုးသူ တို့ထံသို့ ပြန်ပေးရန်၊ လယ်သမား ၂၁ ဦးနှင့် ပိုင်ရှင်တို့ ညှိနှိုင်းဆွေး နွေးကြရန်၊ လယ်သမား ၂၁ ဦး ကို လယ်ပြန်စိုက်ခိုင်းရန်၊ ဆူပူ လှုံ့ဆော်မှုမဖြစ်အောင်ဆောင်ရွက် ရန်တို့ကို မှာကြားထားကြောင်း ပြောသည်။

ထို့နောက် ခရိုင်လယ်ယာ မြေစီမံခန့်ခွဲရေးကော်မတီဥက္ကဋ္ဌ ဦးအေးသောင်းက ညှိနှိုင်းအစည်း အဝေးသို့ လယ်သမား ၂၁ ဦး တက်ရောက်ရန်ရှိသော်လည်း ၁၄ ဦးသာ တက်ရောက်သဖြင့် လယ် သမားများ၏ဆန္ဒကို မေးမြန်းရာ လယ်သမားတစ်ဦးက လယ်ပေး လျှင်ပေး၊ လယ်မပေးလျှင် ငွေ ပေးပါဟု တောင်းဆိုသဖြင့် ပိုင် ရှင်ဒေါက်တာ မြင့်စိန်၏ သဘော ထားကို မေးမြန်းခဲ့သည်။

ဒေါက်တာမြင့်စိန်က လယ် တွေကို သိမ်းထားခြင်းမဟုတ် သည့်အတွက် ပြန်ပေးရန်မလို ကြောင်း၊ လယ်လျော်ကြေးဟု မသုံးနှုန်းစေလိုကြောင်း၊ မိမိအနေ ဖြင့် လယ်သမားများကို ကရုဏာ ကြေး သိန်း ၂၅၀ ပေးပါမည်ဟု လူကြီးများထံတွင် ကတိပေးထား ပြီးဖြစ်ကြောင်းပြောကြားခဲ့သည်။

လယ်သမားများက လယ် ဧက ၁၃၁ ကျော်အတွက် ၂၆၃ သိန်းပေးရန် တောင်းဆိုရာ ပိုင် ရှင် ဒေါက်တာမြင့်စိန်က ပေးမည် ဟု ဆိုခဲ့သည်။ ထို့နောက် ကရု ဏာကြေးလက်ခံမည့်လယ်သမား များနှင့် ကရုဏာကြေးပေးမည့် ဒေါက်တာ မြင့်စိန်တို့သည် နှစ်ဦး သဘောတူလက်မှတ်ရေးထိုးကြ သည်။

ထို့နောက် ရွှေည၀ါဆရာ တော်ကြီးနှင့်ဧရာဝတီတိုင်းဒေသ ကြီးစိုက်ပျိုးရေးနှင့် မွေးမြူရေး  ၀န်ကြီးတို့က လယ်သမားများနှင့် ဒေါက်တာမြင့်စိန်တို့ကို ခင်မင် ရင်းနှီးစွာဖြင့် လုပ်ငန်းများကို ဆက်လက်ဆောင်ရွက်ကြရန် သြ၀ါဒပေးကြပြီး အခမ်းအနားကို ညနေ ၅ နာရီခွဲတွင် ရုတ်သိမ်းခဲ့ ကြသည်။     

ဝင်းဇော်(သုံးဆယ်)

Hot News Journal