ပြည်ထောင်စုရွေးကောက်ပွဲကော်မရှင်ဥက္ကဋ္ဌ ပါတီနိုင်ငံရေးကင်းဖို့ – မောင်ရေစက်

မြန်မာနိုင်ငံတွင် လွတ်လပ်၍ တရားမျှတသော ပါတီစုံ ဒီမိုကရေစီ ရွေးကောက်ပွဲကြီး ၁၉၉၀ ခုနှစ်တွင် ကျင်းပခဲ့သည်။ တပ်မတော်အစိုးရ (န၀တ) နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ လက်ထက်က ဖြစ်ပါသည်။ ပါတီစုံ၊ ၉၃ ပါတီ၊ ၀ါဒစုံ၊ လူမျိုးစုံ၊ ဘာသာစုံကြပါပေသည်။ ဒိုင်လူကြီးအဖြစ် ဆောင်ရွက်သော ရွေးကောက်ပွဲ ကော်မရှင်ဥက္ကဋ္ဌ ဦးဘဌေး (အငြိမ်းစား ဘဏ္ဍာတော်မင်းကြီး) ဦးဆောင်သည့် ကော်မရှင်အဖွဲ့ လူကြီးများ သည် ယခင် ဦးနေ၀င်းအစိုးရ တစ်ဖြစ်လဲ သမ္မတဒေါက်တာမောင်မောင် လက်ထက် မှ ဖွဲ့စည်း ပေးခဲ့ပြီး ဗိုလ်ချုပ်မှူးကြီး စောမောင်နှင့် ဗိုလ်ချုပ်ကြီး သန်းရွှေတို့ န၀တ စစ်အစိုးရမှ ဆက်လက်တာဝန် ပေးသူများ ဖြစ်ကြခြင်းကြောင့် အဆိုပါ လူကြီးမင်းတို့၏ ပါတီရွေးကောက်ပွဲကိုလည်း ဝေဖန်မှုများစွာဖြင့် စောင့်ကြည့် ခဲ့ကြသည်။ ရွေးကောက်ပွဲ မကျင်းပမီနှင့် ရွေးကောက်ပွဲ ကျင်းပအပြီး ကော်မရှင် ဥက္ကဋ္ဌကြီးသည် အာဏာရ အစိုးရ အကြီးအကဲနှင့် အဖွဲ့ကို ၀တ္တရားအရ တာဝန်ကျေ သဘောမျှ ဆက်ဆံပြီး အောက်ကျို့ခြင်း၊ နောက် လိုက်လုပ်၍ သွားလာခြင်း မရှိခဲ့ရုံမျှမက အစိုးရ၏ ဆရာများပါသော တစ်ချိန်က အာဏာရပါတီ အမွေခံ တစညပါတီ၊ အတိုက်အခံအင်အားကြီး NLD ပါတီတို့ နှင့်လည်း သွားလာ ဆက်ဆံမှု မရှိခဲ့ပေ။ ဤသို့ပါတီ နိုင်ငံရေး လုံးဝ ကင်းရှင်းသော ပါတီစုံ ရွေးကောက်ပွဲ ကော်မရှင် ဥက္ကဋ္ဌကြီးနှင့် အဖွဲ့က ကျင်းပပေးခဲ့သော ၁၉၉၀ ရွေးကောက်ပွဲကြီးသည် မြန်မာ့နိုင်ငံရေး သမိုင်း၌ အလွတ်လပ်ဆုံး၊ အသန့်ရှင်းဆုံး၊ အမျှတဆုံး စာရင်းဝင်ခဲ့ရပေသည်။ …

၂၀၁၀ ရွေးကောက်ပွဲ ကျင်းပသည့် အခါ အုပ်ချုပ်နေသော (နယက) စစ်အစိုးရကပင် ပြည်ထောင်စု ရွေးကောက် ပွဲကော်မရှင် ဥက္ကဋ္ဌအဖြစ် ရွေးချယ် ခန့်ထားခွင့် ရခဲ့ပြန်ရာ၌ စစ်ဥပဒေချုပ် ဗိုလ်ချုပ်သိန်းစိုးကို ကော်မရှင်ဥက္ကဋ္ဌ ခန့်အပ်ခဲ့သည်။ တစ်ချိန်က တပ်မတော်သားတိုင်း ၀င်ရသည့် ကြံ့ခိုင်ရေးအသင်းဝင် အမာခံ ဖြစ်ခဲ့သော ဗိုလ်ချုပ်သိန်းစိုး ကော်မရှင် ဥက္ကဋ္ဌ၏ ၂၀၁၀ ရွေးကောက်ပွဲကြီးသည် NLD ပါတီမှ ဒေါ်အောင်ဆန်းစုကြည် ပါဝင်ယှဉ်ပြိုင်ခွင့် မရဘဲ ကြံ့ခိုင်ရေးပါတီ ကသာ အပြတ်အသတ် အနိုင်ရခဲ့ခြင်း၊ ကြို တင်မဲများ ပေးရာ၌ မမျှတမှုများ ဖြစ်ပွား၍ အချို့ မဲဆန္ဒနယ်တွင် ကြံ့ခိုင်ရေး အမတ်သည် ကြိုတင်မဲကြောင့် အနိုင်ရခဲ့ခြင်းများ၊ ကြိုတင်မဲများသည် ကြံ့ခိုင်ရေးပါတီကို ပေးသော မဲများသာ အများစုဖြစ်ခဲ့ ခြင်းများဖြင့် အငြင်းပွားဖွယ် ၂၀၁၀ ရွေးကောက်ပွဲ အဆုံး၌ ရွေးကောက်ပွဲ ကော်မရှင်ဥက္ကဋ္ဌ ဦးသိန်းစိုးသည် အခြေခံဥပဒေ ခုံရုံးဥက္ကဋ္ဌအဖြစ် ရွေ့လျောခဲ့ကာ ကြံ့ခိုင်ရေးအစိုးရနှင့် လွှတ်တော်ကြား နိုင်ငံရေး ဇာတ်သိမ်းခဲ့ရပေသည်။

ဤတွင် ကြံ့ခိုင်ရေး ပါတီဥက္ကဋ္ဌ သမ္မတဦးသိန်းစိန် အစိုးရသည် ပါတီစုံ ရွေးကောက်ပွဲ ကော်မရှင်ဥက္ကဋ္ဌအဖြစ် ကြံ့ခိုင်ရေးပါတီ ဗဟိုမှ ဦးတင်အေး(ယခင် ဦးပိုင်လီမိတက်ဥက္ကဋ္ဌ၊ ဒုဗိုလ်ချုပ်ကြီး-ငြိမ်း)ကို ခန့်အပ်ခဲ့ကာ ၂၀၁၂ ကြားဖြတ် ရွေးကောက်ပွဲ ကာလ၌ ကျင်းပ ပေးခဲ့သည်။ နိုင်ငံရေးကို ပြည်သူများ အနေဖြင့် စေ့စေ့ငင မသိနိုင်သော်လည်း သိသာမြင် သာလှသော လုပ်ရပ်တစ်ခုသည် ၂၀၁၅ ရွေးကောက်ပွဲ နီးကပ်လာသည်နှင့် အမျှ ပေါ်လွင်လာပေသည်။ ၂၀၁၀ ရွေးကောက်ပွဲတွင် ကြံ့ခိုင်ရေးပါတီ၏ လွှတ်တော် ကိုယ်စားလှယ် တစ်ဦးဖြစ် ခဲ့သော ပြည်ထောင် စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးသည် အာဏာရ ကြံ့ခိုင်ရေး ပါတီ၏ အခမ်းအနားသို့ တက်လာခဲ့ရုံမျှမက ကြံ့ခိုင်ရေးပါတီ အစိုးရသမ္မတ ဦးသိန်းစိန်၏ တိုင်းခန်း လှည့်လည်မှုများ နောက်သို့ လိုက်ပါ၍ သွားလာနေသည်မှာ ယခင် ၁၉၉၀ ရွေး ကောက်ပွဲကော်မရှင် ဥက္ကဋ္ဌကြီး ဦးဘဌေး၏ အာဏာရ အစိုးရနှင့် နိုင်ငံရေး ပါတီတို့ အပေါ် မှန်တမ်းမျှသာ ဆက်ဆံခဲ့ပုံနှင့် များစွာ ကွာခြားနေပေ တော့သည်။

ကမ္ဘာ့နိုင်ငံ အများစုတွင် ပါတီစုံရွေး ကောက်ပွဲ ကော်မရှင်များသည် သီးခြား ရပ်တည်ပြီး ပြည်သူများ အထင်အမြင် လွဲစေသည့် အစိုးရ၊ နိုင်ငံရေး ပါတီများနှင့် ဆက်ဆံ၍ ပူးပေါင်း သွားလာ လှည့်လည်မှု လုပ်ဖို့ ဝေးစွပင်။ အာဏာမရှိသော်လည်း ဘက်လိုက်မှု ကင်းသည့် ခုံသမာဓိ ပီသသော သြဇာကြီးသည့် ရွေးကောက်ပွဲ ကော်မရှင်အဖြစ် မြန်မာ နိုင်ငံတော်ကြီး ၌လည်း တည်ရှိစေချင် လှပါသည်။ ယခုမူကား ကြံ့ခိုင်ရေးပါတီ ဥက္ကဋ္ဌကြီးများဖြစ်သော သမ္မတဦးသိန်းစိန်၊ ပြည်ထောင်စု လွှတ်တော် နာယက ဦးသိန်းစိန်တို့နှင့်အတူ အာဏာရ ကြံ့ခိုင်ရေးပါတီ ညီလာခံကြီးသို့ လာရောက်ခဲ့သော ပြည်ထောင်စုရွေး ကောက်ပွဲကော်မရှင်ဥက္ကဋ္ဌ ဦးတင်အေးသည် အတိုက်အခံ NLD  ပါတီနှင့်တော့ ခပ်စိမ်းစိမ်း ဖြစ်၍ နေပေသည်မှာ စဉ်းစား ဖွယ်ရာ ဖြစ်ပါသည်။ မြန်မာသံတော်ဆင့်က ရေးသမျှ ပုဂိ်္ဂုလ်ရေး တိုက်ခိုက်ခြင်းဟု မြင်နေသူများလည်း ရှိသည်။ အ၀ါရောင် ဟုလည်း စွပ်စွဲကြသည်။ သို့သော် ထိုမီဒီယာများက မြန်မာနိုင်ငံ၏ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌကြီး၏ သားပိုင် အခမဲ့ သတင်းစာနှင့် သတင်းဂျာနယ်တို့ ကဲ့သို့ပင် ရွေးကောက်ပွဲ ကော်မရှင် ဥက္ကဋ္ဌကြီးကို ဝေဖန်ထောက်ပြ ရေးသားမှုများ မလုပ်ကြခြင်းမှာ သို့လော သို့လော စဉ်းစားစရာများ ဖြစ်၍ပင်။

တည်ဆဲ ၂၀၀၈ ဖွဲ့စည်းပုံ အခြေခံ ဥပဒေပုဒ်မ ၃၉၈(က)၊ ၃၉၈(ခ)(၇)၊ ရည် ညွှန်းပုဒ်မ ၂၃၂(ဋ)တို့အရ နားလည် ထားသည် မှာ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌနှင့် ကော်မရှင် အဖွဲ့ဝင်များသည် နိုင်ငံရေး ပါတီ ကင်းရှင်း၍ ပြည်သူများနှ င့် နိုင်ငံရေး ပါတီများ အပေါ် မျှတစွာ ဆက်ဆံ လုပ်ဆောင် ပေးနေသူများ အဖြစ် ရှိစေချင်ပါသည်။ ၂၀၁၅ ရွေးကောက်ပွဲကြီးသည် တစ်တိုင်းပြည်လုံး ပါတီကြီး ငယ်အစုံ ပါဝင်ကြမည် ဖြစ်ရာ ထိုနှင့် သဏ္ဌာန်တူသည့် ၁၉၉၁ စွယ်စုံကျမ်း နှစ်ချုပ်၌ ဦးအေးမောင် ရေးသားထားသည့် ၁၉၉၀ ပါတီစုံ ရွေးကောက်ပွဲ မှတ်တမ်းအချို့ ထုတ်နုတ် ဖော်ပြလိုက်ရပါသည်။

ပြည်ထောင်စုမြန်မာနိုင်ငံတော် ပါတီစုံ ဒီမိုကရေစီ အထွေထွေရွေးကောက်ပွဲ

ပြည်ထောင်စု မြန်မာနိုင်ငံတော်တွင် ရဟန်းရှင်လူ ကျောင်းသား ကျောင်းသူများ နှင့် ပြည်သူအများ၏ ဒီမိုကရေစီတောင်းဆို ဆန္ဒပြမှု အရှိန်အဟုန်သည် ၁၉၈၈ ခုနှစ် သြဂုတ်လနှင့် စက်တင်ဘာလတို့တွင် အမြင့်မားဆုံးသို့ ရောက်ရှိခဲ့သည်။ ထိုစဉ်က ဖြစ်ပေါ်ခဲ့သော အခြေအနေ အရပ်ရပ် ကြောင့် ၁၉၈၈ ခုနှစ် စက်တင်ဘာလ ၁၁ ရက်နေ့တွင် ကျင်းပခဲ့သော ပြည်ထောင်စု ဆိုရှယ်လစ်သမ္မတမြန်မာနိုင်ငံတော် စတုတ္ထအကြိမ် ပြည်သူ့လွှတ်တော် အရေးပေါ် အစည်းအဝေးက တစ်ပါတီ စနစ်နှင့် ပါတီစုံစနစ် အနက် မည်သည့် စနစ်ကို လိုလား နှစ်သက်ကြောင်း ပြည်သူ့ ဆန္ဒခံယူပွဲ ကျင်းပခြင်း မပြုတော့ဘဲ ပါတီစုံ စနစ်ဖြင့် အထွေထွေ ရွေးကောက်ပွဲကို သုံးလအတွင်း ကျင်းပပေးရန်ဆုံးဖြတ်ခဲ့သည်။

နိုင်ငံတော် ကောင်စီ၏ အဆိုပြုတင် ပြချက်အရ ပြည်သူ့လွှတ်တော်က ၁၉၈၈ ခုနှစ် စက်တင်ဘာလ ၁၁ ရက်နေ့တွင် တရားမျှ တသော အထွေထွေ ရွေးကောက်ပွဲ အောင်မြင်စွာ ကျင်းပနိုင်ရေးအတွက် ရွေး ကောက်ပွဲ ကော်မရှင်တွင် အောက်ဖော်ပြပါ ပုဂ်္ဂိုလ်များကို ရွေးချယ်တာဝန်ပေးအပ်ရန်

(၁) ဦးဘဌေး … အငြိမ်းစားဘဏ္ဍာ တော်မင်းကြီး။

(၂) ဦးကျော်ညွန့် … အငြိမ်းစား ကနေဒါနိုင်ငံဆိုင်ရာမြန်မာသံအမတ်ကြီး။

(၃) ဦးစန်းမောင် … အငြိမ်းစားချွေ တာစုဆောင်းရေးနှင့် အာမခံစာချုပ်များ မင်းကြီး။

(၄) ဦးစောကြာဒိုး … အငြိမ်းစား ဗိုလ်မှူးချုပ်။

(၅) ဆရာချယ် … ယခင်ပါလီမန် အမတ်နှင့် ပြည်သူ့ လွှတ်တော်ကိုယ်စားလှယ် တို့ ပါဝင်ခဲ့သည်။

ယင်းသို့ ပြည်သူ့လွှတ်တော်က ကော်မရှင်ကို ဖွဲ့စည်းပေးပြီးသည့်နောက် ၁၉၈၈ ခုနှစ် စက်တင်ဘာလ ၁၂ ရက်နေ့ နံနက် ၉ နာရီအချိန်တွင် နိုင်ငံတော်သမ္မတ ဒေါက်တာမောင်မောင်၊ နိုင်ငံတော်ဒုတိယ သမ်္မတ ဦးအေးကို၊ နိုင်ငံတော် ကောင်စီ အတွင်းရေးမှူး သူရဦးကျော်ထင်၊ နိုင်ငံတော်ဝန်ကြီးချုပ် သူရဦးထွန်းတင်တို့နှင့် ရွေးကောက်ပွဲ ကော်မရှင် လူကြီးများ ဖြစ်ကြသော ဦးဘဌေး၊ ဦးစောကြာဒိုး၊ ဦးစန်းမောင်၊ ဆရာချယ်၊ ဦးကျော်ညွန့်တို့ တွေ့ဆုံ ဆွေးနွေး ကြသည်။ ယင်းအစည်းအဝေးသို့ နိုင်ငံတော် ကောင်စီရုံး ညွှန်ကြား ရေးမှူးချုပ် ဦးကျော်ဝင်း (ယခုနိုင်ငံတော် တရားရုံးချုပ်တရားသူကြီး)နှင့် ကော်မရှင်ရုံး ညွှန်ကြားရေးမှူး ဦးအေးမောင် (ယခု ညွှန်ကြားရေးမှူးချုပ်)တို့လည်း တက်ရောက်ကြသည်။ ထိုအစည်းအ၀း၌ နိုင်ငံ တော်သမ္မတ အမှူးပြုသည့် နိုင်ငံတော် ကောင်စီဝင်များက အလွတ်လပ်ဆုံးနှင့် အမျှတဆုံး ပါတီစုံဒီမိုကရေစီ အထွေထွေ ရွေးကောက်ပွဲကြီးကို အမြန်ဆုံး အောင်မြင်စွာ ကျင်းပနိုင်ရေးနှင့် ပတ်သက်၍ ကော်မရှင်က လွတ်လွတ်လပ်လပ် ဆောင်ရွက်နိုင်ရန် နိုင်ငံတော် ကောင်စီက အထောက်အကူပြုရမည့် ကိစ္စရပ်များကို ဆွေးနွေးကြပြီး ကော်မရှင် အဖွဲ့ဝင်လူကြီး များသည် ဦးဘဌေးအား ကော်မရှင်ဥက္ကဋ္ဌ အဖြစ်ရွေးချယ် တာဝန်ပေး ခဲ့ကြသည်။ ထို့ နောက်ကော်မရှင် အတွင်းရေးမှူးအဖြစ် ဦးအေးမောင်အား တာဝန်ပေးအပ်ခဲ့ ကြသည်။

တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီးစောမောင် (ယခု ဗိုလ်ချုပ်မှူးကြီး) သည် စတုတ္ထအကြိမ် ပြည်သူ့လွှတ်တော် အရေးပေါ် အစည်းအဝေးက ဆုံးဖြတ်လိုက်သော ပါတီစုံပါဝင်သည့် ရွေးချယ်တင် မြှောက်ပွဲများ ကျင်းပရာတွင် တပ်မှူးကြီးများနှင့် တကွ အဆင့်အားလုံးသို့ အောက်ပါအတိုင်း လိုက်နာ ဆောင်ရွက်ရန် ၁၉၈၈ ခုနှစ် စက်တင်ဘာလ ၁၂ ရက်နေ့တွင် မြန်မာ့ ရုပ်မြင်သံကြားနှင့် မြန်မာ့အသံတို့မှ မိန့်ကြားခဲ့သည်-

၁၉၈၈ ခုနှစ် စက်တင်ဘာလ ၁၈ ရက်နေ့၌ တပ်မတော်သည် နိုင်ငံတော်၏ အာဏာအရပ်ရပ်ကို လုံးဝတာဝန်ယူ ခဲ့သည်။

တပ်မတော်က တာဝန်ယူပြီးသည်နှင့် တစ်ပြိုင်နက် နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ကို ဖွဲ့စည်းပြီးလျှင် ယင်းအဖွဲ့က ၁၉၈၈ ခုနှစ် စက်တင်ဘာလ ၁၈ ရက်စွဲပါ အောက်ပါကြေညာချက်အမှတ် (၁/၈၈) ကို ထုတ်ပြန် ကြေညာ ခဲ့သည်။

ထို့နောက် ၁၉၈၈ ခုနှစ် စက်တင်ဘာ လ ၁၉ ရက်နေ့ မွန်းလွဲ ၁ နာရီအချိန်တွင် ကာကွယ်ရေးဝန်ကြီးဌာန၊ ဒဂုံရိပ်သာ၌ ကျင်းပမည့် အစည်းအဝေးသို့ တက်ရောက်ပါရန် နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့က ကော်မရှင်အား ဖိတ်ကြားခဲ့သည်။ ယင်းအစည်းအဝေးသို့ နိုင်ငံတော် ငြိမ်ဝပ်ပိပြားမှု တည်ဆောက် ရေးအဖွဲ့ ဥက္ကဋ္ဌ ဗိုလ်ချုပ်ကြီးစောမောင် (ယခု ဗိုလ်ချုပ်မှူးကြီး) အမှူးပြုသည့် အဖွဲ့ဝင်များဖြစ်ကြသော ဒုတိယ ဗိုလ်ချုပ်ကြီး သန်းရွှေ (ယခုဗိုလ်ချုပ်ကြီးနှင့် ဒုတိယ ဥက္ကဋ္ဌ)၊ ဗိုလ်ချုပ်မောင်မောင်ခင် (ရေ) (ယခုဒုတိယ ဗိုလ်ချုပ်ကြီး)၊ ဗိုလ်ချုပ်တင်ထွန်း (လေ) (ယခု ဒုတိယ ဗိုလ်ချုပ်ကြီး)၊ ဗိုလ်ချုပ် စိန်အောင် (ယခုဒုတိယ ဗိုလ်ချုပ်ကြီး)၊ ဗိုလ်ချုပ်ချစ်ဆွေ (ယခု ဒုတိယ ဗိုလ်ချုပ်ကြီး)၊ အတွင်းရေးမှူး (၁) ဗိုလ်မှူး ချုပ်ခင်ညွန့် (ယခုဗိုလ်ချုပ်)၊ အတွင်းရေးမှူး (၂) ဗိုလ်မှူးကြီး တင်ဦး (ယခုဗိုလ်ချုပ်) တို့နှင့် ကော်မရှင်ဥက္ကဋ္ဌ ဦးဘဌေး အမှူးပြုသည့် ကော်မရှင် အဖွဲ့ဝင်များ ဖြစ်ကြသော ဦးစောကြာဒိုး၊ ဦးစန်းမောင်၊ ဦးကျော်ညွန့် နှင့် ကော်မရှင် အတွင်းရေးမှူး ဦးအေးမောင်တို့ တက်ရောက်ခဲ့သည်။ အဖွဲ့ဝင် ဆရာချယ်သည် အစည်းအဝေးသို့ တက် ရောက်ရန် လမ်းပိတ်နေသည့် အတွက် ခွင့်ပန်ခဲ့သည်။ အစည်းအဝေးတွင် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ ဥက္ကဋ္ဌက မိမိတို့ တပ်မတော်နှင့် ၀န်ထမ်းများသည် မည်သည့် နိုင်ငံရေး အဖွဲ့အစည်း၏ အဖွဲ့ဝင်များ မဟုတ်တော့ကြောင်း၊ မိမိတို့သည် ကြားနေ အဖွဲ့အစည်းများ ဖြစ်ပြီး ပြည်သူများကို အလုပ်အကျွေး ပြုရမည့် အဖွဲ့အစည်းများ ဖြစ်ကြောင်း၊ ယခု ပြည်သူများ လိုလား တောင့်တနေသည့် ပါတီစုံ ဒီမိုကရေစီကို အမြန်ဆုံး အကောင်အထည် ဖော်ပေးနိုင်ရေး အတွက် ပါတီစုံ ဒီမိုကရေစီ အထွေထွေ ရွေးကောက်ပွဲကြီးကို အလွတ်လပ်ဆုံး၊ အမျှတဆုံးနှင့် အမြန်ဆုံး ပြုလုပ်ပေးရန် ကော်မရှင်အဖွဲ့ဝင် လူကြီးများကို မေတ္တာရပ်ခံကြောင်း၊ ကော်မရှင်၏ လုပ်ငန်းများနှင့် စပ်လျဉ်းပြီး ကော်မရှင်အဖွဲ့ဝင် လူကြီးများက မည်သူ၏ မျက်နှာကိုမျှ မထောက်ထားဘဲ သမာသမတ်ကျကျ ဓမ္မဓိဋ္ဌာန်ကျကျ တရားအမျှတဆုံး ဆောင်ရွက် ပေးစေလိုပါကြောင်း၊ ကော်မရှင်၏ လုပ်ငန်းများနှင့် စပ်လျဉ်း၍ မိမိတို့သည် အဖွဲ့အစည်းအနေ ဖြင့်သော် လည်းကောင်း၊ တစ်ဦးချင်းအနေ ဖြင့်သော် လည်းကောင်း ကြိုးကိုင်မှု၊ လမ်းညွှန်မှု လုံးဝပြုလုပ်မည် မဟုတ်ကြောင်း၊ ရွေးကောက်ပွဲ ဥပဒေ နည်းဥပဒေများ ရေးဆွဲရာတွင်လည်း ကော်မရှင်အဖွဲ့ဝင် လူကြီးများက တွေ့ဆုံ ဆွေးနွေးလိုသော အဖွဲ့အစည်းကို ဖြစ်စေ၊ ပုဂိ်္ဂလ်တစ်ဦးချင်းကို ဖြစ်စေ တွေ့ဆုံဆွေးနွေး အကြံဉာဏ် များရယူပြီး လွတ်လွတ်လပ်လပ် ရေးဆွဲနိုင်ကြောင်း၊ ကော်မရှင်က ရေးဆွဲထောက်ခံ ပေးပို့သည့် ဥပဒေများကို အမြန်ဆုံး ပြဋ္ဌာန်း ပေးမည် ဖြစ်ပါကြောင်း၊ ပါတီစုံ ဒီမိုကရေစီ အထွေထွေ ရွေးကောက်ပွဲကြီးကို အောင်မြင်စွာ ကျင်းပနိုင်မည့် လိုအပ်သည့် အကူအညီ များကိုလည်း အပြည့်အ၀ ပေးသွား မည်ဖြစ်ပါကြောင်း ဆွေးနွေး ပြောကြား သွားခဲ့သည်။ ပါတီစုံ ဒီမိုကရေစီ အထွေထွေ ရွေးကောက်ပွဲတွင် လွှတ်တော် မဲဆန္ဒနယ် သုံးနယ်နှင့်အထက် ပါဝင် ယှဉ်ပြိုင်သည့် နိုင်ငံရေး ပါတီ အဖွဲ့အစည်းပေါင်း ၉၃ ဖွဲ့ကျန်ရှိ ခဲ့သည်။

လွတ်လပ်၍ တရားမျှတသော ရွေး ကောက်ပွဲ ကျင်းပရန် အခြေအနေ မပေးသေးသည့် နယ်မြေများ ကော်မရှင်သည် ပြည်ထောင်စု မြန်မာနိုင်ငံတော် အတွင်းရှိ နယ်မြေအားလုံးတွင် လွတ်လပ်၍ တရားမျှတသော ရွေးကောက်ပွဲများကို ကျင်းပနိုင်ရေး အတွက် ပြည်သူ့ လွှတ်တော်မဲဆန္ဒနယ် ၄၉၂ နယ်ကို သတ်မှတ်ခဲ့သည်။ ထိုသို့ သတ်မှတ်သော်လည်း မဲဆန္ဒနယ် ခုနစ်နယ်တွင် ကျင်းပရန် ရှိသည့် ရွေးကောက်ပွဲ လုပ်ငန်းများကို ပြည်သူ့လွှတ်တော် ရွေးကောက်ပွဲ ဥပဒေ၊ နည်းဥပဒေများနှင့် အညီ အချိန်မီ ဆောင်ရွက်နိုင်ရန် အခက်အခဲ ရှိကြောင်း သိရသည့် အတွက် ခေတ္တဆိုင်းငံ့ လိုက်ကြောင်း ကြေညာချက် အမှတ် ၃၈၄ နှင့် ၃၉၅ တို့ဖြင့် ထုတ်ပြန်ခဲ့ သဖြင့် မဲဆန္ဒနယ်ပေါင်း ၄၈၅ နယ်တွင်သာ ရွေးကောက်ပွဲများကို ကျင်းပခဲ့သည်။

ရွေးကောက်ပွဲ ကျင်းပသော နေ့တွင် ဆန္ဒမဲပေးလိုသော မဲဆန္ဒရှင် များသည် မဲရုံများ၌ နံနက် ၆ နာရီမှ ညနေ ၄ နာရီအချိန် အတွင်း မိမိတို့ ကြိုက်နှစ်သက်ရာ လွှတ်တော် ကိုယ်စားလှယ်လောင်းကို လျှို့ဝှက်စွာ လွတ်လွတ် လပ်လပ် ဆန္ဒမဲပေးခဲ့ကြသည်။

၁၉၉၀ ပြည့်နှစ် မေလ ၂၇ ရက်နေ့ တွင် ရွေးကောက်ပွဲ ကျင်းပသည့် ပြည်သူ့လွှတ်တော် မဲဆန္ဒနယ်ပေါင်း ၄၈၅ နယ်တို့နှင့် စပ်လျဉ်းသည့် ဆန္ဒမဲပေးမှု အခြေအနေများနှင့် ရာခိုင်နှုန်းများကို ထုတ်ပြန် ဖော်ပြပေးခဲ့သည် . . .။

(၁) အမျိုးသားဒီမိုကရေစီအဖွဲ့ချုပ် ၃၉၂ ဦး

(၂) ရှမ်းတိုင်းရင်းသားများ ဒီမိုကရေ စီအဖွဲ့ချုပ် ၂၃ ဦး

(၃) ရခိုင်ဒီမိုကရေစီအဖွဲ့ချုပ်၁၁ ဦး

(၄) တိုင်းရင်းသားစည်းလုံးညီညွတ် ရေးပါတီ ၁၀ ဦး

(၅) မွန်အမျိုးသားဒီမိုကရေစီ အဖွဲ့ ၅ ဦး . . .စသည်ဖြင့်

အမှတ် ၂ မှ ရှမ်းတိုင်းရင်းသားများ ဒီမိုကရေစီအဖွဲ့ချုပ်၏ ပြည်သူ့လွှတ်တော် ကိုယ်စားလှယ်အဖြစ် ရွေးကောက်တင် မြှောက်ခံထားရသူ ဦးစ၀်သာတင့်သည် ၁၉၉၀ ပြည့်နှစ် စက်တင်ဘာလ ၂၆ ရက် နေ့တွင် လည်းကောင်း ကွယ်လွန်အနိစ္စ ရောက်သွား ခဲ့ပါသဖြင့် အမျိုးသားဒီမိုကရေစီ အဖွဲ့ချုပ်မှ လွှတ်တော် ကိုယ်စားလှယ်အဖြစ် ရွေးကောက် တင်မြှောက်ခံရသူပေါင်းမှာ ၃၉၁ ဦးနှင့် ရှမ်းတိုင်းရင်းသားများ ဒီမိုကရေစီအဖွဲ့ချုပ်မှ လွှတ်တော် ကိုယ်စားလှယ်အဖြစ် ရွေးကောက်တင် မြှောက်ခံရသူပေါင်းမှာ ၂၂ ဦးသာ ကျန်ရှိ ခဲ့သည်။

ရွေးကောက်ပွဲအတွက် နိုင်ငံတော်မှ ကျခံသုံးစွဲသည့် ငွေများ

ကော်မရှင်သည် ပါတီစုံဒီမိုကရေစီ အထွေထွေရွေးကောက်ပွဲ ကျင်းပရေး အတွက် ကြိုတင် ပြင်ဆင်မှု လုပ်ငန်းများကို ၁၉၈၈ ခုနှစ် စက်တင်ဘာလကစ၍ ဆောင်ရွက်ခဲ့သည် . . .။

(၁) ၁၉၈၈-၈၉ ဘဏ္ဍာနှစ် ကျပ် ၂၂,၂၆,၇၂၂ (၁-၁၀-၈၈မှ ၃၁-၃-၈၉)

(၂) ၁၉၈၉-၉၀ ဘဏ္ဍာနှစ် ကျပ် ၁,၉၅,၇၈,၄၅၈ (၁-၄-၈၉မှ ၃၁-၃-၉၀)

(၃) ၁၉၉၀-၉၁ ဘဏ္ဍာနှစ် ကျပ် ၁,၃၈,၁၃,၁၂၃ (၁-၄-၉၀ မှ ၃၀-၆-၉၀) ခန့်မှန်းကုန်ကျငွေ

စုစုပေါင်း= ကျပ် ၃,၅၆,၁၈,၃၀၃

နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့သည် ယင်း၏စတုတ္ထ တာဝန်အဖြစ် လွတ်လပ်၍ တရားမျှတ သော ပါတီစုံ ဒီမိုကရေစီ အထွေထွေ ရွေးကောက်ပွဲ ကျင်းပပေးရန် သတ်မှတ်ခဲ့သည်။ ပြည်သူများကလည်း လွတ်လပ်၍ တရားမျှတသော ပါတီစုံ ဒီမိုကရေစီ အထွေထွေ ရွေးကောက်ပွဲကို ကျင်းပပေးရန် လို လားတောင်းတခဲ့ကြသည်။

(၁၉၉၀ ပြည့်နှစ် မေလ ၂၇ ရက်)  နေ့တွင် လွတ်လပ်၍ တရားမျှတသော ပါတီစုံ ဒီမိုကရေစီ အထွေထွေ ရွေးကောက်ပွဲကြီးကို အောင်မြင်စွာ ကျင်းပပေးခဲ့ပြီး ဖြစ်သည်။ ယင်းသို့ အောင်မြင်စွာ ကျင်းပခဲ့ ခြင်းနှင့် စပ်လျဉ်း၍ ပြည်သူအမြောက် အမြားကလည်းကောင်း၊ ဆန္ဒမဲပေးကြသူ မဲဆန္ဒရှင် အမြောက်အမြားကလည်း ကောင်း၊ ၀င်ရောက် ယှဉ်ပြိုင်ကြသည့် နိုင်ငံရေး ပါတီအများစုက လည်းကောင်း လွတ်လပ်၍ တရားမျှတ သည်ဟု ၀မ်းမြောက် ၀မ်းသာ ချီးကျူးကြသည်အထိ သာမက ယခင်က သံသယရှိသည်ဟု အတိအလင်း ထုတ်ဖော် ပြောဆိုခဲ့ကြသည့် နိုင်ငံခြား အစိုးရများ၊ နိုင်ငံခြား သံတမန်များနှင့် နိုင်ငံခြား သတင်းထောက် များနှင့် နိုင်ငံခြား သတင်းဌာနများ ကပင်လွတ်လပ်၍ တရားမျှတမှု ရှိသည်ဟု လည်းကောင်း၊ စနစ်တကျ ရှိသည်ဟု လည်းကောင်း တစ်သံတည်း ၀န်ခံချီးကျူး ခဲ့ကြသည်။

ဟူ၍ ဦးအေးမောင်(ရှေ့နေချုပ်-ငြိမ်း)က မှတ်တမ်းတင်ခဲ့သည်။ အမျိုးသား လွှတ်တော် ကော်မရှင်အဖွဲ့ဝင် အငြိမ်းစား ပညာရှင် ပါမောက္ခကြီး တစ်ဦးကမူ““ရွေး ကောက်ပွဲ ကော်မရှင်ဆိုတာ သီးခြားလုပ် ပိုင်ခွင့် အပြည့်ပေးထားရတယ်။ နိုင်ငံတကာမှာ ဒီလိုပါပဲ။ ဒါပေမဲ့ Constitution လိုက်ပြီးတော့ ပြောင်းလဲမှု ရှိတယ်။ ဒီနိုင်ငံမှာ ရွေးကောက်ပွဲ ကော်မရှင် ဥက္ကဋ္ဌတို့၊ စာရင်း စစ်ချုပ်တို့က အစိုးရကို တင်ပြစရာမလိုဘဲ သီးခြား လွတ်လပ်စွာ နေပြီလို့ ထင်တယ်။ ဒါကြောင့် ဟိုတလောက စာရင်းစစ်ချုပ် ကနေ ၀န်ကြီးဌာနတွေရဲ့ စစ်ဆေးမှုကို လွှတ်တော်ကို တိုက်ရိုက်တင်ပြတာလုပ် လာတာ၊ ဒါပေမဲ့ ရွေးကောက်ပွဲ ကော်မရှင် ဥက္ကဋ္ဌ ကတော့ သမ္မတနောက်ကို လိုက်နေသေးတယ်””ဟု မြန်မာသံတော်ဆင့်သို့ ပြောသည်။

ကြံ့ခိုင်ရေး ပါတီဗဟိုမှ ၂၀၁၀ ရွေး ကောက်ပွဲဝင်ခဲ့သော လွှတ်တော် ကိုယ်စားလှယ် ဦးတင်အေးသည် ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌအဖြစ် သမ္မတဦးသိန်းစိန်က ခန့်အပ်လိုက်ခြင်း နည်းတူ ၂၀၁၀ ရွေးကောက်ပွဲ မတိုင်မီက မြို့နယ်ကော်မရှင် ဥက္ကဋ္ဌ အချို့သည်လည်း ကြံ့ခိုင်ရေးပါတီ ကိုယ်စားပြု၍ လွှတ်တော် ကိုယ်စားလှယ်များ အဖြစ် ရွေးကောက်ပွဲ ၀င်ခဲ့ခြင်းမှာ လက်ရှိမြန်မာ့နိုင်ငံရေး၏ သရုပ်သကန်ကို လှစ်ဟပြသနေခြင်းပင်။

၂၀၁၅ တွင်လည်း မြန်မာတို့ ကမ္ဘာ့အလယ် မျက်နှာပန်းလှ၍ ပြည်သူအများ ၀မ်းမြောက်ရွှင်လန်းစေဖို့ ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ပါတီနိုင်ငံရေး ကင်းရှင်းရန် ဆုတောင်းကြပါစို့ဟူ၍ သာ။

မောင်ရေစက်
Myanmartandawsint Newspaper