ဖွဲ့စည်းပုံပြင်ရေး လူထုဆန္ဒခံယူပွဲ အန်အယ်လ်ဒီ စတင်တော့မည်

၂၀၀၈ ဖွဲ့စည်းပုံအခြေခံဥပဒေပြင်ဆင်မလား၊ အသစ်ရေးဆွဲမလားဆိုတာနဲ့ ပတ်သက်ပြီး ပြည်သူ့ဆန္ဒသဘောထား ရယူပွဲတွေကို  မြန်မာပြည်အနှံ့ ခရိုင်၊ မြို့ကြီးတွေနဲ့  မြို့နယ်တွေမှာ မကြာခင် စတင်ကျင်းပတော့မယ်လို့ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ပါတီ တာဝန်ရှိသူတွေက ပြောကြားလိုက်ပါတယ်။

အောက်တိုဘာလလယ်ကစပြီး ၂၀၀၈ ဖွဲ့စည်းပုံအခြေခံဥပဒေအပေါ် လူထု သဘောထားအမြင်တွေကို တတိုင်းပြည်လုံးမှာ အဖွဲ့ ၇ ဖွဲ့ခွဲ လုပ်ဆောင်သွားမယ်လို့ ရန်ကုန်တိုင်းနဲ့ ပဲခူးတိုင်းအတွက် တာဝန်ယူလုပ်ဆောင်မယ့် အန်အယ်လ်ဒီပါတီက ဖွဲ့စည်းပုံပြင်ဆင်ရေးကော်မတီဝင်  ရှေ့နေကြီးဦးကိုနီက ပြောပါတယ်။

“လူထုကြားထဲအထိ ရှင်းပြမယ်။ ဖွဲ့စည်းပုံအခြေခံဥပဒေဆိုတာ ဘာလဲ၊ တိုင်းပြည်အတွက် ဘယ်လောက်အရေးကြီးသလဲ၊ ဒီမိုကရက်တစ်ဖွဲ့စည်းပုံအခြေခံဥပဒေတခုရဲ့ စံနှုန်း ၂ ခုပေါ့။ လူထုဆန္ဒပါရမယ်၊ နိုင်ငံတော်အာဏာ ပြည်သူလူထုကို အပ်တာ ဖြစ်ရမယ်။ ၂၀၀၈ ဖွဲ့စည်းပုံဟာ ဒီ ၂ ခုလုံးနဲ့ မညီဘူး။ စရေးကတည်းက လူထုဆန္ဒမပါဘူး၊ လူထုဆန္ဒကို အခြေမခံဘူး၊ နိုင်ငံတော်အာဏာကို ပြည်သူလူထုကို မအပ်ဘူး။ ဒီအကြောင်း ၂ ခုကြောင့် ကျနော်တို့ ဒါကို ပြန်ပြီးတော့ ပြင်ချင်တယ်။ ပြင်ဆင်ဖို့ကိစ္စမှာ အင်မတန်ခက်ခဲတဲ့ ကိစ္စတွေနဲ့ ရင်ဆိုင်ရမယ်။ ဒါ့အပြင် ပြင်ရမယ့်အချက်အလက်တွေကလည်း အလွန်များတယ်။ အဲဒါကြောင့် ပြင်တဲ့နည်းနဲ့အသစ်ရေးတဲ့နည်း ဘယ်နည်းကို လူထုက ကြိုက်သလဲ ရွေးကြပါလို့ ကျနော်တို့က ပြောမယ်။”

ခရိုင်၊ မြို့ကြီးတွေနဲ့ မြို့နယ်တွေမှာ ပြည်သူကို ဘယ်ပုံ၊ ဘယ်နည်း ချပြကြမလဲဆိုတဲ့ အသေးစိတ်တွေကိုတော့ ဆွေးနွေးကြတုန်းဖြစ်တဲ့အကြောင်းနဲ့ ဒီဆန္ဒခံယူပွဲတွေကို  လာမယ့် နိုဝင်ဘာလ နောက်ဆုံးထားပြီး ပြီးစီးအောင်ဆောင်ရွက်သွားဖို့ ရှိနေတာ ဖြစ်ပါတယ်။

ဖွဲ့စည်းပုံနဲ့ ပတ်သက်ပြီး ပြည်သူဆန္ဒသဘောထား ရယူမယ့်အလုပ်ဟာ ဒီလောက်အချိန်တိုအတွင်း ဖြစ်နိုင်ပါမလားဆိုတော့ ဦးကိုနီက “ဒီလောက်အချိန်တိုအတွင်းပြည်သူ့သဘောထား ထိထိမိမိရယူဖို့တော့ မလွယ်ဘူး။ ဒေါ်အောင်ဆန်းစုကြည် မှာတာက ဆန္ဒခံယူပွဲလည်းမဟုတ်ဘူး၊ လူထုကြားထဲကို ဆင်းမယ်၊ ပြောပြမယ်၊ လူထုဘက်က တုံ့ပြန်မယ့်အသံကို နားစွင့်မယ်။ ဒီအပေါ်မှာ အခြေခံပြီး တင်ပြမယ်။ သူက ဒီလောက်ပဲ ပြောတာပါ။ အသေးစိတ်ကျကျ လူထုဆန္ဒကို တိတိကျကျကောက်မယ်ဆိုတဲ့ သဘောမျိုးမဟုတ်ပါဘူး” လို့ ပြောပါတယ်။

အဖွဲ့ချုပ်က ကောက်ခံရယူတဲ့  ပြည်သူ့ဆန္ဒတွေကို လွှတ်တော် ၂ ရပ်က ဖွဲ့စည်းပုံအခြေခံဥပဒေ လေ့လာသုံးသပ်ရေးကော်မတီထံ ဆက်လက် ပေးပို့သွားမှာဖြစ်ပြီး၊ ကော်မတီက ဒီဇင်ဘာလအကုန် လွှတ်တော်ထံ အစီရင်ခံတင်ရမှာ ဖြစ်ပါတယ်။

၂၀၀၈ ဖွဲ့စည်းအုပ်ချုပ်ပုံအခြေခံဥပဒေမူကြမ်းအတွက် ပြည်လုံးကျွတ်လူထုဆန္ဒခံယူပွဲကို  ၂၀၀၈ ခုနှစ် မေလ နာဂစ်မုန်တိုင်းဘေးခံနေရချိန်မှာ ကျင်းပခဲ့တာဖြစ်ပြီး ဆန္ဒမဲပေးပိုင်ခွင့်ရှိသူ စုစုပေါင်းရဲ့ ၉၂ ရာခိုင်နှုန်းကျော်ရဲ့ ကောက်ခံမှုရရှိခဲ့တယ်လို့ အတည်ပြုခဲ့တယ်လို့ အရင် နအဖစစ်အစိုးရက ကြေညာထားတာ ဖြစ်ပါတယ်။

အမျိုးသားဒီမိုကရေစီအဖွဲ့ချုပ်ကတော့ ဒီဖွဲ့စည်းပုံမှာ ဒီမိုကရေစီနည်းမကျတာတွေ ပါဝင်နေတယ်ဆိုပြီး ပြီးခဲ့တဲ့ စက်တင်ဘာ ၂၈ ရက်နေ့က  ဖွဲ့စည်းပုံကို ပြင်မလား၊ အသစ်ဆွဲမလားဆိုတာကို ပြည်သူ့ဆန္ဒခံယူမယ်လို့  ကြေညာခဲ့တာ ဖြစ်ပါတယ်။

by ရွှေအောင် (ဒီဗွီဘီ)