ဝန်ကြီးတကယ်ပြောတာလား ဒီအကြောင်းကို

နိုင်ငံတော်သမ္မတရဲ့ ပြည်ထောင်စု ၀န်ကြီးဦးအောင်မင်း၏ ““ငြိမ်းချမ်းရေးကို လိုချင်လွန်းလို့ အိမ်ရောင်း၊ ကားရောင်း ပြီးလုပ်နေတာပါ””ဟု ပြောစကားကိုဖတ်ရ တော့ အပျိုကြီးတကယ်လုပ်မှာလား သီချင်းကိုသွားအမှတ်ရမိလိုက်တယ်။

ဝန်ကြီးကဒီစကားကို အပြည်ပြည် ဆိုင်ရာငြိမ်းချမ်းရေးနေ့မှာပြောလိုက်တာ။ တကယ့်နေ့ထူးနေ့မြတ်မှာ စကားထူး၊ စကားမြတ် မင်္ဂလာစကားပါပဲ။ သို့သော်၊ သို့သော်၊ သို့သော် ၀န်ကြီးကသူ့ဆီမှာ ကြိုက်တဲ့ပိုက်ဆံစစ်ပါ။ ငြိမ်းချမ်းရေးကို လိုချင်လွန်းလို့ အိမ်ရောင်း၊ ကားရောင်း ပြီး အိတ်စုိုက်ငွေကုန်ခံလုပ်နေပါတယ်တဲ့။ ပြီးတော့ ဘယ်အိမ်တွေရောင်းလဲဆိုတာ သိချင်ရင် လိပ်စာပေးမယ်၊ သွားကြည့် ကြပါတဲ့။
ဝန်ကြီးကိုတော့အားနာပါတယ်။ မေးစရာလေးတော့မေးခွင့်ပြုပါ။ ဘယ်အချိန် ဘယ်အခါက ဘယ်ကဲ့သို့ ရထားသောငွေနဲ့ ၀ယ်ထား၊ ဆောက် ထားတဲ့ကားတွေ၊ အိမ်တွေလည်းဆိုတာ ပြည်သူသိအောင် မီဒီယာကတစ်ဆင့်ဖော် ပြပေးနိုင်ရင် သွားကြည့်တာထက်အများ ပိုသိနိုင်တာပေါ့။ ငြိမ်းချမ်းရေးလုပ်ဖို့ ကားဘယ်နှစ်စီး၊ အိမ်ဘယ်နှစ်လုံးရောင်း လိုက်ရတယ်ဆိုတာပါ ထုတ်ပြောရင်ပို ကောင်းမယ်။ ဒါမှဝန်ကြီးရဲ့ နိုင်ငံတော် ပေါ်ထားတဲ့ စေတနာ၊ ငြိမ်းချမ်းရေးကို မြတ်မြတ်နိုးနိုးလိုချင်တဲ့ အာသီသတွေပို ပေါ်လွင်တော့မပေါ့။

ဝန်ကြီးအခု နိုင်ငံတော်သမ္မတ တာဝန်ပေးကတည်းက ငြိမ်းချမ်းရေး အတွက်ဆောင်ရွက်နေတာတွေ၊ သတင်း စာထဲ၊ ဂျာနယ်ထဲတွေမှာ ခဏခဏတွေ့ ရပါတယ်။ ၀န်ကြီးစေတနာထားလုပ် ဆောင်နေတာတွေ အသိအမှတ်ပြုပါ တယ်။ လေးစားပါတယ်။ ၀မ်းမြောက်ပါ တယ်။

ဒါပေမဲ့ဝန်ကြီးရယ်။ ၀န်ကြီးတစ် ယောက်တည်း အိတ်စိုက်လုပ်နေတာ တော့ မဖြစ်နိုင်ပါဘူး။ ဒီလောက်ဝေးလံ ခေါင်ဖျားဒေသ၊ နယ်ခြားမြေခြားဒေသ၊ ဟိုတယ်ကြီးတွေ၊ ကြီးကျယ်ခမ်းနားတဲ့ နေရာကြီးတွေမှာ တိုင်းရင်းသားလက် နက်ကိုင်အဖွဲ့တွေနဲ့ တွေ့ဆုံဆွေးနွေး ညှိနှိုင်းနေကြတာ။ ၀န်ကြီးတစ်ဦးတည်းပိုင် ပိုက်ဆံနဲ့တော့မဟုတ်တန်ပါဘူး။ နိုင်ငံတော်ကပံ့ပိုးသလို သက်ဆိုင်ရာတိုင်း ရင်းသား နယ်မြေဒေသခံလုပ်ငန်းရှင်များ နဲ့ အဖွဲ့အစည်းများကလည်း တာဝန် ကျေစွာပံ့ပိုးပေးကြမှာပါပဲလို့မမေးဘဲသိ နေပါတယ်။

ဝန်ကြီးနဲ့တွဲလျက်အတူ လုပ်ဖော် ကိုင်ဘက် ၀န်ကြီးတစ်ဦးကလည်း နိုင်ငံခြားဘဏ်ငွေစာရင်း (Foreign Bank Account) ၁၁ ဘီလီလျံထဲမှာ သူ့စာရင်း ပါနေတယ်လို့ ပြောတဲ့အပေါ် ရှင်းလင်း ရာမှာလည်း ““ကျွန်တော့်ကိုယ်စားပြော ပေးပါဆိုပြီး”” နိုင်ငံတော်သမ္မတရဲ့ ပြောရေးဆိုခွင့်ရှိသူ ဒုဝန်ကြီးတစ်ဦးကို ပြောခိုင်းပါတယ်။ တကယ်တော့ကိုယ် တိုင်ရှင်းသင့်တာပေါ့။ ကိုယ့်ဘက်ကမှန် တယ်ဆိုလျှင် ပြည်သူလူထုသိအောင် ကိုယ်တိုင်မီဒီယာမှတဆင့် ပြောရမှာ။ ““ကျွန်တော်အဂတိလိုက်စားရင် အချိန် မရွေး ကျွန်တော့်ကိုဖမ်းပါ၊ အရေးယူပါ”” ဆိုတဲ့စကားတောင်ပြောခဲ့တဲ့သူပဲလေ။

ဒီနေရာမှာအလျဉ်းသင့်လို့ ““ပြည်ထောင်စုအစိုးရအဖွဲ့ဝင်များ ပိုင်ဆိုင် မှု ကြေညာပေးရန် အဆို”” ကိစ္စပြောချင် ပါတယ်။ ဒီအဆိုကို ပုသိမ်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဝင်းမြင့်က ပထမအကြိမ်ပြည်သူ့ လွှတ်တော်(စတုတ္တ)ပုံမှန်အစည်းအဝေးမှာ တင်ပြခဲ့ဖူးပါတယ်။ ဒီအကြောင်းထည့် ပြောရတာကလည်း အခုဝန်ကြီးနှစ်ဦးရဲ့ ပြောကြားချက်တွေ၊ ဖြေရှင်းချက်တွေနဲ့ ဆက်စပ်နေလို့ပါ။
တကယ်တော့ဒီအဆိုဟာ နိုင်ငံ တော်အတွက် ဘဏ္ဍာငွေယိုပေါက်ကို ပိတ်နိုင်ဖို့၊ အဂတိလိုက်စားတာ၊ လာဘ် ပေးလာဘ်ယူ  ကိစ္စတွေမဖြစ်အောင် တားဆီးကာကွယ်ဖို့၊ အတည်ပြုသင့်တဲ့ အဆိုတစ်ခုပါ။ အိမ်နီးချင်းနိုင်ငံတွေမှာ လည်း အစိုးရအဖွဲ့ဝင်တွေရဲ့ပိုင်ဆိုင်မှုကို ကြေညာရတာတွေရှိပါတယ်။ ဥပမာ- ထိုင်းနိုင်ငံ။ ဒါပေမဲ့ဒီအဆိုကိုလွှတ်တော်က မှတ်တမ်းတင်သင့်တယ်ဆိုတဲ့အဆင့်နဲ့ဘဲ လွှတ်တော်ကိုယ်စားလှယ်ကိုရော၊ ပြည်သူ လူထုကိုပါ နှစ်သိမ့်လိုက်ပါတယ်။ နိုင်ငံတော်သမ္မတကလည်း ဒီအဆိုကိုမ ထောက်ခံခဲ့ပါဘူး။

အခုလွှတ်တော်ကိုယ်စားလှယ် ဦးဝင်းမြင့်က ပြည်ထောင်စုအစိုးရအဖွဲ့ဝင် ၀န်ကြီးများ၏ပိုင်ဆိုင်မှုကို သမ္မတထံသို့ အိတ်ပိတ်ပေးစာအနေနဲ့သာ တင်ပြမှု အပေါ်ထောက်ပြဝေဖန်ခဲ့ပါတယ်။
လွှတ်တော်ကိုယ်စားလှယ်ဦးဝင်းမြင့် က ““ဒီပိုင်ဆိုင်မှုကြေညာရမယ်ဆိုတာက သမ္မတနဲ့ဒုတိယသမ္မတနဲ့ ပတ်သက်ပြီး ဖွဲ့စည်းပုံအခြေခံဥပဒေမှာပါပါတယ်။ အစိုးရအဖွဲ့ဝင် ပြည်ထောင်စုဝန်ကြီးတွေ၊ ဒုတိယ၀န်ကြီးတွေနဲ့ပတ်သက်ပြီးတော့ ပိုင်ဆိုင်မှုတွေကြေညာရမယ်ဆိုတာက ပြည်ထောင်စုအစုိုးရအဖွဲ့ဥပဒေမှာပါ ပြီးသား။ အဲဒီတော့တရားဥပဒေစိုးမိုးရေး ကို တကယ်ဦးတည်တယ်၊ တကယ်လေး စားလိုက်နာတယ်ဆိုရင်တော့ ဥပဒေပါ အတိုင်း ပွင့်လင်းမြင်သာစွာ ပြည်သူကိုချ ပြရမှာပေါ့ဗျာ။ မီဒီယာတွေကနေတစ်ဆင့် ပြည်သူလူထုကို ချပြရမယ်””ဟုပြောဆို ဝေဖန်ခဲ့ပါတယ်။

တကယ်ပဲ နိုင်ငံတော်သမ္မတနဲ့ သူ့ရဲ့အစိုးရအဖွဲ့စတက်စက တိုင်းပြည် ကို ကြေညာခဲ့တဲ့သန့်ရှင်းသော အစိုးရ ဆိုတာကြီးဖြစ်ဖို့က အဂတိကင်းရမှာပေါ့ ဗျာ။ ဒီလိုအဂတိကင်းဖို့ ကြိုတင်ကာ ကွယ်တဲ့အနေနဲ့ တကယ့်တိုင်းရေး ပြည်ရာကို စီမံအုပ်ချုပ်နေတဲ့ ထိပ်ပိုင်း ပုဂိ်္ဂုလ်များရဲ့ ကိုယ်ကျင့်သီလ လုံခြုံမှု ရှိ/မရှိစစ်ဆေးရမယ်။ ထိန်းချုပ်ရမယ် ဆိုတာ အစိုးရတိုင်းရဲ့ တာဝန်တစ်ခုပဲ။

အစိုးရအဖွဲ့ဝင်ဝန်ကြီးတွေ ဘယ် လောက်ငွေကြေးချမ်းသာတယ်၊ အဆောက်အအုံဘယ်နှလုံးပိုင်တယ်၊ ကားဘယ်နှစီးပိုင်တယ်၊ မြေကွက်ဘယ် နှကွက်ပိုင်တယ်၊ စီးပွားရေးလုပ်ငန်း တွေမှာ ရှယ်ယာဘယ်လောက်ဝင်ထား တယ် ဆိုတာကြိုသိထားမှ ဒီဝန်ကြီး၊ ရာထူးကအနားယူတဲ့အခါ သူ့ပိုင်ဆိုင်မှု ဘယ်လောက်ပိုလဲဆိုတာသိတော့မှာပေါ့။ ဒါမှလည်းသူပိုပြီး ပိုင်ဆိုင်လာတဲ့ပိုင်ဆိုင် မှုဟာ အဂတိကင်းမကင်းသုံးသပ်ဆုံး ဖြတ်နိုင်တော့မပေါ့။

ပါလီမန်ဒီမိုကရေစီခေတ် ၀န်ကြီး ချုပ် ဦးနုက သူ့ရဲ့နိုင်ငံရေးသီလလုံခြုံမှု ကို ဒီလိုပြောခဲ့တယ်။ ““ကျွန်တော်ဝန် ကြီးချုပ်ရာထူးကနေ အနားယူရင် ကျွန်တော့်ပိုင်ဆိုင်မှုကိုစစ်ဆေးပါ။ ၀န်ကြီးချုပ်မဖြစ်ခင်က ပိုင်ဆိုင်မှုထက် ငွေတစ်ကျပ်ပိုနေရင် ကျွန်တော့်ကိုသူခိုး လို့ စွပ်စွဲပါတဲ့”” ယခုဝန်ကြီးများဒီလိုရင် ကော့ ပြောရဲလားလို့မေးခွန်းထုတ်လိုက် ပါတယ်။

တချို့လွှတ်တော်ကိုယ်စားလှယ်၊ လွှတ်တော်ရေးရာကော်မတီထဲကတစ် ယောက်ဆို လွှတ်တော်တက်နေတဲ့ ကာလတစ်လျှောက် တစ်နေ့ဘယ်နှစ် သိန်းနဲ့ တစ်လဘယ်လောက်ကုန်တယ်။ တိုင်းပြည်အတွက် သမိုင်းအတင်ခံနိုင်ဖို့ အေးအေးဆေးဆေးနေလို့ရလျက်နဲ့ တိုင်းပြည်အတွက်ငွေအကုန်ခံ၊ အချိန်အ ကုန်ခံ၊ လူအပင်ပန်းခံ လုပ်ပေးနေတာလို့ ပြောခဲ့တာရှိတယ်။ တစ်ခါခရီးထွက်လိုက် ရင် သိန်းတစ်သောင်း၊ နှစ်သောင်းပက် ခနဲကုန်သွားတာပဲလို့လဲ ကြွားလိုက်သေး တယ်။

ကျွန်တော်စဉ်းစားကြည့်တယ်။ သိန်းတစ်သောင်း၊ နှစ်သောင်းကို ကျပ်တစ်သောင်း၊ နှစ်သောင်းလိုသဘော ထားပြောနိုင်လောက်အောင် သိန်းပေါင်း သိန်းဂဏန်းချီပြီး ချမ်းသာနေလို့များ လား။ အကယ်၍ ဒီပိုင်ဆိုင်ချမ်းသာမှု တွေသာ တရားဝင်ကြေညာခဲ့ရင် နိုင်ငံတော်အတွက် ရသင့်ရထိုက်တဲ့အခွန် တွေ သူတစ်ဦးတည်းကပဲမနည်းရမှာဖြစ် သလို ဘယ်လိုနည်းနဲ့ဒီလောက်များများ ရထားလဲဆိုတာ သိနိုင်မှာပါပဲ။ ဒါတောင်တစ်ယောက်တည်းအကြောင်း ပဲရှိသေးတာ။ သူ့လိုလူမျိုးတွေလွှတ်တော် ထဲမှာရှိနေကျန်နေပါသေးတယ်။ သူ့လိုဖွင့်မပြောဘဲ နှာစေးနေကြတာလေ။ 

ဒါကြောင့်ယခုလက်ရှိသမ္မတအစိုးရ အဖွဲ့အနေနဲ့ အစိုးရဖွဲ့စဉ်က ကြေညာခဲ့ သလို သန့်ရှင်းသောအစိုးရ တစ်ရပ်ဖြစ်ဖို့၊ အဂတိကင်းတဲ့ အစိုးရအဖွဲ့ဝင်များဖြစ်ဖို့၊ တိုင်းပြည်အတွက်မလိုအပ်သောဆုံးရှုံးမှု တွေမဖြစ်ဖို့၊ ပြည်သူလူထု ဆင်းရဲကျပ် တည်းမှုဘ၀က လွှတ်မြောက်ဖို့၊ အခုလို သမ္မတရုံးဝန်ကြီးနှစ်ဦး ကိုယ့်အကြောင်း ကိုယ်ဖော်ပြီး တခြားသူတွေစွပ်စွဲပုတ်ခတ် နေတာတွေ ဖြေရှင်းနေစရာမလိုဖို့၊ ဖွဲ့စည်းပုံအခြေခံဥပဒေမှာ ပြဋ္ဌာန်းပါရှိပြီး ဖြစ်တဲ့ နိုင်ငံတော်သမ္မတ၊ ဒုတိယသမ္မတ များ၊ ပြည်ထောင်စုအစိုးရအဖွဲ့ဝင်ဝန်ကြီး များ၊ တိုင်းဒေသကြီးနဲ့ပြည်နယ်အဆင့် အစိုးရအဖွဲ့ဝင်များ ပိုင်ဆိုင်မှုကို တရားဝင် ကြေညာပေးဖို့ နိုင်ငံတော်သမ္မတနှင့် ပြည်ထောင်စုလွှတ်တော်အား တိုင်းပြည် နဲ့ လူမျိုးအပေါ်စေတနာထားလျက် တိုက်တွန်းလိုက်ရပါတယ်။

ဒေါက်တာအောင်တင်ဦး
Hot News Journal