ကျောင်းသူ/သားများတွင် မျက်စိနာ ကူးစက်ရောဂါ ဖြစ်ပွားလျက်ရှိ

ကယား(ကရင်နီ)ပြည်နယ် လွိုင်ကော်မြို့နယ် ချိကယ်ကျေးရွာအုပ်စု ဒေါဆော်ဘီးကျေးရွာ အခြေခံပညာ အထက်တန်းကျောင်းခွဲတွင် ဇူလိုင်လလယ်မှစ၍ ကျောင်းသူ/သားများ မျက်စိနာရောဂါဖြစ်ပွားလျက်ရှိရာ ယခုအချိန်ထိ လျော့နည်းခြင်းမရှိသေးကြောင်း ၎င်းကျောင်းမှ မူပြဆရာမ ဒေါ်ပလျားမာမောင်က ပြောသည်။

“အခုကလေးတွေရဲ့ အခြေအနေကဆက်ဖြစ်ပွားမည့် အခြေအနေမှာရှိတယ်။ ဘာဖြစ်လို့လဲဆိုတော့ အခုက တစ်ယောက်ကနေ နှစ်ယောက်၊ နှစ်ယောက်ကနေ သုံးယောက် အဲလိုမျိုးဖြစ်လာပြီလေး။  အဲဒါကြောင့်မလို့ သက်သာတဲ့ အခြေအနေမှာ မရှိလောက်ဘူး၊ တစ်ယောက်ပြီး တစ်ယောက်ကူးစက်မယ့် အခြေအနေမှာပဲရှိတာပေ့ါ”

ဒေါဆော်ဘိကျေးရွာမှ မျက်စိနာရောဂါဝေဒနာ ခံစားနေရသော ကျောင်းသူတဦး (ဓါတ်ပုံ-ကေတီ)
၎င်းကူးစက်ရောဂါသည် တပြိုင်တည်း သိသိသာသာကူးစက်မှု မဖြစ်ပွားသော်လည်းတဖြည်းဖြည်း ကျောင်းသူ/သား တယောက်ပြီးတယောက် ကူးစက်သွားသည် ဟု ငွေတောင် ကျေးလက်ဆရာမ ဝန်ထမ်းတဦးက ပြောသည်။

"ဗိုင်းရပ်ရောဂါတမျိုးကြောင့်ဖြစ်တာပါ။ တယောက်ဖြစ်နောက် တယောက်၊ တမိသားစုလုံး ဖြစ်သွားတတ်ပါတယ်။ ကူးစက်သွားတာမျိုးပေါ့"

မျက်စိနာရောဂါဝေဒနာ ခံစားနေရသော ဒေါဆော်ဘိကျေး ရွာမှ ကျောင်းသူ၊သားများကို အိမ်တွင်အနားယူရန် ကျောင်း ဆရာ/မ များက ခွင့်ပေးထားကြောင်း သိရသည်။

ဒေါ်ပလျားမာမောင်က “အစကတော့ မူကြိုကျောင်း ကလေးဖြစ်တယ်လို့ ကြားတယ်။ အဲဒါ မူကြိုကျောင်းကလေးကနေ ဒီကျောင်းအထိ ကူးစက်လာတာပေ့ါနော်။ အစက သုံးတန်း၊ လေးတန်းကလေးဖြစ်ပြီးမှ အခုကအငယ်တန်းတွေ ဖြစ်တာ ပိုများတာပေါ့နော်” ဟု ဆက်ပြောသည်။

ထိုမျက်စိနာရောဂါသည် ဒေါဆော်ဘီး ကျောင်းသူ၊သားများသာမက ဒေါဆော်ဘီးကျေးရွာရှိဒေသခံ ကျေးရွာသူရွာသားများလည်း ၎င်းရောဂါ ခံစားနေရကြောင်း သိရသည်။

၎င်းမျက်စိနာရောဂါ ခံစားနေရသော ကျောင်းသူ၊သားများနှင့် ရွာသူရွာသားများသည် ခန့်မှန်းခြေအယောက် (၂၀) ကျော် ရှိပြီဖြစ်ကြောင်း သိရသည်။

ထို့အပြင် ဒီးမော့ဆိုမြို့နယ် အမှတ် (၂) အောင်သပြေတွင် ရွာ၏အိမ်ခြေထက်ဝက်ခန့် မျက်စိနာရောဂါ ဖြစ်ပွားခဲ့ကြကြောင်းနှင့် ဒီးမော့ဆိုမြို့နယ်ရှိ ငွေတောင်မူလွန်ကျောင်းတွင်လည်း ကျောင်းသူ/သားများတချို့ ဖြစ်ပွားလျက်ရှိနေသည်ဟု ငွေတောင်ကျေး လက်ဆေးပေးခန်းမှ ဆရာမ ကပြောသည်။

ကျောင်းကျန်းမာရေးအဖွဲ့သည် ကျောင်းအသီးသီးရှိ ကျောင်းများကို တစ်နှစ်လျှင် တကြိမ်သာကျောင်းတွင် သန်ချဆေးနှင့် အဟာရတိုက်ကျွေးခြင်းမှလွှဲ၍ ယခုကဲ့သို့ ကူးစက်ရောဂါဖြစ်ပွားချိန်တွင် လာရောက်ကြည့်ရှု့ပေးခြင်း မရှိသေးကြောင်း ကျောင်း ဆရာ/မ များက ပြောသည်။

by ဖြိုးဝေအောင်

ကန္တာရ၀တီတိုင်း(မ်)