အိမ်ခြံမြေ ရောင်းဝယ်မှု အခွန်နှုန်းထားများ ပြင်ဆင်ပြောင်းလဲပေးရန် မရှိ

အိမ်၊ ခြံ၊ မြေများဝယ်ယူရောင်းချရာတွင် ကောက်ခံနေသော အခွန်နှုန်းထားများ ပြင်ဆင်ပြောင်းလဲရန် မရှိကြောင်း ဘဏ္ဍာရေးဝန်ကြီးဌာန၊ ဒုတိယ၀န်ကြီးဒေါက်တာလင်းအောင်က ပြောသည်။

အိမ်ခြံမြေ တံဆိပ်ခေါင်းခွန် ငါးရာခိုင်နှုန်းနှင့် ခုနစ်ရာခိုင်နှုန်းတို့မှာ ယခင်ကာလတွင် ဈေးနှုန်းမများသော်လည်း လက်ရှိကာလတွင် ဖြစ်ပေါ်နေသော ပေါက်ဈေးများကြောင့် လျော့ချသင့်ကြောင်း၊ ရေဖြူ မြို့နယ် လွှတ်တော် ကိုယ်စားလှယ် ဦးဝင်းဦးက လွှတ်တော်တွင်တင်ပြခြင်းကို ပြန်လည်ဖြေရှင်းခြင်း ဖြစ်သည်။

သို့သော် ဒုတိယ၀န်ကြီးက အိမ်၊ ခြံ၊ မြေများ ၀ယ်ယူရောင်းချသည့် အပေါ်တွင် ကောက်ခံလျက်ရှိသော အခွန်နှုန်း ထားများ ၂၀၁၂ ခုနှစ်အတွင်းခေတ်နှင့် လျော်ညီစွာ ပြင်ဆင်ပြောင်းလဲခဲ့သော နှုန်းထားများဖြစ်သည့်အတွက် လက်ရှိကာလတွင် ပြောင်းလဲရန် မရှိကြောင်း ဆိုသည်။

လက်ရှိ ကောက်ခံလျက်ရှိသော အိမ်ခြံမြေအခွန်နှုန်းထားများကို လျော့ချကောက်ခံမည်ဆိုပါက ငွေကြေးခ၀ါချမှုများ၊ အိမ်ခြံမြေဈေးကစားမှုများ ဖြစ်ပေါ်နိုင်သဖြင့် ဘက်ပေါင်းစုံမှ စဉ်းစားဆောင်ရွက်ရမည့် ကိစ္စဖြစ်ကြောင်းလည်း ဆက်ပြောသည်။

အိမ်ခြံမြေဈေးကွက်ရောင်းဝယ်ရာတွင် အရပ်စာချူပ်များဖြင့်သာရောင်းဝယ်ဖြစ်နေရာ နိုင်ငံတော် အနေဖြင့်လည်း အခွန်မရရှိဘဲ ဆုံးရှုံးနစ်နာမှုများ ဖြစ်လျက်ရှိကြောင်းလည်း ဦးဝင်းဦးက တင်ပြသည်။

မြန်မာနိုင်ငံ၏ အိမ်ခြံမြေ ဈေးကွက်တွင် ကာလပေါက်ဈေးများ အဆမတန်ကြီးမြင့်ပြီး ရောင်းဝယ်လျက် ရှိသော် လည်း အခွန်ပေးဆောင်ရာတွင် သက်သာရန်အတွက် စာချုပ်ချုပ်ဆို၌ ဈေးနှုန်းလျော့ပေါ့ ချူပ်ဆိုခြင်းများ အများဆုံး ပြုလျက်ရှိကြောင်း၊ အိမ်ခြံမြေ လုပ်ငန်းလုပ်ကိုင်သူများက ယင်းကို ထောက်ခံပြော ဆိုသည်။

လက်ရှိကောက်ခံနေသော စနစ်မှာ အိမ်ခြံမြေရောင်းဝယ်ရာတွင် ရောင်းသူဘက်မှ အခြေပြပစ္စည်း၏ မြတ်စွန်းမှု အပေါ် ၁၀ ရာခိုင်နှုန်းပေးဆောင်ရမည်ဖြစ်ပြီး တံဆိပ်ခေါင်းခွန် ပေးဆောင်ရန် မလိုအပ်ပေ။ ၀ယ်ယူသူဘက်မှ ၀င်ငွေရလမ်းဖော်ပြနိုင်လျှင် ၀င်ငွေခွန်ပေးဆောင်ရန်မလိုအပ်ဘဲ တံဆိပ်ခေါင်းခွန် သာ ပေးဆောင်ရမည်ဖြစ်ပြီး ၀င်ငွေရလမ်းမပြနိုင်ပါက ၀င်ငွေခွန် ၃၀ ရာခိုင်နှုန်း ပေးဆောင်ရမည်ဖြစ် သည်။

နေပြည်တော်၊ ရန်ကုန်၊ မန္တလေး စည်ပင်သာယာရေး နယ်နိမိတ်အတွင်းတွင် တံဆိပ်ခေါင်းခွန် ခုနစ်ရာခိုင်နှုန်းဆောင်ရမည်ဖြစ်ကာ အခြားပြည်နယ်နှင့် တိုင်းဒေသကြီးများတွင် ငါးရာခိုင်နှုန်း ဆောင်ရမည် ဖြစ်သည်။

မြန်မာနိုင်ငံ၏ အိမ်ခြံမြေ ဈေးနှုန်းများသည် အာရှတိုက်မြို့ကြီးများထက်ပင် ဈေးနှုန်းများ မြင့်တက်လျက်ရှိပြီးပြည်တွင်းစီးပွားရေးလုပ်ငန်းရှင်များသာမက နိုင်ငံခြားရင်းနှီးမြှုပ်နှံမည့် လုပ်ငန်းရှင်များပါ တိုက်ခန်းနှင့် မြေယာဈေးနှုန်း ကြီးမြင်ခြင်းများကြောင့် ရင်းနှီးမြှုပ်နှံ့ရန် နှောင့်နှေးကြန့်ကြာရလျက်ရှိကြောင်း စီးပွားရေးလုပ်ငန်း အသိုင်းအ၀ိုင်းများက ဆိုသည်။

အဆိုပါကဲ့သို့ အဆမတန် အိမ်ခြံမြေ ဈေးနှုန်းများ မတန်တဆ ကြီးမြင့်လျက်ရှိသောကြောင့် နိုင်ငံတော်မှ မူဝါဒများ ချမှတ်ကာ ထိန်းချူပ်ဆောင်ရွက်သင့်ကြောင်း စီးပွားရေးပညာရှင်များက အကြံပြုထားခြင်းများ လည်းရှိသည်။

၂၀၁၂ သြဂုတ်လမှ စတင်ကာ အိမ်ခြံမြေ အခွန်နှုန်းထားများကို ပြောင်းလဲသတ်မှတ်ခဲ့ပြီး ၂၀၁၃-၁၄ ဘဏ္ဍာရေးနှစ် ၏ သုံးလတာအတွက် အိမ်ခြံမြေ၀ယ်ယူတည်ဆောက်မှုမှ အခွန်ကျပ် ၁၀ ဒသမ ၅၇ ဘီလီယံ ကောက်ခံရရှိခဲ့ပြီးဖြစ်ကြောင်း ဘဏ္ဍာရေးဝန်ကြီးဌာန၊ ဒုတိယ၀န်ကြီး ဒေါက်တာလင်းအောင်က ပြောသည်။ 

သီဟကိုကို
Mizzima - News in Burmese