မန္တလေးတက္ကသိုလ်အနီး လူ ၁၀ ဦးပါ အုပ်စုလိုက် ဝိုင်းရိုက်မှုဖြစ်

မန္တလေး၊ သြဂုတ် ၂၁

မန္တလေးတိုင်းဒေသကြီး မဟာအောင်မြေမြို့နယ် မန္တလေးတက္ကသိုလ်အနီး သိပ္ပံလမ်း၊ ၆၈ လမ်းနှင့် လမ်း ၇၀ ကြားတွင် သြဂုတ်လ ၂၀ ရက်နေ့ ည ၁၂ နာရီခန့်က အမျိုးသား တစ်ဦးကို ဆိုင်ကယ် ငါးစီးနှင့် လူ ၁၀ ဦးခန့်က ဝိုင်းဝန်း ထိုးနှက်မှု ဖြစ်ပွားခဲ့ပြီး ယင်းဖြစ်စဉ်နှင့် ပတ်သက်၍ လာရောက် အမှုဖွင့် တိုင်ကြားခြင်း မရှိသေးကြောင်း အဆိုပါမြို့နယ် အမှတ် (၁၁) ရဲစခန်း တာဝန်ရှိသူက ပြောကြားသည်။

“ညဘက် သိပ္ပံလမ်းဘက်ကို ကြည့်လိုက်တော့ ကားတစ်စီးနားမှာ ဆိုင်ကယ်တွေ ဝိုင်းနေတယ်။ ကောင်လေး တစ်ယောက်လည်း လမ်းပေါ်မှာ လဲကျနေတယ်၊ ကောင်လေးနဲ့အတူ ပါလာတဲ့ ကောင်မလေးက အော်ဟစ် ပြီး တောင်းပန်နေတယ် ထင်တယ်။ မိနစ် ၂၀ လောက်နေတော့ ရဲတွေ ရောက်လာကြပြီး ကားပေါ်က ကောင်လေးကို ထိုးကြိတ်နေတဲ့ ဆိုင်ကယ်နဲ့ လူတစ်စုလည်း ထွက်ပြေး သွားကြတယ်။ ရဲတွေကတော့ ကျန်ခဲ့တဲ့ ကောင်လေးနဲ့ ကောင်မလေးကို မေးမြန်းနေတာ တွေ့ရတယ်” ဟု အဆိုပါဖြစ်ရပ်ကို မျက်မြင် တွေ့ရှိသူ မန္တလေးတက္ကသိုလ် ကျောင်းဝင်း အတွင်း နေထိုင်သူ တစ်ဦးက ဆိုသည်။

အဆိုပါအခင်းဖြစ်ပွားရာ နေရာသို့ တာဝန်ကျ ရဲတပ်ဖွဲ့ဝင်များ ရောက်ရှိချိန် တွင် ရိုက်နှက်နေသည့် လူများ မရှိတော့ဘဲ ရိုက်နှက်ခံရသည့် အမျိုးသား ကိုသာ တွေ့ရှိရကြောင်း အဆိုပါ ရဲတပ်ဖွဲ့စခန်း တာဝန်ရှိသူက ပြောကြား သည်။

“ဆေးစာနဲ့တကွ အမှုဖွင့်ပါလို့ ပြောခဲ့တယ်။ ဒါပေမဲ့ ခုချိန်ထိ အမှု လာမဖွင့်ကြသေးဘူး။ ရိုက်ခံရတဲ့ ကောင်လေးကလည်း ဒဏ်ရာ နည်းနည်းပဲ ရတာ တွေ့ရတယ်” ဟု ၎င်းက ဆက်လက် ပြောကြားသည်။

လက်ရှိ မန္တလေးမြို့တော်တွင် ညပိုင်း ခိုက်ရန် ဖြစ်ပွားမှုများ၊ လုယက်မှု များ ဖြစ်ပွားမှု များပြားလာပြီး မြို့ခံများ ညအချိန်များတွင် သတိနှင့် သွားလာနေရခြင်းများကြောင့် ညပိုင်း ရဲလှည့်ကင်း အင်အားကို တိုးမြှင့် ချထားပေးလျက် ရှိကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံး တာဝန်ရှိသူထံမှ သိရသည်။

“ညပိုင်း မြို့တွင်းနဲ့ မြို့ အစွန်ဘက်တွေ၊ နေရာပေါင်းစုံကို လှည့်ကင်းတွေ အလှည့်ကျ ပတ်တယ်။ စစ်ဆေးမှုတွေ လုပ်ဆောင်နေပါတယ်။ ကျွန်တော်တို့ ဆီမှာလည်း လစ်ဟင်းမှုဆိုတာ ရှိနိုင်ပါတယ်။ နေရာတစ်ခုမှာ လှည့်ကင်း လုပ်နေပြီး နောက် တစ်နေရာကို စစ်ဆေးနေတုန်း အရင်ထွက်လာ ခဲ့တဲ့ နေရာမှာ တစ်ခုခု ဖြစ်ပွားခဲ့ရင် ကျွန်တော်တို့ အနေနဲ့လည်း မတတ်နိုင် တဲ့ အခြေအနေတစ်ခု ဖြစ်နေပါ တယ်။ ဒါပေမဲ့ တစ်ခုခု ဖြစ်ပွားခဲ့လို့ ဖုန်းဆက် အကြောင်းကြားလာခဲ့ရင်တော့ ဖြစ်တဲ့နေရာကို အမြန်ဆုံး သွားရောက် ဖြေရှင်းပါတယ်” ဟု ညပိုင်း လှည့်ကင်းတွင် တာဝန်ကျသူ ရဲအရာရှိ တစ်ဦးက ဆိုသည်။

မန္တလေးကန်ပတ်လမ်း ဒဏ္ဍာရီ စားသောက်ဆိုင်ရှေ့တွင်လည်း ပြီးခဲ့သည့် ဇူလိုင်လ၂၃ရက်နေ့ ည ၁၁ နာရီခန့်က ဆိုင်ကယ် သုံးစီးဖြင့် အမည်မသိ လူငယ် ရှစ်ဦးခန့် ရောက်ရှိလာပြီး မောင်မိုးသဲ (၂၂)နှစ်ကို ဓားနှင့် ဝိုင်းထိုးကာ ထွက်ပြေးမှု တစ်ခု ဖြစ်ပွားခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူး ရုံးထံမှ သိရသည်။

The Voice Weekly