အဆောင်နေ တက္ကသိုလ်ကျောင်းသူနှစ်ဦးကို တပ်မတော်သား ဓားထိုးလုယက်

ပုသိမ်၊ သြဂုတ် ၂၁

ပုသိမ်မြို့ အမှတ် (၁၃) ရပ်ကွက် ဘဝရှေ့ဆောင် ဘော်ဒါဆောင် တွင် နေထိုင်သည့် တက္ကသိုလ်ကျောင်းသူနှစ်ဦး၏ အခန်းတွင်းသို့ အမှတ် (၄၂၄) ထောက်ပံ့နှင့် ပို့ဆောင်ရေးတပ်ရင်းမှ တပ်မတော်သားတစ်ဦး ဝင်ရောက်၍ ဓားထိုးလုယက်ခဲ့ကြောင်း ဓားဒဏ်ရာများ ရရှိခဲ့သည့် ကျောင်းသူ မသင်းသင်းဝေက ပြောကြားသည်။

သြဂုတ်လ ၁၉ ရက်နေ့ နံနက် ၂ နာရီ မိနစ် ၃၀ ခန့်က ပုသိမ်တက္ကသိုလ်မှ တတိယနှစ်ကျောင်းသူ မသင်းသင်းဝေနှင့် ပထမနှစ်ကျောင်းသူ မစုစုနိုင်တို့ နေထိုင်ရာအခန်းသို့ အဆိုပါ စွပ်စွဲခံရသည့် တပ်မတော်သားက ဖွင့်ထားသည့် ပြတင်းပေါက်မှတစ်ဆင့် ဝင်ရောက်ကာ အိပ်ပျော်နေသည့် မစုစုနိုင် လက်မှ လက်စွပ်ချွတ်ယူစဉ် လန့်နိုး၍ အော်ဟစ် အကူအညီ တောင်းရာမှ ဓားဖြင့်အထိုးခံရကာ မသင်းသင်းဝေ၏ ဝဲဘက် ရင်အုံ၊ ဝမ်းဗိုက်နှင့် ယာခြေသလုံးတို့တွင် ပြတ်ရှဒဏ်ရာများနှင့် မစုစုနိုင်၏ လက်မနှင့် လက်ညှိုးကြား ပြတ်ရှဒဏ်ရာများ ရရှိကြောင်း မသင်းသင်းဝေက ပြောဆိုသည်။

မစုစုနိုင်၏ တိုင်ကြားချက်အရ အမှတ် (၂) ရဲတပ်ဖွဲ့ဝင်စခန်းမှ စုံစမ်းရာ သံသယရှိသူ အသက် ၂၈ နှစ်အရွယ် ကိုမင်းထွဋ်ဦးကို သြဂုတ်လ ၁၉ ရက်နေ့ နံနက် ၁၀ နာရီ မိနစ် ၃၀ ခန့်တွင် ဖမ်းမိခဲ့ပြီး တပ်မတော်သားတစ်ဦး ဖြစ်သဖြင့် သက်ဆိုင်ရာတပ်က လာရောက် ခေါ်ဆောင်သွားသည့်အတွက် ယင်းနေ့ ညနေပိုင်းတွင် လွှဲအပ်ခဲ့ကြောင်း အမှတ် (၂) ရဲတပ်ဖွဲ့စခန်းထံမှ သိရသည်။

“ဖြစ်တဲ့နေ့ပဲ အဆောင်ကို သူတို့တပ်က တာဝန်ရှိသူတွေ လာကြပါတယ်။ စစ်စည်းကမ်းအရ တိကျစွာ အရေးယူပေးမယ်။ အဆောင်သန့်ရှင်းရေးနဲ့ လျှပ်စစ်မီး သွယ်တန်းဖို့ လုပ်ပေးမယ်လို့ ပြောပါတယ်။ သူတို့ပြောတဲ့အတိုင်း လာလုပ်ပေးကြပါတယ်” ဟု ဘဝရှေ့ဆောင် အဆောင်မှူး ဒေါ်စန်းမြင့်က ပြောကြားသည်။

The Voice Weekly