ဖလမ်းတွင် ခရီးသည်တင်ယာဉ် တိမ်းမှောက် ငါးဦး သေဆုံး

ကလေး၊ သြဂုတ် ၂

စစ်ကိုင်းတိုင်းဒေသကြီး ကလေးမြို့မှ ချင်းပြည်နယ် ဖလမ်းမြို့သို့ မောင်းနှင် လာသော ရွှေခြင်္သေ့ ခရီးသည်တင် ယာဉ်တစ်စီး သြဂုတ်လ ၁ ရက်နေ့ ညနေ ၆ နာရီခန့်က မြေပြိုမှုကို ရှောင်ရင်း တစ်ဖက် လမ်းဘေး ပေ ၁၅၀ ခန့်ရှိ ချောက်ထဲသို့ ထိုးကျ တိမ်းမှောက်သွားခဲ့ရာ လူငါးဦး သေဆုံးသွား ခဲ့ကြောင်း အဆိုပါ မြို့ဒေသခံများထံမှ သိရသည်။

ချင်းပြည်နယ် ဖလမ်းမြို့ ကလေး-ဟားခါးလမ်း မိုင်တိုင်အမှတ် (၇၈/၃-၄) ကြားတွင် ကလေးမြို့မှ ထွက်ခွာလာသော ဖလမ်းမြို့နယ် လုမ်ဘန်း ကျေးရွာနေ ဝုမ်ထန်း (၄၄) နှစ် မောင်းနှင်သည့် ၆က/xxxx ရွှေခြင်္သေ့ မှန်လုံယာဉ်သည် ချောက်ထဲသို့ ထိုးကျခဲ့သဖြင့် ယာဉ်ပေါ်တွင် လိုက်ပါလာသူ ကလေးမြို့နယ် လက်ပံချောင်းရွာနေ ဦးကောင်ခေါလျှန် (၄၃) နှစ်ပါ သုံးဦးတွင် ဦးခေါင်း ပေါက်ပြဲ၊ ဝဲပေါင်ကျိုး ဒဏ်ရာများ ရရှိကာ အခင်းဖြစ် နေရာတွင် သေဆုံးသွားခဲ့ပြီး ယာဉ်မောင်း ဝုမ်ထန်းနှင့် တမူးမြို့ အမှတ်(၂)ရပ်ကွက်နေ ဦးဗိုင်းလွန်မာန် (၂၇) နှစ်ပါ ၂၁ ဦးတွင် ဖူးရောင် ပွန်းပဲ့ ပေါက်ပြဲ၊ နာကျင် ဒဏ်ရာများ ရရှိခဲ့သဖြင့် ဖလမ်းမြို့ ပြည်သူ့ဆေးရုံသို့ တင်ပို့ ကုသစဉ် ဖလမ်းမြို့နယ် ကျင်မွှာ ရပ်ကွက်နေ ဒေါ်ညှာသင်အဲင်း (၂၅) နှစ်မှာ ရရှိသော ဒဏ်ရာများဖြင့် ထပ်မံ သေဆုံး သွားခဲ့ကြောင်း မြန်မာနိုင်ငံ ရဲတပ်ဖွဲ့၏ လူမှုရေး ကွန်ရက် စာမျက်နှာဖြစ်သော ရဲဇာနည်တွင် ဖော်ပြထားသည်။

ဖလမ်းမြို့သို့ မရောက်မီ ၇၈ မိုင်၊ လေးဖာလုံအနီး မြေပြိုကျရာ နေရာသို့ အဖြတ် မြေစာခဲ၊ ကျောက်ခဲ များအား ကျော်ဖြတ်ရာတွင် လျှောကျပြီး လမ်းယာဘက်ရှိ ချောက်ထဲသို့ ကျကာ ခရီးသည် သုံးဦး ပွဲချင်းပြီး သေဆုံးပြီး ကျန်ရှိ ခရီးသည်များ ဒဏ်ရာ ရရှိခဲ့ကြောင်း၊ အဆိုပါယာဉ်ပေါ်တွင် ခရီးသည် ၂၃ ဦး၊ ယာဉ်မောင်းနှင့် ယာဉ်နောက်လိုက် သုံးဦး လိုက်ပါလာပြီး ယာဉ်မောင်းမှာလည်း ဒဏ်ရာ ရရှိသွားကြောင်း၊ ၎င်းတို့ကို ဖလမ်းမြို့ ပြည်သူ့ဆေးရုံကြီးသို့ အရေးပေါ်အဖြစ် တင်ဆောင် ကုသစေ ခဲ့ကြောင်း သွားရောက် ကြည့်ရှုခဲ့သူ ဖလမ်း ဒေသခံ ဦးကောလွယ်က ပြော ကြားသည်။

“ဆေးရုံကို လူနာ ၂၂ ဦးနဲ့ အလောင်း သုံးလောင်း ရောက်လာတယ်။ ဒီမနက် ၃ နာရီနဲ့ ၄ နာရီကြားမှာ နှစ်ဦး ထပ်သေသွားတယ်။ ကျန်တဲ့ လူနာထဲက စိုးရိမ်ရတဲ့သူ နှစ်ဦးကို ဒီနေ့ ကလေးမြို့ ဆေးရုံကြီးကို လွှဲပြောင်း ကုသစေဖို့ စီစဉ်နေတယ်။ ကျန်ခဲ့တဲ့ ၁၈ ဦးထဲကလည်း လေးဦးလောက်က နည်းနည်း စိုးရိမ်စရာ ရှိတယ်” ဟု ဖလမ်း ပြည်သူ့ဆေးရုံမှ တာဝန်ကျ ဆရာဝန် တစ်ဦးက ပြောဆိုသည်။

ယင်းကဲ့သို့ ယာဉ် တိမ်းမှောက်၍ လူသေဆုံးခဲ့မှုကြောင့် ယာဉ်မောင်း ဝုမ်ထန်းကို ဖလမ်းမြို့မရဲစခန်း ယာဉ်(ပ)၄/၂၀၁၃၊ ပြစ်မှုပုဒ်မ ၃၃၇/၃၃၈/၃၀၄-က ဖြင့် အမှုဖွင့် အရေးယူထားကြောင်း မြန်မာနိုင်ငံ ရဲတပ်ဖွဲ့၏ လူမှုကွန်ရက် စာမျက်နှာဖြစ်သော ရဲဇာနည်တွင် ဖော်ပြထားသည်။

ချင်းပြည်နယ် အတွင်းရှိ လမ်းများသည် တောင်ကိုပတ်ကာ ဖောက် ထားသော လမ်းများဖြစ်ပြီး မိုးရာသီအချိန် မိုးရွာသွန်းမှု များလျှင် မြေပြိုခြင်း များ ဖြစ်တတ်ကြောင်း၊ နှစ်စဉ် မြေပြိုမှု၊ လမ်းချော်မှု၊ ကား တိမ်းမှောက်၍ လူသေဆုံးမှုများ ရှိနေကြောင်း ဒေသခံများနှင့် မော်တော်ယာဉ် လိုင်းများထံမှ စုံစမ်း သိရှိရသည်။

ချင်းပြည်နယ်အတွင်း လမ်းများ ပြုပြင်ရန်အတွက် ဂျပန်နိုင်ငံ JICA မှ ရရှိထားသော ချေးငွေ ကျပ်သန်း ၉၉၀၀ ကို ကလေး-ဟားခါးလမ်း (မိုင်-၁၃၀ ကျော်ခန့်)၊ ဟားခါး-ဂန့်ဂေါလမ်း (မိုင် ၈၀ ခန့်)၊ သိုင်းငင်း-တီးတိန် လမ်း (မိုင် ၅၀ ခန့်) တို့အတွက် ၂၀၁၃-၂၀၁၄ ဘဏ္ဍာရေးနှစ်အတွင်း အသုံးပြု အကောင် အထည် ဖော်သွားမည် ဖြစ်ကြောင်း ချင်းပြည်နယ် အစိုးရက ဖေဖော်ဝါရီလ အတွင်းတွင် ပြောကြား ထားသည်။

မြတ်(ကလေး)

The Voice Weekly