ရဲသားကြီးတွေတာဝန်ကျေဖို့လိုပြီ

မှုခင်းဖြစ်စဉ်များတွင် မှားယွင်းဖမ်းဆီးခြင်း၊ အထက်အရာရှိ အချို့၏ ဖိအားကြောင့် သံသယရှိသူကို တရားခံအဖြစ်ထွက်ဆိုဝန်ခံစေခြင်း၊ စွပ်စွဲသူနှင့် စွပ်စွဲခံရသူတို့ကြား ကိုယ်ကျိုးရှာသောရဲအရာရှိ အချို့ကြောင့် အမှန်တရားနှင့်ဖြောင့်ဖြောင့်ကြီးဆန့်ကျင်သွားသည့် ဖြစ်စဉ်များ လူမှုဝန်းကျင်တွင် တွေ့ကြုံခဲ့ရသလို ယင်းကဲ့သို့ ရင်ဆိုင်နေရသူများလည်း ရှိနေသည်။

ပြည်သူ့ဝန်ကိုထမ်းနေကြသော နိုင်ငံဝန်ထမ်းများအားလုံးက ကောင်းမွန်သောအုပ်ချုပ်မှုစနစ်ရှိသည့် သန့်ရှင်းသည့်အစိုးရ ဖြစ်အောင် ကြိုးပမ်းပြီး နိုင်ငံရေး၊ စီးပွားရေး၊ အုပ်ချုပ်ရေး၊ လူမှုရေး ကိစ္စအ၀၀၌ ပြည်သူလူထုဗဟုပြု ဖွံ့ဖြိုးတိုးတက်အောင် ဆောင်ရွက်ကြရန် နိုင်ငံတော်သမ္မတဦးသိန်းစိန်က အစိုးရဌာနအဖွဲ့အစည်းများ၏ စီမံအုပ်ချုပ်မှုစနစ် တိုးတက်ကောင်းမွန်အောင် ပြုပြင်ပြောင်းလဲဆောင်ရွက်ရေးနှင့် စပ်လျဉ်း၍ မိန့်ခွန်းပြောကြားခဲ့သည်။

သမ္မတက ထိုသို့ပြောကြားခဲ့သော်လည်း မြန်မာနိုင်ငံရဲတပ်ဖွဲ့ဌာနချုပ်လက်အောက်ရှိ အောက်ခြေရဲတပ်ဖွဲ့ဝင်အချို့တွင် ရဲဥပဒေမလိုက်နာသော အကျင့်ပျက် ရဲဝန်ထမ်းအချို့ပါဝင်နေသောကြောင့် နေပြည်တော်ရဲတပ်ဖွဲ့ဌာနချုပ်မှ ကြီးကြပ်ကာဖမ်းဆီးအ ရေးယူခဲ့ရသည်။

ဒေသအချို့တွင် ဖြစ်ပွားခဲ့သော မှုခင်းဖြစ်စဉ်များနှင့် ပတ်သက်၍ သက်ဆိုင်ရာမြို့နယ်လူထုမှ ရဲတပ်ဖွဲ့ဝင်များအပေါ် ကျေနပ်မှုမရှိဘဲ ဝေဖန်မှုများဆူညံနေပြီး ယခုကဲ့သို့ အခြေအနေများ မြန်မာနိုင်ငံရဲတပ်ဖွဲ့အပေါ်အရိပ်မည်းထိုးလျက်ရှိသည်။

ရန်ကုန်တောင်ပိုင်းခရိုင် ကျောက်တန်းမြို့နယ်၌ ဖြစ်ပွားနေသည့် မှုခင်းဖြစ်စဉ်ဆိုလျှင် သက်ဆိုင်ရာမြို့နယ်ရဲစခန်းအပေါ် မြိုနေလူထု၏ ယုံကြည်မှုမှာ သုညအမှတ်အောက်ရောက်သွားခဲ့ရပြီး ရဲတပ်ဖွဲ့ဝင်များကို လှောင်ရယ်သည်အထိပင်တန်ဖိုးမဲ့ခဲ့ရသည်။

ငါးနှစ်အရွယ်သူငယ်တန်းကျောင်းသူလေးတစ်ဦး အဓ္ဓမပြု ကျင့်ခံရသည့်ဖြစ်စဉ်တွင် ကလေးငယ်ကိုယ်တိုင်က လူကြီးတစ်ဦးက အဓ္မမပြုကျင့်ကြောင်း ထုတ်ဖော်ပြောဆိုပြီးမှုခင်းဆရာဝန် ကြီး၏ဆေးစာတွင်လည်း အရွယ်ရောက်ပြီးသူ လူကြီးတစ်ဦး၏ အ ဓ္မမပြုကျင့်ခြင်းခံခဲ့ရကြောင်း သုံး သပ်ချက်ပါဝင်သော်လည်း မြို့ နယ်ရဲစခန်းတာဝန်ရှိသူများက သူငယ်တန်းကျောင်းသားလေး ၁၇ ဦးကို သံသယရှိသူများအဖြစ် စစ်ဆေးရန်စီစဉ်ခဲ့သည်။ ယင်းသို့ စီစဉ်ခဲ့ခြင်းကို မြို့နယ်ကျန်းမာရေးနှင့် ပညာရေးတာဝန်ရှိသူများက အပြင်းအထန်ကန့်ကွက်ခဲ့ကြပြီး ဌာနဆိုင်ရာအချင်းချင်းပင် တင်းမာမှုမျိုးဖြစ်ခဲ့သည်။ နောက်ဆုံးတွင် ကျောင်းသားမိဘများစု ပေါင်း၍ နိုင်ငံတော်သမ္မတဆီဦး တည်တိုင်ကြားခဲ့ကြပြီး ယင်းအမှုတွဲကို နေပြည်တော်ရဲတပ်ဖွဲ့အဆင့်မြင့်ရဲအရာရှိများက လွှဲပြောင်းယူပြီး စစ်ဆေးရသည်အထိ အခြေအနေဆိုးရွားခဲ့ရသည်။

“အမှုမှန်ပေါ်ပေါက်ဖို့အတွက်ရဲက လုပ်ထုံးလုပ်နည်းနဲ့အညီ ဆောင်ရွက်ပေးဖို့တာဝန်ရှိတယ်။ တာဝန်မယူဘူးဆိုရင် တရားဥပဒေစိုးမိုးရေး မရှိလို့ဘဲ”ဟု တရားလွှတ်တော်ရှေ့နေ ဦးငိုင်ဆာခ်ကပြောသည်။

ရဲလက်စွဲဥပဒေတွင် လျှို့ဝှက်အက်ဥပဒေအရ ထုတ်ဖော်ပြောခွင့်မရှိသော်လည်း အချို့သောရဲဝန်ထမ်းများ၏ လုပ်ရပ်အပေါ် ယုံကြည်မှုမရှိတော့ခြင်းကြောင့် လက်နက်ကိုင်ရဲတပ်ဖွဲ့နှင့် ပြည်သူလူထုကြားတွင် တံတိုင်းများစွာခြားနားသွားခဲ့ရသည်။ ရဲနှင့် ပြည်သူလက်တွဲကူဆို သည့်ထက်တွဲမည့်လက်များပိုမို အလှမ်းကွာခဲ့ရသည်။

“ဆွမ်းဆန်ထဲမှာ ကြက်ချေးရောသလိုပါဘဲ။ တပ်ဖွဲ့ဝင်တစ်ယောက်ကြောင့် ရဲတပ်ဖွဲ့ရဲ့လုပ်ဆောင်ချက်တွေအပေါ် မယုံကြည်တော့တာမျိုး မဖြစ်စေချင်ပါဘူး။ ဥပဒေချိုးဖောက်တဲ့ ရဲတပ်ဖွဲ့ဝင်ကို စစ်ဆေးဖော်ထုတ်ပြီး ထိထိရောက်ရောက်အရေးယူနေပါတယ်”ဟု မြန်မာနိုင်ငံရဲတပ်ဖွဲ့ဌာနချုပ်ရဲအရာရှိတစ်ဦးကပြောသည်။

မည်သည့်အချိန်ကပင် အမြစ်တွယ်နေသည်ကို မသိနိုင်သောမူးယစ်ဆေးဝါးမှုများတွင် ရဲအရာရှိများပါဝင်ပတ်သက်နေသောကြောင့် စစ်ကိုင်း၊ မန္တလေးတိုင်းဒေသကြီးနှင့် ရှမ်းပြည်နယ်ရှိ ခရိုင်နှင့် မြို့နယ်အဆင့်ရဲအရာရှိအချို့ကို မြန်မာနိုင်ငံရဲတပ်ဖွဲ့ဌာနချုပ်မှ စစ်ဆေးအရေးယူခဲ့ သည်။

မကြာသေးမီက ရန်ကုန် မြို့၊ စမ်းချောင်းမြို့နယ်ရှိ ဖုန်းဆိုင်တစ်ဆိုင်ကို လူငယ်တစ်စုဖောက်ထွင်း ၀င်ရောက်သောအမှုတွင် ဖမ်းဆီးရမိသူများထဲ၌ ရဲအရာရှိ တစ်ဦးနှင့် ဆွေမျိုးတော်စပ်သူလူငယ်တစ်ဦးပါဝင်နေသောကြောင့် အမှုကို ကိုင်တွယ်ဖြေရှင်းရာတွင် ဘက်လိုက်မှုများရှိနေသည်ဟု ဖုန်းဆိုင်ပိုင်ရှင်ကစွပ်စွဲ ခဲ့သည်။ ၎င်းက မြန်မာနိုင်ငံရဲတပ် ဖွဲ့ဌာနချုပ်သို့ အဆင့်ဆင့်တိုင်ကြားရာ သက်ဆိုင်ရာမြို့နယ်ရဲစခန်းမှ ရဲတပ်ဖွဲ့ဝင်သုံးဦးအား စုံစမ်းစစ်ဆေးရေးခုံရုံးဖွင့်၍ အထက်အရာရှိများက စစ်ဆေးရ သည်အထိအမှုမှာ ရှုပ်ထွေးနေခဲ့သည်။

ထိုအခြေအနေများထက် ကြီးမားကျယ်ပြန့်သော မှုခင်းပြဿနာများ အတိတ်မှာရေရာ ယခုလက်ရှိ ပစ္စုပန်မှာပါရှိနေဆဲဖြစ်သည်။ တစ်နိုင်ငံလုံး အုန်းအုန်းကျွက်ကျွက်ဖြစ်ခဲ့သော ရန်ကုန်မြို့ X2O သင်္ကြန်မဏ္ဍပ်ဗုံးပေါက်ကွဲမှုတွင် ပေါက်ကွဲသံကြား၍လာရောက် သတင်းယူသောသတင်းသမားတစ်ဦးအား ဖမ်းဆီးထိန်းသိမ်းခဲ့ကာ ဗုံးဖောက်ခွဲမှုတရားခံအဖြစ် အတင်းအကျပ်ဝန်ခံထွက်
ဆိုစေခဲ့ပြီး မတရားအသင်း၊နယ်စပ်ဖြတ်ကျော်၊ အီလက်ထရွန်နစ်ဆက်သွယ်ရေးဥပဒေများဖြင့် စွပ်စွဲကာ ထောင်ဒဏ် ၁၈နှစ်ချမှတ် ခံခဲ့ရကြောင်း အဆိုပါသတင်း သမားက ၎င်းရင်ဆိုင်တွေ့ကြုံခဲ့ရသော အခြေအနေကိုပြောသည်။ ၂၀၁၂ ခုနှစ် ဇန်န၀ါရီလက နိုင်ငံ တော်သမ္မတ၏ ဒုတိယအကြိမ် မြောက်လွတ်ငြိမ်းချမ်းခွင့်ဖြင့် ပြန်လည်လွတ်မြောက်လာခဲ့သော် လည်း ထောင်ထဲတွင် နေခဲ့ရသည့် အချိန်များက လူငယ်တစ်ယောက်၏ အရှိန်နှင့် လှမ်းနေသော ခြေလှမ်းများအတွက် ခလုတ်ကန်သင်းဖြစ်ခဲ့ရသည်။

ဧရာဝတီတိုင်းဒေသကြီး ဟင်္သာတမြို့ဆက်သွယ်ရေးရုံးဝန်းအတွင်းဖြစ်ပွားခဲ့သော ဗုံးပေါက်ကွဲမှုဖြစ်စဉ်တွင်လည်း မသင်္ကာသူအချို့ကို ခေါ်ယူစစ်ဆေးခဲ့သည်မှာ စစ်ဆေးခံရသူတို့ စိတ်ပိုင်းဆိုင်ရာပြဿနာများရင်ဆိုင်ခဲ့ရသည်အထိ ပြင်းထန်ခဲ့သည်။ အမှုတစ်ခုဖြစ်ပွားပါက အထက် အရာရှိချုပ်များ၏ ဖိအားကြောင့် အမှုကို အမှန်ထက်အမြန်ပေါ် ပေါက်စေလိုသော ဆနကြောင့် သံသယရှိခံရသူအချို့ စိတ်ဒဏ် ရာရခဲ့ကြသည်။

“ရဲဆိုတာ ဥပဒေအရ လက်နက်ကိုင်ဆောင်ခွင့်ရှိပြီး မည်သူ့ကိုမဆို သံသယရှိမှုနဲ့ ဖမ်းဆီး စစ်ဆေးနိုင်တဲ့ အခွင့်အရေးလည်း ရှိတယ်။ ဒါကြောင့် ကိုယ်ကျင့်တရားကောင်းပြီး စိတ်ပိုင်းဆိုင်ရာ ရင့်ကျက်နေဖို့လိုအပ်ပါတယ်”ဟု ဥပဒေပညာရှင် ဦးခင်ဇော်( မရမ်းကုန်း)ကအကြံပြုသည်။

အစိုးရသစ်လက်ထက်တွင် ရဲတပ်ဖွဲ့ဝင်များ၏ လစာနှင့် အခွင့်အရေးများ နိုင်ငံတော်မှ ပိုမို ထောက်ပံ့ပေးခဲ့ပြီး ယခင်စစ်အစိုးရလက်ထက်က ၀တ်ဆင်မည့် ရဲ ယူနီဖောင်းကိုပင် ကိုယ့်စရိတ်နှင့် ကိုယ်ဝတ်ဆင်ခဲ့ရခြင်းမျိုးကြောင့် အောက်ခြေရဲတပ်ဖွဲ့ဝင်များသည်လည်း လာဘ်ပေးလာဘ်ယူမှုနှင့် အဂတိလိုက်စားမှုများပြားခဲ့ရခြင်း ဖြစ်ကြောင်း နေပြည်တော်ရဲတပ် ဖွဲ့ဌာနချုပ်မှ ရဲအရာရှိကြီးတစ်ဦးက ၎င်းရင်ဆိုင်ဖြတ်သန်းခဲ့ရသော အခြေအနေကို သုံးသပ်ပြောကြားသည်။

မြန်မာနိုင်ငံရဲတပ်ဖွဲ့ဌာနချုပ်ကလည်း ဥပဒေချိုးဖောက်သည့် ဖြစ်စဉ်များတွင် ထိထိရောက်ရောက် အရေးယူနိုင်ရန်အတွက် အရာရှိအင်အား တစ်ရာခန့် ပါဝင်သော အထူးရဲတပ်ဖွဲ့ကို ဖွဲ့စည်းခဲ့ပြီး အရေးယူအပြစ်ပေးမှုများ သိသိသာသာပြုလုပ်လာခဲ့သည်။

“လစာတွေ ခံစားခွင့်တွေကို နိုင်ငံတော်က တိုးပေးခဲ့တယ်။ အဲဒီအခြေအနေကို မရောက်ဘဲ ကိုယ်ကျိုးအတွက် အာဏာကို တ လွဲအသုံးချမယ်ဆိုရင်တော့ ကိုယ့်သားကို ကိုယ်ပြန်ပြီး ယစ်ပူဇော်ရသလို ခံစားရပေမယ့် ထိထိရောက်ရောက် ဖော်ထုတ်အရေးယူမှာပါ”ဟု နေပြည်တော်ရဲတပ်ဖွဲ့ဌာနချုပ်မှ ရဲအရာရှိကြီးတစ်ဦးက ပြောသည်။

နိုင်ငံတော်သမ္မတဦးသိန်းစိန်ကလည်း ကျန်ရှိနေသော အစိုးရသက်တမ်းကာလအတွင်း နိုင်ငံ၏ စီးပွားရေး၊ လူမှုရေး၊ အုပ်ချုပ် ရေးကဏ္ဍများတွင် အရေးပါသည့် ရဲတပ်ဖွဲ့ဝင်များအနေဖြင့် ဥပဒေ နှင့်အညီ ပြုမူလုပ်ဆောင်ကြရန် တိုက်တွန်းပြောကြားထားသည်။

“နိုင်ငံရေးပညာရှင်တွေပြော နေကြတဲ့ တရားဥပဒေစိုးမိုးရေးရှိဖို့ဆိုတာ ရဲရော၊ ပြည်သူရော ဥပဒေကို နားလည်ပြီး တစ်ဦးနဲ့တစ်ဦး ထိန်းကျောင်းသွားဖို့လိုအပ်ပါ လိမ့်မယ်”ဟု ဥပဒေပညာရှင် ဦးခင်ဇော်(မရမ်းကုန်း)က ပြောသည်။

ရေးသားသူ- အောင်သစ်လွင်
7Day News Journal