ညအခါအခွင့် မျှော်လင့်ကြသူများ

သဘာဝအလင်းကင်းကာ ညမီးအလင်း ဖျော့ဖျော့ ၊ အပင်ငယ်လေးတွေ အောက် က ရွှေအိုရောင်
အဆင်း မီးအလင်း ရောင်လေးတွေကြားမှာ အဆင် အသွေးစုံ၊ ကာလာစုံ၊ ဒီဇိုင်းစုံ၊ ဆံနွယ်အတို၊
အရှည်၊ အမွှေးအကြိုင်အနံ့ပေါင်း စုံနှင့် ဟိုတစ်စု၊ ဒီတစ်စု အဖွဲ့လိုက် တစ်မျိုး၊ တစ်ကိုယ်ရည်တစ်
ဖုံ၊ ကျော့ လို့၊ မော့လို့ ကူးချီသန်းချီနှင့် ဟန်ရေး ပြ လျှောက်လှမ်းနေကြသည်တို့မှာ စိတ်ဝင်စားစ
ရာကောင်းလှသည်။

"ဟိုမှာ ဟိုမှာ အဆင်လေးလာနေပြီ။ အမိုက်စားလေးနော်။ ဟမလေး ရင်ခုန် လိုက်တာ" လို့ဆို
လိုက်တဲ့စကားကြောင့် ဘေးဘီတ၀ိုက် မျက်စိကစား ကြည့်လိုက်တော့ ခန္ဓာကိုယ်သွယ်သွယ်
လျလျ၊ ဖြောင့်စင်းတဲ့ဆံပင်အရှည်နဲ့ ကြည်နူးရွှင်မြူးပြုံးပျော် နေကြတဲ့ မိန်းမလျာနှစ်ယောက်ကို
တွေ့လိုက်ရသည်။

မန္တလေးမြို့က ထိပ်တန်းဟိုတယ်ကြီးတစ်ခုရဲ့ရှေ့ မန္တလေးကျုံးမြို့ရိုး ကြီးဘေးမှာ ရှိုးပွဲတစ်ခုအလား
ထင်မှတ် မှားရလောက်အောင် အရောင်အသွေး စုံ၊ ဖက်ရှင်ဒီဇိုင်းအမိုက်စားတွေနှင့် အလှအပဟန်
ရေးပြသူကပြ၊ မျှော်သူကမျှော်၊ သူငယ်တွေနှင့် အကြည်ဆိုက် သူကဆိုက်နှင့် ညအမှောင်က တစ်
ဖြည်းဖြည်း ရင့်သထက်ရင့် မိုက် သထက်မိုက် လာနေပါသည်။

"ကျွန်မတို့ရဲ့ဘ၀တွေက နေ့ပိုင်းမှာ သာယာမှုမရှိပါဘူး။ 'ဂွမ်း'တဲ့အချိန်ပေ့ါ။ ကျွန်မတို့ဆို လှောင်
ချင်ပြောင်ချင် ကြတယ်လေ။ အခြောက်တွေနဲ့သိပ်ပြီး ရင်းရင်းနှီးနှီး မရှိတာလည်းပါမယ်။ ညနေခင်း
ရောက်ရင်တော့ တစ်နေကုန် ဘယ်လောက်ပင်ပန်းပင်ပန်း၊ မိတ်ကပ် လိမ်း၊ အ၀တ်အစားပြင်ဆင်
ပြီး ည အချိန် အပြင်ကို ထွက်ချင်နေပြီ။ ရင်ခုန် နေပြီပေ့ါနော်။ နေ့လယ်ခင်းအချိန်တွေ ကိုအရမ်း
မုန်းတယ်"ဟု ပတ်ဝန်းကျင် ကို မျက်တောင်မခပ်စတမ်း သတိထားစောင့်ကြည့်ပြီး ကနွဲ့ကလျရင်
ဖွင့်လာ သူက မြန်မာစာအဓိကနှင့် ဘွဲ့ရထား သူ၊ မိတ်ကပ်ဖန်တီးရှင် နန်းရှေ့ရတီစိုး ပင်ဖြစ်သည်။

'အခြောက်'လို့ခေါ်ပါက သေ လောက်အောင် မနှစ်မြို့၊ 'ဂေး'လို့ခေါ် ပါမူ ဗိုလ်ဆန်သည့်အတွက်
ကျေနပ်ကြ ပြီး၊ မိန်းမလျာလို့ခေါ်ပါက အထူး တလည် ပီတိဖြစ်ကြရပါသတဲ့။ နာမည်အလိုက်
အဖျားစွပ်ခေါ်ပါကလည်း အများစုက ပို၍ပို၍ကြည်နူးကြရ ကြောင်း သူတို့ခံစားချက်များကို ရင်
ဖွင့် ပြောပြကြသည်။

မိန်းမလျာများတွင် လုံးလုံးလျားလျား ပွင့်သူများရှိသလို၊ မပွင့်တစ်ပွင့် (အပုန်း)များလည်းရှိသည်
ဆို၏။ မပွင့်တစ်ပွင့် မိန်းမလျာတွေက နေ့ဘက်မှာ သာမန်ယောက်ျား တစ် ယောက်အသွင် သွား
လာလှုပ်ရှားတတ် ပြီးညအခါကျမှ အမျိုးသမီး တစ်ယောက် အသွင် မိတ်ကပ်ခြယ်သ၊ ဖြီးလိမ်း ပြင်
ဆင်ကာ သွားလာလှုပ်ရှားတတ်ကြ သည်။

နေ့ဘက်မှာ ယောက်ျားတစ်ယောက် အသွင်ဖြင့် ရတနာပုံတက္ကသိုလ် ရူပဗေ ဒဘာသာ၊ ပထမနှစ်
တွင် ပညာသင်ပြီး ညပိုင်း၌ ပီဘိအမျိုးသမီးတစ်ယောက် အသွင်ပြင်ဆင်၍ ကျုံးဘေးတွင် စိတ်
လှုပ်ရှားခံစားဖို့ ပျော်စရာလာရှာတတ် သော 'ကြွေရုပ်'က"နေ့ခင်းဘက် ကျောင်းတက်တာကတော့
ယောက်ျား လေးတစ်ယောက်ပုံစံအတိုင်းပဲ။ ဘယ် လိုပဲ ယောက်ျားပုံစံဝတ်ဝတ် ရင်ထဲ အသည်း
ထဲမှာတော့ မိန်းကလေးတစ် ယောက်ထက်ကို နူးညံ့နေပါသေး တယ်။

"အခုဆိုရင် ကျုံးဘေးမှာ မိန်းမလျာ တွေ များလာသလို၊ သူငယ်လေးတွေ လည်း အလာများလာ
ကြတယ်။ ဒါတွေ က မိန်းမလျာတွေကိုချစ်တဲ့စိတ်၊ လက် ခံတဲ့စိတ်နဲ့ သူငယ်လေးတွေက လာနေ
ကြတာပါ"ဟု နဖူးပေါ်ဝဲကျလာသော ဆံပင်အရှည်ကို ဟန်ပါပါလက်ဖြင့်သပ်တင်ရင်း မခို့တရို့
အပြုံးလေးဖြင့် ရင်ဖွင့်ပြောပြရှာပါသည်။

ပျော်ရွှင်စရာကောင်းသည့် မိသားစု ဘ၀ရရှိရန် မဖြစ်နိုင်မှန်းသိသော် လည်း နောင်ဘ၀များတွင်
လည်း မိန်းမ လျာဘ၀ကိုသာ တပ်မက်လိုချင်မိ ကြောင်း မိန်းမလျာဘ၀ကို ဂုဏ်ယူစွာ ဖြင့် ကြွေ
ရုပ်ကလေးက ဆက်လက် ရင်ဖွင့်သည်။

မိန်းမလျာများမှာ ရုပ်ရည်ချောမောသူယောက်ျားလေးကို(အဆင်လေး)လို့ သုံးနှုန်းကြပြီး ရုပ်ရည်
ကြမ်းတမ်း ရုပ် ဆိုးသူကို (ရုက္ခစိုး)ဟူ၍ တင်စားခေါ် ဝေါ်သုံးစွဲကြကြောင်း သူက ရှင်းလင်း ပြော
ပြသည်။

မိန်းမလျာများ စုပေါင်းပြီး ညအချိန် အမှောင်ကိုအားပြု၍ ကျုံးဘေး၌ ပျော် ပျော်ရွှင်ရွှင် လာရောက်
စုစည်းရခြင်း သည် နေ့ဘက်၌ ပတ်ဝန်းကျင်နှင့် တစ်သားတည်းမရှိသေးသည့်အတွက် လွတ်လွတ်
လပ်လပ် နေထိုင်ပြီး ပျော် ရွှင်မှုရှာကြရန်ဖြစ်ကြောင်း သူတို့ ရင်တွင်းခံစားချက်များကို မိန်းမလျာ
များက တစ်ညီတစ်ညွတ်တည်း ဖွင့်ဟ ကြသည်။

"မိန်းမလျာတွေကို အထင်အမြင် မသေးအောင် အပြုအမူ၊ အပြောအဆို က အစသတိထားရတယ်။
နေ့လယ်ခင်း မှာလည်း မိန်းမလျာလိုပဲ ၀တ်တယ်။ငယ်ငယ်လေးကတည်းက မိန်းကလေး
တစ်ယောက်လိုပဲ ၀တ်ချင်နေခဲ့တာ။ စိတ်ကူးနဲ့ ဘ၀နဲ့တစ်ထပ်တည်းကျ တယ်လို့ပြောရမယ်"ဟု
မိတ်ကပ် ဖန်တီးရှင် ပိုးပိုးက သူ့ခံစားချက်ကို ရင်းရင်းနှီးနှီး ပွင့်ပွင့်လင်းလင်းပြောပြ သည်။

သူ့ဘ၀တွင်လည်း နေ့ခင်းပိုင်းနှင့် ညပိုင်းအချိန်တို့ အလွန်ပင်ကွာခြား လှပြီး နေ့ပိုင်းအချိန်ထက်
ညပိုင်းအချိန် ကိုသာ လွန်စွာမှခုံမင်စွဲမက် တောင်းတ မိကြောင်း ဆက်လက်ရင်ဖွင့်သည်။ မိန်းမ
လျာလောကတွင် အပွင့်ဘ၀ ထက် အပုန်းဘ၀ဖြင့် သွားလာလှုပ်ရှား ခြင်းသည် လူမှုဆက်ဆံ
ရေးများ အတွက် ပိုမိုအဆင်ပြေသည်ဟု ယူဆ သည့်အတွက် အပုန်းဘ၀ဖြင့် လက်ရှိ ဖြတ်သန်း
နေသော အင်ဂျင်နီယာတစ် ယောက်ဖြစ်သူ 'နွယ်ပင်'က "ကျွန်တော့် မှာ အိမ်က သဘောတူတဲ့
သူလည်းရှိ တယ်။ မိန်းကလေးချစ်သူလည်းရှိသလို၊ မိန်းမလျာချစ်သူလည်းရှိတယ်။ ယောက်ျား
လေးချစ်သူလည်းရှိတယ်။လိုင်းကတော့စုံတယ်။ သုံးဘက်ချွန် တောင်မဟုတ်ဘူး၊ ချွန်လို့ရသမျှ
အကုန်ချွန်ပစ်လိုက်တယ်။ "မိသားစုဘ၀ကိုလိုချင်တဲ့အတွက် မိန်းမတော့ယူမယ်။ ယူတဲ့မိန်းမက
လည်း ကိုယ့်ကိုနားလည်ပေးနိုင်တဲ့သူ ပဲဖြစ်ရမယ်။ "ဘုန်းကြီးလူထွက်ပဲရှိတယ်။ မိန်းမ လျာလူ
ထွက်ဆိုတာ မရှိဘူးလေ။ ကိုယ့်ဘ၀က တခြားသူတွေနဲ့မတူ တော့ နားလည်ပေးနိုင်မယ့် မိန်းမ
ကိုပဲယူမယ်"ဟု ဘ၀ကိုပွင့်လင်းရိုးသားစွာ ရယ်ရယ်မောမောနှင့်ပင် ရင်ဖွင့်သည်။

ယခုကဲ့သို့ ကျုံးဘေးသို့လာရောက် ခြင်းသည် ငွေကြေးကိစ္စ၊ ယောက်ျား လေးများနှင့် ထွေလာ
ကေလာကိစ္စများ ကြောင့်လာခြင်းမဟုတ်ဘဲ လက်ရှိဖြတ် သန်းနေရသည့်ဘ၀အတွက် စိတ်
အပန်းဖြေရန်နှင့် မိမိအလှအပများကို ဖော်လှစ်ပြသချင်သည့်အတွက်ဖြစ် ကြောင်း နွယ်ပင်က
မရှက်တမ်းဖွင့်ဟ ပြောဆိုသည်။ မိန်းမလျာတို့၏ အလှအပများ ဖော် ထုတ်ပြသရခြင်းသည်
လွယ်လွယ်ကူကူမဟုတ်ဘဲ ရံဖန်ရံခါ "ရကောက်" (ရဲကိုကို)များ၏ ဖမ်းဆီးစစ်ဆေး မေးမြန်းခြင်း
များကိုလည်း ခံရတတ် ကြောင်း မျက်နှာအမူအယာ မာကျော သွားပြီး ခံစားမှုအတွေ့အကြုံများ
ကို ရှင်းလင်းပြောပြသည်။

ညအမှောင်ထုက ပိုလို့ပိုလို့ သိပ်သည်းလာသည်။ တစ်နေ့တာပင်ပန်းမှုတွေအတွက် ညဦးပိုင်း သုံး
လေးငါးနာရီ မျှ အပန်းဖြေစိတ်အပျော်ရှာကြသော မိန်းမလျာများလည်း အလျှိုအလျှို အိမ်ပြန်ကြ
လေပြီ။

အခြားနိုင်ငံများကဲ့သို့ ပတ်ဝန်းကျင် လူ့အဖွဲ့အစည်းနှင့် မိန်းမလျာများ တစ်သားတည်းဖြစ်အောင်
အဖွဲ့ အစည်းအားဖြင့်သော်လည်းကောင်း၊ တစ်ဦးချင်းအားဖြင့်သော် လည်း ကောင်း ဆောင်ရွက်
နေကြသည်များ ရှိနေသော်လည်း အချိန် အထိုက် အလျောက်ယူရဦးမည်ဖြစ်သည့် အတွက်
လက်ရှိ၌ မိန်းမလျာများမှာ နေ့အလင်းကို ပုန်းရှောင်ပြီး ည အမှောင်ကို ပွေ့ဖက်ပျော်မွေ့ရန် ကြိုး
ပမ်းအားထုတ်နေကြရသည်သာဖြစ်ပါတော့သည်။

 ဆူးရဲနီ - မြန်မာတိုင်း(မ်)