မန္တလေးကျုံးဘေး ဓါးခုတ်ခံရသူ ရဲက အကူအညီမပေးဟုဆို

မန္တလေးမြို့ ၁၄ လမ်းနှင့် ၁၅ လမ်းကြား လမ်း ၈၀ တွင် ဇူလိုင်လ ၁၇ ရက်က ဓားဖြင့်ခုတ်ခံရပြီး အခင်းဖြစ်သည့် နေရာနှင့် နီးစပ်သော မန္တလေးကျုံးဘေးတွင် တာဝန်ကျနေသည့် ရဲတပ်သားများကို အကူအညီတောင်းခံရာ ကူညီခြင်းမရှိဟု ဓားဖြင့်ခုတ်ခံရသူ ကိုမျိုးသူရဦးက မဇ္ဈိမကိုပြောသည်။

“ကျွန်တော် အလုပ်ကနေ ဆိုင်ကယ်နဲ့ ပြန်လာတာပါ။ နောက်ကနေ ဖီနိုဆိုင်ကယ်သုံးစီးနဲ့ လိုက်လာပြီး ခုတ်တာပါ။ ကျွန်တော်လည်း အိမ်ကိုမောင်းပြေးတယ်။ ပြေးရင်း ကျုံးမြောက်ဘက်ပေါက်မှာ လုံခြုံရေးကျတဲ့ ရဲနဲ့တွေ့လို့ အကူအညီတောင်းတော့ ခင်ဗျားဖြစ်ခဲ့တာ ကျွန်တော်တို့ အပိုင်မဟုတ်ဘူး၊ အမှတ် (၄) စခန်းပိုင် နယ်မြေမှာဖြစ်တာ၊ အဲဒီကိုပဲသွားလို့ပြောတယ်။ ဒါနဲ့အိမ်ပြန် မိဘတွေခေါ်ပြီး အမှတ် (၄) စခန်းသွားတိုင်တော့ ရဲကတစ်ယောက်ပဲရှိတယ်” ဟု  မဇ္ဈိမကို ပြောကြားခဲ့သည်။

သို့သော် အဆိုပါဖြစ်စဉ်နှင့်ပတ်သက်၍ မန္တလေးကျုံး၏ အရှေ့ဘက်တွင် လုံခြုံရေး တာဝန်ထမ်းဆောင်နေသည့် ဒုရဲအုပ်တစ်ဦးကမူ အခင်းဖြစ်ခဲ့သည့်နေရာသည် ယင်းတို့လုံခြုံရေးယူထားသည့် နေရာနှင့်ဝေးလံခြင်းကြောင့် လိုက်လံဖြေရှင်းပေးသော်လည်း အချိန်မမီတော့ဟုဆိုသည်။

“ကျုံးပတ်ပတ်လည်မှာ လုံခြုံရေးရှိနေတယ်ဆိုပေမယ့်လည်း အခုဖြစ်သွားတဲ့နေရာတွေက ကျွန်တော်တို့နဲ့ အလှမ်းဝေးတဲ့ နေရာတွေ ဖြစ်ဖြစ်နေတယ်။ သိလို့လိုက်ချိန်မှာ မမီတော့ဘူး။ ဖမ်းဆီးအရေးယူနိုင်အောင် ဆောင်ရွက်နေပါတယ်” ဟု မဇ္ဈိမကိုပြောကြားခဲ့သည်။

အမှတ် (၄) စခန်းက ရဲတပ်ကြပ်အောင်မြင့်ဦးကလည်း ကိုမျိုးသူရဦး ဓားခုတ်ခံရမှုနှင့် ပတ်သက်၍ “ကျွန်တော်တို့ စခန်းကို ညကလာတာဟုတ်ပါတယ်။ ဒဏ်ရာရတဲ့ ကလေးပါမလာဘူးမှတ်လို့ပါ၊ တာဝန်သိသူ တစ်ဦးက သတင်းလာပို့တယ်ထင်လို့ပါ။ ကျွန်တော်ချက်ချင်း ဆေးစာရေးပေးလိုက်ပါတယ်။ စခန်းမှူးဆီကိုလည်း သတင်းပို့ပေးလိုက်ပါတယ်” ဟု ဖြေရှင်းချက်ပေးသည်။

ဓားဖြင့်ခုတ်ခံရသူ ကိုသူရမျိုးဦး၏ ဖခင်ဖြစ်သူ ဦးကိုလတ်ကမူ “အခုတ်ခံရလို့ နီးစပ်ရာရဲကို ပြောပေမယ့် သူတို့နဲ့ မဆိုင်သလို သူတို့အပိုင်မဟုတ်ဘူးလို့ ပြောလွှတ်တယ်၊ ဒါနဲ့အပိုင်ရဲစခန်းဖြစ်တဲ့ အမှတ်(၄)ရဲစခန်းကို သွားတော့လည်း တာဝန်မှူးအဖြစ် ဆောင်ရွက်နေတဲ့ ရဲတပ်ကြပ်က ကျုံးဘေးမှာ လုံခြုံရေးရဲတွေ ရှိပါတယ်။ သူတို့ဆီသွား ပြောပါလို့ ပြောပါတယ်။ စခန်းမှာ သူတစ်ယောက်တည်းပဲ ရှိလို့ပါတဲ့။ ဒီလိုဆိုိတော့ ကျွန်တော်တို့ဘ၀တွေ မလုံခြုံဘူး လို့ခံစားရတယ်” ဟု တုံ့ပြန်ပြောဆိုသည်။

ကျုံးဘေး၌ လုယက်မှု၊ ဓားခုတ်မှုများ မကြာခဏဖြစ်ပေါ်နေသည်ဆိုကာ ဇူလိုင်လ ၇၊ ၈၊ ၉ ရက်များတွင် ကျုံးဘေး တစ်လျှောက် သွားလာနေသည့် လိင်တူချစ်သူများကို စီမံချက်ဖြင့် ဖမ်းဆီးထိန်းသိမ်းမှုများ ပြုလုပ်ခဲ့သည်။ ယခုအခါ ကျုံးသို့ လိင်တူချစ်သူများ သွားရောက်မှုမရှိတော့သော်လည်း ဓားခုတ်မှုများ ပိုမို၍ ဖြစ်ပွားလျက်ရှိသည်ဟု မြို့ခံလူထုက ဆိုသည်။

အောင်ကိုဦး
Mizzima - News in Burmese