Home » » သံတွဲမြို့ရှိ အပျက်အစီးစာရင်းများ

သံတွဲမြို့ရှိ အပျက်အစီးစာရင်းများ

Written By Unknown on Monday, July 1, 2013 | 4:52 PM

၃၀.၆.၂၀၁၃ ရက်နေ့ ညနေ(၅)နာရီကျော်လောက်မှာ ရဲစခန်းသို့လူ(၅၀)ဦးခန့် စုရုံးရောက် ရှိခဲ့ကြပါတယ်။ တာဝန်ရှိသူများက ရှင်းလင်းပြောဆိုသဖြင့် (၆း၃၀) လောက်လူစုကွဲပါတယ်။ ည(၇း၁၅)လောက်မှာ ကောင်းကင်သစ္စာ မော်တော်ယာဉ်အသင်းမှ ၈ည/၃၂၃၁ - ၈ဈ/၃၇၆၅ ယာဉ်နှစ်စီးကို လူအချို့ကခဲဖြင့်ပစ်ပေါက် ဖျက်ဆီးခဲ့ကြပါတယ်။

အစ္စလာမ်ဘာသာဝင် ဒေါ်ဆာမိကွမ်းယာဆိုင်ကို ဖျက်ဆီးရန် ကြိုးစားသော်လည်း တာဝန်ရှိသူများရောက်လာ၍ အပျက်အစီး မဖြစ်ခဲ့ဟု သိရပါသည်။

ည(၉)နာရီကျော်ခန့်တွင် ဒွါရာဝတီ(က)ရပ်ကွက် (၈)လမ်းရှိ တဲ(၁)လုံး၊ စက်ဘီး(၃)စီး၊ ဆိုင်ကယ်(၁)စီး၊ သစ်တောဝန်ထမ်းဦးဘရင် အိမ်က ဆိုင်ကယ်(၁)စီး နှင့်ကိုမျိုးသက်ဆိုသူပိုင်အိမ်ကို လူစုဖြင့်ဖျက်ဆီး မီးရှို့မှုရှိခဲ့တယ်လို့ သိရပါတယ်။

တစ်ဆက်တည်း ဦးကြည်အောင်၊ ဒေါ်ဝင်းကြည် အိမ်မီးလောင်ကျွမ်းပြီး ဒေါ်လှအုန်းမေ(ရခိုင်/ဗုဒ္ဓ) အိမ်ကို မီးကူးစက်လောင်ကျွမ်း ခဲ့တယ်လို့သိရပါတယ်။

သံတွဲမြို့နယ်အုပ်ချုပ်ရေးမှူးက လူစုလူဝေးမလုပ်ရန် ၊ ညလုံခြုံရေးများ တာဝန်ထမ်းရွက်ရာတွင် အတားအဆီးမဖြစ်စေရေးအတွက် လမ်းပေါ်သို့မထွက်ကြရန် အမိန့်ထုတ်ပြီး၊ အသံချဲ့စက်နှင့်အော်ခိုင်းခဲ့တယ်လို့သိရပါတယ်။ ပုဒ်မ(၁၄၄) ထုတ်ပြန်ခြင်းမျိုးမဟုတ်သေးဘူးလို့ သိရပါတယ်။

သံတွဲမြို့ လုံထိန်းအင်အား(၁၀၀)၊ နယ်မြေခံ ရဲတပ်ဖွဲ့ ၊ နယ်မြေခံတပ်မတော်တပ်ရင်းမှ လုံခြုံရေး တင်းကြပ်စွာချထားကြောင်းသိရပါတယ်။

ရခိုင်ပြည်နယ် အစိုးရအဖွဲ့ကလည်း အခင်းစဖြစ်စဉ်ကပင် ၊ အုပ်ချုပ်ရေးတာဝန်ရှိသူများသို့ လိုအပ်သောညွှန်ကြားမှုများကို ပြုလုပ်ပြီး လုံခြုံရေး အစီအမံများအတွက် စီစဉ်ဆောင်ရွက်မှုကို အချိန်နှင့်တပြေးညီ ဆောင်ရွက်ခဲ့ကြောင်း ၊ ၀န်ကြီး(၂)ဦးကို စေလွှတ်၍တည်ငြိမ်ရေးနှင့်တရားဥပဒေစိုးမိုးရေး ဆောင်ရွက်ရန် တာဝန်ပေးအပ်ထားကြောင်းသိရပါသည်။

Arakan Events