ပြည်တွင်းဓာတ်ဆီ ထုတ်လုပ်ဖြန့်ဖြူးမှု လုံးဝရပ်ဆိုင်းခြင်းကြောင့် ဈေးနူန်းပြောင်းလဲမည်ကို စိုးရိမ်

စွမ်းအင်ဝန်ကြီးဌာနက ဓာတ်ဆီ(ဆီဖြူ) များ ထုတ်လုပ်ဖြန့်ဖြူးခြင်းကို ရပ်တန့်ရန် ကြေညာခြင်းသည် အောက်တိန်းဓာတ်ဆီဈေးနှုန်း ထိုးတက်စေနိုင်သည့် တွန်းအားတစ်ရပ် ဖြစ်လာမည်ကို စိုးရိမ်ရဖွယ်ရှိ ကြောင်း စက်သုံးဆီလုပ်ငန်း လုပ်ကိုင်သူများက ပြောသည်။

ပြည်တွင်းထုတ် ဓာတ်ဆီများအား အဓိကထုတ်လုပ်သည့် သန်လျှင်အမှတ်(၁)ရေနံချက်စက်ရုံအား အဆင့်မြင့် မွမ်းမံပြင်ဆင်ရန် ဆောင်ရွက်နေပြီး ယင်းကာလအတွင်း ဓာတ်ဆီ(ဆီဖြူ) ထုတ်လုပ်ဖြန့်ဖြူး ရောင်းချမှုအားရပ်ဆိုင်းမည်ဟု စွမ်းအင်ဝန်ကြီးဌာန၏ ၀က်ဆိုက်တွင်တရားဝင် ထုတ်ပြန်လိုက်ခြင်း အပေါ် ပြောဆိုကြခြင်းဖြစ်သည်။ မည်သည့်ရက်တွင် ရပ်ဆိုင်းမည်ကိုမူ အတိအကျ ဖော်ပြမထားပေ။ထို သို့ပြင်ဆင်နေချိန်တွင် ဓာတ်ဆီ(ဆီဖြူ) လိုအပ်သည့် ပမာဏအတိုင်း အောက်တိန်းဓာတ်ဆီ (92 Ron) များ ပြည်ပမှတင်သွင်း အစားထိုးသွားမည်ဟုလည်းဖော်ပြထားသည်။

ပြည်ပမှ စက်သုံးဆီ တင်သွင်းရောင်းချရာတွင် ကမ္ဘာ့စက်သုံးဆီဈေးနှင့် ပြည်တွင်းနိုင်ငံခြား ငွေလဲနှုန်း ထားများအပေါ် မူတည်ကာ ဈေးနှုန်းဖြစ်ပေါ်ခြင်းကြောင့် ပြည်တွင်းစက်သုံးဆီ လိုအပ်ချက်အား ပြည်ပမှသာ တင်သွင်းရပြီး ဈေးကွက်အတွင်း အောက်တိန်းဓာတ်ဆီတစ်မျိုးတည်းသာရှိပါက ဈေးနှုန်းကြီးမြင့် မည်ကို စိုးရိမ်ရကြောင်း ယင်းတို့က ပြောသည်။

တာမွေမြို့နယ်မှ အငှားယာဉ်မောင်းတစ်ဦးက “အောက်တိန်းကတော့ ဓာတ်ဆီထက် ဆီစားပေမယ့် အသစ်ဝင်လာတဲ့ ကားတွေကအောက်တိန်းသုံးတာပဲ ပိုကောင်းတယ်။ ဓာတ်ဆီ(ဆီဖြူ) မရှိတော့လို့ အောက်တိန်းတစ်မျိုးတည်းဖြစ်သွားခဲ့ရင်လဲ သွင်းဈေးကို အကြောင်းပြလိုက် ဒေါ်လာဈေးကိုအကြောင်း ပြလိုက်ဆိုတာမျိုးနဲ့ ဈေးတွေတက်လာမှာကိုပဲ ကြောက်တာ”ဟုပြောသည်။

မေလကုန်ပိုင်းအတွင်း တစ်ဂါလံလျှင်ကျပ် ၃၈၀၀ မှ ၄၃၀၀ အကြားသာရှိခဲ့သည့် အောက်တိန်း ဓာတ်ဆီ ဈေးနှုန်းသည်နိုင်ငံခြားငွေလဲနှုန်း တစ်ဟုန်ထိုးစံချိန်တင်မြင့်တက်ခဲ့သည့် ဇွန်လလလယ်ပိုင်းတွင် တစ်ဂါ လံလျှင်ကျပ် ၄၀၀၀ မှ ၄၆၀၀ ဈေးအကြားသို့ မြင့်တက်ခဲ့ခြင်းဖြစ်ရာ ယင်းတို့က ထောက်ပြပြောဆိုခြင်း ဖြစ်သည်။

မင်္ဂလာတောင်ညွှန့်မြို့နယ်ရှိ စက်သုံးဆီအရောင်းဆိုင်ရှင် ဦးဝင်းကိုကဓာတ်ဆီ (ဆီဖြူ) ကို နယ်မြို့များက ၀ယ်ယူမှုရှိနေသေးသော်လည်း ယခင်ကလောက်မများတော့သည့်အတွက် ထုတ်လုပ်မှုရပ်နားလိုက် လျှင်လည်း ပြဿနာမရှိနိုင်ကြောင်း သို့သော် အောက်တိန်း (Ron 92 ဓာတ်ဆီ) တစ်မျိုးတည်းသာရှိပါက ၀ယ်လိုအားများပြီး ဈေးလိုက်တက်လာမည်ကိုမူ စိုးရိမ်ရသည်ဟု ပြောသည်။

အိုဟောင်းယာဉ် အစားထိုးတင်သွင်းခွင့် စီမံချက်စတင်ခဲ့သည့် ၂၀၁၁ ခုနှစ်နှစ်ကုန်ပိုင်းမှ စတင်ကာ ယာဉ်အသစ်များပြားလာခြင်းကြောင့် ဓာတ်ဆီ(ဆီဖြူ) သုံးစွဲမှု တဖြည်းဖြည်းလျော့နည်းလာသည်။

ယင်းရှေ့ပိုင်းကာလများက ယာဉ်ဟောင်းများသာရှိစဉ်တွင် အောက်တိန်းဓာတ်ဆီ(92 Ron)နှင့် ယှဉ်ပါက ဆီစားနှုန်းသက်သာခြင်းကြောင့် ပြည်တွင်းထုတ်ဓာတ်ဆီကသာ ဈေးကွက်ကြီးမားခဲ့ပြီးလက်ရှိအချိန် တွင်လည်း နယ်မြို့များမှ ယာဉ်သစ်လဲလှယ် အစားမထိုးနိုင်သူများနှင့် ဆိုင်ကယ်စီးသူများမှာဆီစားနှုန်း သက်သာသည့် ဓာတ်ဆီ(ဆီဖြူ)ကိုသာ သုံးစွဲခြင်းကြောင့် ဓာတ်ဆီ(ဆီဖြူ) ဈေးနှုန်းသည် အောက်တိန်း ဓာတ်ဆီ (92 Ron) ဈေးနှုန်းထက် တစ်ဂါလံကျပ်၂၀၀ မြင့်မားကာ ၀ယ်လိုအားရှိနေဆဲဖြစ်သည်။

ဦ၀င်းကိုက ဆက်လက်၍“ပြည်တွင်းထုတ်ဓာတ်ဆီ (ဆီဖြူ) ကို ရပ်နားလိုက်တာက ယာဉ်ဟောင်းတွေနဲ့ ဆိုင်ကယ်အချို့အတွက်ပဲ နည်းနည်းပြဿနာဖြစ်နိုင်ပေမယ့် အောက်တိန်းတစ်မျိုးတည်း ဖြစ်သွားတဲ့ အချိန် ဈေးတွေကတဖြည်းဖြည်း တက်လာရင်တော့ ယာဉ်သစ်ရော၊ ယာဉ်ဟောင်းရောအားလုံးအတွက် ပြဿနာကြီးနိုင်တယ်”ဟုပြောသည်။

အစိုးရ စက်သုံးဆီဆိုင်များအား ၂၀၁၀ နှစ်ကုန်ပိုင်းမှစတင်ကာ ပုဂ္ဂလိကကဏ္ဍသို့ လွဲပြောင်းပေးခဲ့ပြီး ယင်းအချိန်ကပြည်တွင်းထုတ်ဓာတ်ဆီ (ဆီဖြူ) တစ်ဂါလံလျှင်ကျပ် ၂၅၀၀ ဈေးဖြင့်သာ ဆီဆိုင်အားလုံး အား တစ်ပြေးညီရောင်းစေခဲ့ခြင်းဖြစ်သော်လည်း ၂၀၁၃ ခုနှစ်ဇန်န၀ါရီလမှစတင်ကာ အစိုးရရောင်းဈေး ၃၃၅၀ ကျပ်ဖြင့် ဖြန့်ဝေကာ ပုဂ္ဂလိကဆီဆိုင်များ၏ စိတ်ကြိုက်ဈေးနှုန်းဖြင့်ရောင်းချစေခဲ့ရာ တစ်ဂါလံ ကျပ် ၃၅၀၀ မှ ၃၆၀၀ ဈေးနှုန်းအထိ မြင့်တက်ခဲ့ကာပြင်ပဈေးကွက်များတွင် တစ်ဂါလံ ကျပ် ၃၉၀၀မှ ၄၀၀၀ ကျပ်ဈေးများအထိမြင့်တက်ခဲ့သည်။

လက်ရှိအချိန်တွင် စက်သုံးဆီဈေးကွက်အတွင်း၌ ပြည်ပမှတင်သွင်းရောင်းချသည့် အောက်တိန်း ဓာတ်ဆီ (Ron 92) တစ်ဂါလံလျှင် ကျပ် ၄၀၀၀ ဈေးရှိပြီး ဓာတ်ဆီ(ဆီဖြူ)တစ်ဂါလံလျှင် ကျပ် ၄၂၀၀ ဈေးရှိနေခြင်း ဖြစ်သည်။

အမှတ်(၁) ရေနံချက်စက်ရုံ(သန်လျှင်) သည် ထုတ်လုပ်သည့် သက်တမ်းကြာမြင့်လာခြင်းကြောင့် စွမ်းအားပြည့် ထုတ်လုပ်နိုင်စွမ်းမရှိတော့သဖြင့် အဆင့်မြင့်မွမ်းမံ ပြင်ဆင်ရန် ပြည်ပအတွေ့ကြုံရှိ ကုမ္ပဏီများနှင့် ပူးပေါင်းဆောင်ရွက်သွားရန်ရှိရာ လုပ်ငန်းစတင်ချိန်တွင် ဓာတ်ဆီ(ဆီဖြူ)ထုတ်လုပ်မှုအားရပ်နား တော့မည်ဖြစ်သည်။

စွမ်းအင်ဝန်ကြီးဌာနအနေဖြင့် ပြည်တွင်းထုတ် ဓာတ်ဆီဖြန့်ဖြူးရောင်းချမှုအား လျှော့ချနိုင်ရန်အတွက် စက်သုံးဆီဆိုင် အသီးသီးသို့ လစဉ်ခွဲဝေရောင်းချသည့် ခွဲတမ်းများကို လျှော့ချခဲ့ပြီး ၂၀၁၂ခုနှစ် ဇူလိုင် လတွင် စက်သုံးဆီဆိုင် ၄၁၅ ဆိုင်အတွက် ဓာတ်ဆီ(ဆီဖြူ) ဂါလံ ၆ ဒသမ ၇၀၃ သန်းရောင်းချပေးခဲ့ သော်လည်း ယခုနှစ် ဇူလိုင်လတွင် ဆီဆိုင် ၈၂၉ ဆိုင်အတွက် ဂါလံ ၄ ဒသမ ၇၅၉ သန်းသာ ရောင်းချ ပေးတော့သည်။       

ထင်လင်းအောင်
Mizzima - News in Burmese