ချင်းတွင်းမြစ်ရေ နောက်ကျိသော်လည်း ရေရောင်းအားက ကျဆင်းမသွား

မုံရွာ၊ ၂၅

စစ်ကိုင်းတိုင်းဒေသကြီးအား ကျောရိုးသဖွယ် သွယ်တန်းစီးဆင်းလျက်ရှိသော ချင်းတွင်းမြစ်ကြီးသည် ယခု အခါ မြစ်ရေကြီးသည့် ရာသီချိန်ကိုရောက်ရှိသဖြင့် ရေများနောက်ကျိနေသော်လည်း လက်တွန်းရေစည်လှည်းများ ဖြင့် ခပ်ယူရောင်းချနေသူများအဖို့ ရေရောင်းအားက ကျဆင်းသွားခြင်းမရှိကြောင်း ရေသည်အမျိုးသမီးတစ်ဦးမှ ပြောပြသည်။

“ ချင်းတွင်းမြစ်ရေ ဘယ်လောက်ပဲနောက်ကျိကျိ သောက်သုံးရေအဖြစ် ၀ယ်ယူသုံးစွဲနေသူများကတော့ ကျောက်ချဉ်ထည့်ပြီး ရေကြည်အောင်လုပ်ကာ သုံးစွဲကျပါတယ်။ ရေရောင်းအားက ကျဆင်းမသွားပါဘူး ..” ဟု ၎င်းမှ ဆက်လက်၍ ပြောပြသည်။

မုံရွာမြို့ပေါ်ရှိ စားသောက်ဆိုင်ကြီးများသည် ချင်းတွင်းမြစ်ရေအား သောက်သုံးရေအဖြစ် မိရိုးဖလာအရ အသုံးပြုလာခဲ့ရာ ယခုထိတိုင်အောင်ဖြစ်ကြောင်း သိရသည်။ မြစ်ရေကျဆင်းသည့် ရာသီချိန်များတွင် အခုရေခပ်၊ အခုသုံးစွဲ၍ရသော်လည်း မြစ်ရေကြီးသည့်ကာလတွင် ရေနောက်ကျိမှုတစ်ရပ်ကြောင့် ကျောက်ချဉ်များထည့်ကာ ရေကြည်လင်အောင်ပြုလုပ်ပြီးမှ သုံးစွဲရသည်ဟု စားသောက်ဆိုင်ပိုင်ရှင် တစ်ဦးမှ မြစ်ရေသုံးစွဲမှု အခြေအနေအား ရှင်းပြပြောဆိုသည်။

ချင်းတွင်းမြစ်ရေ နောက်ကျိမှု အခြေအနေမှာ လွန်ခဲ့သော ဆယ်နှစ်ခန့်ကာလမှ စတင်ပြီး ပိုမိုဆိုးရွာလာခဲ့ ခြင်းဖြစ်ကြောင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနရှိ ပညာရှင်များ၏ လေ့လာစီစစ် ချက် မှတ်တမ်းများအရ သိရသည်။ ချင်းတွင်းမြစ်ရေသည် လွန်ခဲ့သောနှစ်များစွာခန့်က ရေအရည်အသွေး စံချိန်စံ ညွှန်းပြည့်မီခဲ့သော်လည်း သဘာဝပတ်ဝန်းကျင် ပျက်စီးယိုယွင်းလာမှုအပေါ် မှီတည်း၍ ရေအရည်အသွေးများ ပြောင်းလဲဖြစ်ပေါ်လာရကြောင်း ၊ မြစ်ဖျားပိုင်းဒေသ၌ ရွှေသတ္ထုလုပ်ငန်းများမှ စွန့်ပစ်ရေနှင့် စွန့်ပစ်မြေစာများ ကြောင့်လည်း ဖြစ်နိုင်ဖွယ်ရာရှိကြောင်း အဆိုပါ မှတ်တမ်းများက ဆိုသည်။

“ မြစ်ရေနောက်ကျိမှုလျော့ချနိုင်ရေးနဲ့ ရေအရည်အသွေး ထိန်းသိမ်းရေးဆိုင်ရာ သုတေသနလုပ်ငန်းများကို အရှိန်အဟုန်နဲ့ လုပ်ဆောင်နေပါတယ်။ ရေမိုင်(၃၇၂)မိုင်ရှည်လျားတဲ့ ဟုမ္မလင်း ဆိပ်ကမ်းကနေ မုံရွာဆိပ်ကမ်း အထိ ရေနမူနာများကို ခပ်ယူစစ်ဆေးတာမျိုး ပြုလုပ်နေပါတယ်။ မြစ်ဖျားပိုင်း (၃၄) နေရာရှိ ရေနောက်ကျိမှု ( Turbidrity ) အပါအ၀င် ဒြပ်ခွဲစမ်းသပ်နိုင်တဲ့ ၊ ဒြပ်အမျိုးအစား( Parcimeters ) (၁၃)ခုနဲ့လည်း စမ်းသပ်နေပါ တယ်” ဟု ရေအရင်းအမြစ်ဆိုင်ရာ လေ့လာစမ်းစစ်သူ ပညာရှင်တစ်ဦးမှ ပြောပြသည်။

ကမ္ဘာ့ကျန်းမာရေးအဖွဲ့ (WHO) အဖွဲ့ကြီးမှ သတ်မှတ်ထုတ်ပြန်ထားသော စံချိန်စံညွှန်းပြည့်မီသည့် ရေအ ရည်အသွေးမှာ မြစ်ရေအချိုးအစား (၀ ဒသမ ၃၇၁) အကြား ကယ်လိုရင်း(၂၇၁၀)အကြားတွင် ရေအရည်အသွေး(Ph - ၆ ဒသမ ၅(ရ) နှင့် Ph - ၉ ဒသမ ၂ ) တည်ရှိရန်နှင့် ရေနောက်ကျိမှုပမာဏ (၂၀ - Mtu) ထက်မနည်းစေရန် ထုတ်ပြန်ထားသည်ဟု မှတ်တမ်းများအရ သိရသည်။

“ မော်တော်သွားတဲ့အခါ မြစ်ရေကို အခုခပ်ပြီး အခုသုံးလို့ရနိုင်တဲ့ အခြေအနေမရှိတော့ပါဘူး။ ရေကိူခပ်ပြီး ကြည်အောင်လှောင်ထားရပါတယ်။ ကျောက်ချဉ်ထည့်ပြီး ရေအနယ်ထိုင်အောင် အချို့ကတော့လုပ်ကျတယ်။ ဒါ ပေမဲ့ သောက်ရေအဖြစ် သုံးစွဲတာအလွန်နဲသွားပါပြီ။ ရေသန့်ကိုပဲ ၀ယ်ယူသုံးစွဲကျပါတယ်..” ဟု မုံရွာ - ဟုမ္မလင်း ပြေးဆွဲလျက်ရှိသော ကုန်တင်ရေယာဉ်ပိုင်ရှင် တစ်ဦးမှလည်း မြစ်ရေသုံးစွဲမှု အနေအထားများကို ပြောပြသည်။

ချင်းတွင်းမြစ်ကြောင်းတလျောက်ရှိ ရေနက်နေရာ (၂၃)နေရာ၌ ရေအရည်အသွေးဆိုင်ရာ သုတေသနပြု ချက်များအရ သံဒြပ်ပါဝင်မှုပမာဏ ( ၀ ဒသမ ၆ )ရှိသည့်အတွက် စိုက်ပျိုးရေးလုပ်ငန်းသုံး သံထည်ပစ္စည်းများအား သံချေး၊ သံညှိတက်လွယ်ဖွယ်ရှိကြောင်း၊ ကယ်လိုရင်းဒြပ်ပေါင်း ပါဝင်မှုများပြားသောရေအား (၁၅)နှစ်ဝန်းကျင်ခန့် သောက်သုံးရေအဖြစ် သုံးစွဲမည်ဆိုပါက ကင်ဆာရောဂါဖြစ်နိုင်ဖွယ် လမ်းစအားတွေ့ရှိရကြောင်း၊ နောက်ကျိနေ သည့်ရေအချိုးအစားသည် ရေထဲ၌ပျော်ဝင်နေသော အောက်စီဂျင်ဒြပ်အား လျော့ချစေနိုင်သည့်အတွက် ကျန်းမာ ရေးဆိုင်ရာ အထောက်အကူပြုပေးနိုင်စွမ်း အလွန်နည်းပါးလျက်ရှိကြောင်း သုတေသန ဆိုင်ရာမှတ်တမ်းများမှ ဆိုသည်။

ချင်းတွင်းမြစ်ရေကြီးသည့် ရာသီအချိန်တွင် ရေနောက်ကျိမှုများဖြစ်ပေါ်လျက်ရှိရာ ရေဂါလံ(၅၀)စည် တစ် စည်လျင် ၈၀၀ ကျပ်မှ ၁၀၀၀ ကျပ်အကြား ပေး၍ ၀ယ်ယူသုံးစွဲသူများကြောင့် ရေနောက်ကျိမှုရှိသော်လည်း ရေ ရောင်းအားက ကျဆင်းမသွားကြောင်း သိရှိရသည်။

သတင်း+ ဓာတ်ပုံ = ကိုတိုး (ချင်းတွင်း)