ပုံမှန်လမ်းကြောင်းမှ ဆန်အိပ်စ်ပို့ ရပ်ထားသော်လည်း နယ်စပ်မှ တရုတ်သို့ဆက်ပို့နေ

ပြည်ပသို့ Normal Trade (ပင်လယ်ရေကြောင်းကုန်သွယ်မှု)မှ ဆန်တင်ပို့မှုအား နှစ်လခန့်ယာယီ ရပ်ဆိုင်းထားပြီး ဖြစ်သော်လည်း တရုတ်နိုင်ငံသို့ မူဆယ်နယ်စပ်မှ တင်ပို့ခြင်းကိုမူ ပုံမှန် ဆက်လက်လည် ပတ်လျှက်ရှိကြောင်း ဆန်ကုန်သည်များက ပြောကြားသည်။

၂ဝ၁၂ ခုနှစ်မှ စတင်ကာ အသစ်ပေါ်ပေါက်လာသည့် အဆိုပါဈေးကွက်၏ ဝယ်လိုအားသည် ဆက်လက်ကောင်းမွန်သော်လည်း တင်ပို့ရာတွင် မြန်မာဘက်မှ ကြိုတင်ခွန် ကောက်ခံတော့မည် ဖြစ်ခြင်းကြောင့် အခက်အခဲဖြစ်ပေါ်လာနိုင်ကြောင်း ဆန်ကုန်သည်များက ပြောကြားသည်။

မူဆယ်ဒေသခံ ဆန်ကုန်သည် ဖြစ်သူ ဦးသောကြာက ''ဒီဘက်မှာက အရောင်းအဝယ်က ခပ်အေးအေးပဲ။ တရုတ်ကလည်း ဈေးတိုးပြီး မဝယ်နိုင်ဘူး။ အခွန်တိုးကောက်တော့ ကျွန်တော်တို ကလည်း တရုတ်ပေးတဲ့ဈေးနဲ့ မရောင်းနိုင်ဘူး ဖြစ်နေတယ်။ ဆန်တစ်တန်ကို အခွန် ၈ဝဝဝ ကျပ် ပေးဆောင်ရမှာဆိုတော့ လက်ရှိ တရုတ်ကပေးနေတဲ့ ဈေးနဲ့ ကျွန်တော်တို့တွေ တရုတ်ထိ သွားပို့ရတော့ ခရီးစရိတ်တွေ နုတ်လိုက်ရင် မကိုက်ဘူး ဖြစ်နေတယ်။ တရုတ်က သူတို့ဝယ်နိုင်တဲ့ဈေး မရရင်မယူဘူး။ ပြည်တွင်း ဆန်ဈေးကျဖို့လည်းလိုတယ်'' ဟု ပြောသည်။

ပြီးခဲ့သည့် ဘဏ္ဍာနှစ်က ၄၆ နှစ်အတွင်း စံချိန်တင်သည်အထိ ပြည်ပသို့ ဆန်မက်ထရစ် တန်ချိန် ၁ ဒသမ ၄ သန်းကျော် တင်ပို့နိုင်ခဲ့ရာတွင် တန်ခုနှစ်သိန်းကျော်သည် တရုတ်သို့ နယ်စပ်မှ တင်ပို့ခဲ့ခြင်းဖြစ်ပြီး လက်ရှိအချိန်တွင် ဗီယက်နမ်ကလည်း တရုတ်သို့ ဆန်တင်ပို့မှုများလာရာ ဆန်ရရှိမှုအနေအထားပေါ်မူတည် ဈေးနှိမ်နိုင်သည့် အလားအနေရှိနေချိန်တွင် မြန်မာဘက်မှ ဇွန် ၁၄ ရက်မှ စတင်၍ ကြိုတင်ခွန် ကောက်မည် ဆိုခြင်းသည် ဈေးကွက်အလားအလာအပေါ် သက်ရောက်မှု ကြီးမားနိုင်ကြောင်း လုပ်ငန်းရှင်များက သုံးသပ်ပြောကြားသည်။

ဆန်ကုန်သည်ကြီး တစ်ဦးဖြစ်သူ Excel Int’ Trading ကုမ္ပဏီ မန်နေဂျင်း ဒါရိုက်တာ ဦးနေလင်းဇင် ''မြန်မာ့ဆန်ဝယ်နေတဲ့ ယူနန်ပြည်နယ်က လူဦးရေသန်း၁၆ဝရှိပြီး ဈေးကွက်ကြီးတော့ ဒီအလားအလာ ကို သေချာထိန်းနိုင်အောင် လုပ်ဖို့လိုတယ်။ ဒါပေမဲ့ တရုတ်က ကျွနေ် တာတ့်ုဘိ ကက် ဆန်ရောင်းလိုအားကို သိနေတော့ သူတို့ကပဲ ဈေးနှုန်းကို သတ်မှတ်နေတယ်။ သူတို့ပေးတဲ့ ဈေးနဲ့ ကိုယ်က ရောင်းချင်ရင် ရောင်းပဲ။ ဒီဘက်က ကုန်သည်တွေက ရတဲ့ဈေးနဲ့ ရောင်းရတဲ့ အခြေအနေမှာ ရှိတယ်။ ဒီအချိန်မှာ ဆန်တစ်အိတ်ကို ကျပ် ၄ဝဝ ကျော်လောက် ကြိုဆောင်ရမှာဆိုတော့ မူဆယ်ကုန်သည်တွေအနေနဲ့ ပို့ဖို့ခက်တာပေါ့။ တရုတ်ဘက်က ဆန်ဈေးကိုထပ်တိုးပေးဖို့ မရှိဘူး'' ဟု မဇ္ဈိမသို့ ပြောသည်။

လူဦးရေ သန်း ၁၆ဝ ကျော်ရှိသည့် တရုတ်နိုင်ငံ ယူနန်ပြည်နယ်သို့ လက်ရှိအချိန်တွင် ဆန်အများဆုံး တင်ပို့သူမှာ မြန်မာနိုင်ငံဖြစ်ပြီး ယင်းဈေးကွက်၏ ဝယ်လိုအားသည် ကောင်းမွန်နေဆဲ ဖြစ်သည်။

ဦးနေလင်းဇင်က ''တရုတ်ဘက်က ဝယ်လိုအားရှိတာ သိတာပဲ။ ကျွန်တော်တို့ဘက်က ဈေးနှုန်းကို သတ်မှတ်ပေးပြီး ရောင်းခွင့်ရဖို့ လိုလာပြီ။ ဒီလိုမှာလည်း ကုန်သည်တွေနဲ့ ဆက်စပ်နေတဲ့ လယ်သမားတွေလဲ အကျိုးရှိလာမယ်'' ဟု ပြောသည်။

တရုတ်သို့ အထက်ပါကဲ့သို့ ဆန်တင်ပို့မှုအား မြန်မာအာဏာပိုင်များက တရားဝင်ခွင့်ပြုထားခြင်း ဖြစ်သော်လည်း တရုတ်ဘက်ကမူ တရားဝင် ခွင့်ပြုခြင်းမရှိသေးဘဲ အခါအားလျှော်စွာ ဖမ်းဆီးမှုများပြုလုပ်နေရာ ယင်းကိစ္စအား တရားဝင်ဖြစ်စေရန် ညှိနှိုင်း ပေးမည်ဟု စီးပွား၊ ကူးသန်းပြည်ထောင်စုဝန်ကြီး ဦးဝင်းမြင့်က ယမန်နှစ်ကတည်းက ပြောကြားထားသည်။

သီဟကိုကို
by Mizzima - News in Burmese