အမေရိကန်ထောက်လှမ်းရေး၏ လျှို့ဝှက်ချက်များ ထပ်မံဖွင့်ချသွားမည်ဟု စနိုးဒန် ပြောကြား

ဟောင်ကောင်၊ ဇွန် ၁၃

အမေရိကန် ထောက်လှမ်းရေးအဖွဲ့၏ လျှို့ဝှက်ချက်များကို ဖွင့်ဟထုတ်ဖော် ခဲ့ပြီး ယခုအခါ ဟောင်ကောင်တွင် ပုန်းခိုနေထိုင်လျက် ရှိသော အက်ဒ်ဝပ်စနိုးဒန်က ၄င်းအနေနှင့် ထောက်လှမ်းရေးအဖွဲ့၏ လျှို့ဝှက်သောလုပ်ရပ်များကို ထပ်မံဖွင့်ချသွားမည် ဖြစ်သည်ဟု ကတိပေး ပြောဆိုသွားကြောင်း ဟောင်ကောင်သတင်းစာ South China Morning Post က ရေးသားဖော်ပြသည်။

ဟောင်ကောင်တွင် ပုန်းအောင် နေထိုင်လျက်ရှိသော အက်ဒ်ဝပ်စနိုးဒန်ကို အဆိုပါသတင်းစာက တွေ့ဆုံမေးမြန်းမှု ပြုလုပ်ခဲ့ရာ ၄င်းက အထက်ပါအတိုင်း ထုတ်ဖော်ပြောဆိုခြင်း ဖြစ်သည်။
ထို့ပြင် မိမိကို အမေရိကန်ပြည်ထောင်စုသို့ လွှဲပြောင်းပေးမည့် တရားရေးဆိုင်ရာ လုပ်ရပ်များကို ရင်ဆိုင်တိုက်ခိုက်သွားမည် ဖြစ်သည်ဟု ၄င်းက အသိပေးပြောဆိုသည်။

"ကျွန်တော့်ရဲ့ ကံကြမ္မာကို တရားရုံးတော်တွေနဲ့ ဟောင်ကောင်ပြည်သူတွေက ဆုံးဖြတ်ပေးစေ လိုပါတယ်။ ဟောင်ကောင်ရဲ့ ဥပဒေစနစ်အပေါ် ကျွန်တော့်အနေနဲ့ သံသယဖြစ်စရာ အကြောင်းမရှိပါဘူး။ ကျွန်တော်ဒီကို လာတာဟာ တရားစီရင်ရေး ကို ပုန်းရှောင်ဖို့ မဟုတ်ပါဘူး။ ကျွန်တော် ဒီကိုလာတာဟာ ပြစ်မှုမြောက်တဲ့ လုပ်ရပ်ကို ဖော်ထုတ်ဖို့ အတွက်ပါ" ဟု အက်ဒ်ဝပ်စနိုးဒန်က ပြောကြားသည်။

အမေရိကန်ပြည်ထောင်စုမှ ထွက်ပြေး တိမ်းရှောင်လာသူ အက်ဒ်ဝပ်စနိုးဒန် သည် အဘယ့်ကြောင့် တရုတ်နိုင်ငံ၏ နယ်နိမိတ်အတွင်း လာရောက် ပုန်းခိုရသနည်း ဟူသောကိစ္စနှင့် ပတ်သက်၍ ထင်ကြေးပေး ပြောဆိုမှု အမျိုးမျိုး ထွက်ပေါ်နေချိန်တွင် အက်ဒ်ဝပ်စနိုးဒန်က အထက်ပါအတိုင်း အသိပေး ပြောဆိုလိုက်ခြင်း ဖြစ်သည်။

South China Morning Post သတင်းစာရေးသားချက်အရ ဟောင်ကောင် သည် ပြစ်မှုကျူးလွန်သူ များကို ပြစ်မှု ကျူးလွန်ရာ တိုင်းပြည်သို့ လွှဲပြောင်းပေးအပ် နိုင်သည့် သဘောတူညီချက် စာချုပ်ကို အမေရိကန်ပြည်ထောင်စုနှင့် ရေးထိုးထားကြောင်း၊ သို့သော် စနိုးဒန်အား အမေရိကန်ပြည် ထောင်စုသို့ လွှဲပြောင်းပေးမည့် ကြိုးပမ်းချက်များကို ဘေဂျင်းအစိုးရက အဟန့်အတား ပြုလုပ်နိုင်ကြောင်း သိရသည်။

သို့သော်လည်း စနိုးဒန်၏ အမှုကိစ္စသည် တရုတ်သမ္မတ ရှီကျင့်ဖျင် အမေရိကန် ပြည်ထောင်စုသို့ ပထမဆုံးအကြိမ် သွားရောက်ပြီး တရုတ်-အမေရိကန် ဆက်ဆံရေး တိုးမြှင့်ရန် ကြိုးပမ်းနေချိန်တွင် ထွက်ပေါ်လာခြင်း ဖြစ်ရာ ၄င်းအား လွှဲပြောင်းမည့် ကြိုးပမ်းချက်များကို ဘေဂျင်းအစိုးရ အနေနှင့် အဟန့်အတားပြုလုပ်ဖွယ် နည်းပါးကြောင်း လေ့လာဆန်းစစ်သူ တို့က ဆိုသည်။

အက်ဒ်ဝပ်စနိုးဒန် ကမူ မိမိအနေနှင့် ဟောင်ကောင်တွင် နေထိုင်ရသည်မှာ လုံခြုံ စိတ်ချသည်ဟု ခံစားမိကြောင်း ထုတ်ဖော် ပြောဆိုပြီး ဟောင်ကောင်မှ ထွက်သွားရန် ဖိအားပေးမှုများ မရှိသေးသရွေ့ ဆက်လက် နေထိုင်သွားမည်ဟု အသိပေးလိုက်သည်။

Reuters သတင်းဌာန အဆိုအရ ယခုအခါ စနိုးဒန်ကို နိုင်ငံရေးခိုလှုံခွင့် ပေးရန် ရုရှားနိုင်ငံက ကမ်းလှမ်းထားကြောင်း သိရသည်။

The Voice Weekly