Home » » လားရှိုးမြို့၌ ပဋိပက္ခများ ထိန်းသိမ်းရန် ပုဒ်မ ၁၄၄ ထုတ်ပြန်ထား သော်လည်း လုံခြုံရေး ချထားမှု လိုအပ်နေဆဲ

လားရှိုးမြို့၌ ပဋိပက္ခများ ထိန်းသိမ်းရန် ပုဒ်မ ၁၄၄ ထုတ်ပြန်ထား သော်လည်း လုံခြုံရေး ချထားမှု လိုအပ်နေဆဲ

Written By Unknown on Friday, May 31, 2013 | 3:44 PM

ရှမ်းပြည်နယ်မြောက်ပိုင်း လားရှိုးမြို့၌ ယခုလ ၂၈ ရက်နေ့က ဓာတ်ဆီအရောင်းအ၀ယ်မှ အစပြုခဲ့
သော ပဋိပက္ခများ ထိမ်းသိမ်းရန်အတွက် မေလ ၂၈ ရက်နေ့ ည ၉ နာရီခန်မှ စတင်ပြီး ပုဒ်မ ၁၄၄
အား ည ၇ နာရီမှ နံနက် ၅ နာရီအတွင်း ထုတ်ပြန်ထားသော်လည်း လုံခြုံရေးချထားမှုမှာ လိုအပ်
နေဆဲ ဖြစ်ကြောင်း သိရသည်။

ယခုလက်ရှိ လုံခြုံရေးထားရှိမှုမှာ အစ္စလာမ်ဘာသာဝင် အများစုနေထိုင်သော နေရာများနှင့် မီးရှို့ခံခဲ့
ရသော နေရာများတွင်သာ လုံခြုံရေးချထားပြီး အခြားနေရာများအတွက် လုံခြုံရေးချထားမှုမှာ
နည်းပါးနေဆဲဖြစ်သည်။

"လုံခြုံရေးက ဗလီရှိတဲ့နေရာနဲ့ မီးလောင်တဲ့နေရာတွေကိုပဲ ကောင်းကောင်းပေးထားတဲ့အတွက်
လှုံ့ဆော်ပြီး သွေးကြွနေတဲ့သူတွေက ဆိုင်ကယ်တွေနဲ့ အဖွဲ့လိုက် ပတ်သွားနေတာ အကုန်လုံးက
တုတ်တွေ၊ ဓားတွေ ကိုင်ပြီး မီးရှို့ဖျက်ဆီးတာတွေ လုပ်နေကြတာ။

"အခုလေးတင်ပဲ လူအင်အား ၂၀၀ လောက်ပါတဲ့ အဖွဲ့ကပဲ သီတာအေး ရုပ်ရှင်ရုံကို ဖျက်ဆီးသွား
ကြတယ်။ လူအင်အားလည်း တော်တော်များတယ်။ အဲလို အဖွဲ့သုံးလေးဖွဲ့လောက်တော့ တွေ့နေ
ရတယ်"ဟု မေလ ၂၉ ရက်နေ့ မွန်းလွဲ ၃ နာရီခန့်တွင် လားရှိုးမြို့ခံ တစ်ဦးက မြန်မာတိုင်း(မ်)ကို
ပြောသည်။

လုံခြုံရေး အဓိကချထားသောနေရာ ရပ်ကွက်များမှာ ရပ်ကွက် ၁၊ ၂၊ ၃၊ ၄ နှင့် ရပ်ကွက် ၉ တို့တွင်
သာ လုံခြုံရေးချထားသေးကြောင်း တွေ့ရသည်။

လုံခြုံရေးချထားမှုအခြေအနေနှင့် တပ်ဖွဲ့ဝင်အင်အားကို သက်ဆိုင်ရာ လုံခြုံရေးနှင့် နယ်စပ်ရေးရာ
ဝန်ကြီးအား မြန်မာတိုင်း(မ်)မှ မေးမြန်းရာ ပြန်လည်ဖြေကြားခြင်း မရှိခဲ့ပါ။

ပဋိပက္ခ လှုံ့ဆော်ဆောင်ရွက်နေသူများအား သက်ဆိုင်ရာ လုံခြုံရေးများ မှ ဖမ်းဆီးမှုများကိုလည်း
ဆောင်ရွက်နေဆဲဖြစ်ကြောင်း၊ မေလ ၂၉ ရက်နေ့ မွန်းလွဲ ၁ နာရီဝန်းကျင်တွင် အကြမ်းဖက်သူ
ရှစ်ဦးအား ဖမ်းဆီးစစ်ဆေးမှုများ ပြုလုပ်ထားကြောင်း လားရှိုးမြို့ အမှတ်(၁)ရဲစခန်းမှူးက ပြောသည်။

"လုံခြုံရေးတွေ ချပေးထားတဲ့အတွက် လူအသေအပျောက်မဖြစ်ဘဲ၊ ကြီးကြီးမားမား မဖြစ်တော့ပါ
ဘူး။ သာမန်ဈေးအရောင်းအ၀ယ်က စတဲ့နေရာမှာ မိန်းကလေးက ဗမာဖြစ်ပြီး ပြုလုပ်သူက
အစ္စလာမ်ဘာသာဝင်လည်း ဖြစ်တော့ လူငယ်တွေရဲ့ စိတ်မြန်ဆန်မှုတွေကြောင့် အခုလို ဖြစ်သွားရ
တာပါ။ ဘာသာရေးလှုံ့ဆော်တယ်လို့တော့ မယူဆပါဘူး"ဟု သာသနာရေး ၀န်ကြီးဌာန၊
ပြည်ထောင်စုဝန်ကြီး ဦးဆန်းဆင့်က သာသနာ့ဗိမာန်၌ မေလ ၂၉ ရက်နေ့က သတင်းထောက်များ
ကို ပြောကြားခဲ့သည်။

အဆိုပါသတင်းများကို ရယူနေသော မြို့ခံ သတင်းထောက်နှစ်ဦး၏ ကင်မရာများအား အကြမ်းဖက်
လှုံ့ဆော်သူများမှ ဖျက်ဆီးခြင်းနှင့် ရန်မူခြင်းတို့ကြောင့် တစ်ဦးမှာ ဒဏ်ရာရရှိခဲ့ပြီး ဆေးရုံသို့
ပို့ဆောင်ပေးခဲ့ရကြောင်း သိရသည်။

မေလ ၂၉ ရက်နေ့ ညနေပိုင်းအချိန်အထိ လူအသေအပျောက်မရှိဘဲ၊ လှုံ့ဆော်သူများမှ အစ္စလာမ်
ဘာသာဝင်များ၏နေအိမ်များ မီးရှို့ဖျက်ဆီးခြင်းများကိုသာ ဆောင်ရွက်နေကြကြောင်း သိရသည်။

"အခုချိန်ထိ ဒုက္ခသည်စခန်းရယ်လို့ မရှိသေးပါဘူး။ မြို့ထဲမှာလည်း အစ္စလာမ်ဘာသာဝင်တွေ
မတွေ့ဘူး။ တစ်နေရာတည်းမှ ပုန်းခိုနေပုံရတယ်။ မြို့အ၀င်အထွက်တွေမှာလည်း ပြည်ထဲရေး
ဒုတိယ၀န်ကြီး ဦးဆောင်ပြီးတော့ လုံခြုံရေးတွေ ချထားပေးတဲ့အတွက် အ၀င်အထွက်လုပ်နေတာ
လည်း မတွေ့ရဘူး"ဟု ရှမ်းတိုင်းရင်းသား ဒီမိုကရက်တစ်ပါတီ၊ အမျိုးသားလွှတ်တော်
ကိုယ်စားလှယ် ဦးစိုင်းစံမင်း က မြန်မာတိုင်း(မ်)ကိုပြောသည်။

ညနေ ၅ နာရီခန့်တွင် ဒဏ်ရာရသူငါး ဦးခန့် ဆေးရုံသို့ရောက်ရှိလာသည်ကို သိရှိရသည်ဟု ၎င်းက
ပြောသည်။

မန္တလေးမြို့မှ ပဋိပက္ခဖန်တီးမှုများ ကြိုတင် ကာကွယ်တားဆီးရေး ကော်မတီမှ လက်ရှိပဋိပက္ခများ
ဖြစ်ပွားနေသော လားရှိုးမြို့သို့ သွားရောက်ပြီး ပြေလည်ငြိမ်းချမ်းမှုများရရှိအောင် ဆောင်ရွက်သွား
မည်ဖြစ်ပြီး၊ အကြမ်းဖက်မှုများအတွက် အဆိုပါကော်မတီမှ အကြမ်းဖက်ရန်စမှုများ ရပ်တန့်ရန်၊
ဥပဒေမဲ့ တုံ့ပြန်မှုများ ချက်ချင်းရပ်ကြရန်နှင့် လူသားအချင်းချင်း စာနာစိတ်များ ထားရှိကြရန်
စသော အချက် သုံးချက် ပါဝင်သည့် သဘောထား ကြေညာချက်ကိုလည်း မေလ ၂၉ ရက် နေ့က
ထုတ်ပြန်ကြေညာခဲ့သည်။

ယခုကဲ့သို့ ပြဿနာများအစပြုခဲ့ရ ခြင်းမှာ ဓာတ်ဆီရောင်းသော အသက် ၂၉ နှစ်အရွယ်
မအေးအေးဝင်းအား အစ္စလာမ်ဘာသာဝင်ဖြစ်သူ အသက် ၄၈ နှစ်အရွယ်ရှိ ကိုနေ၀င်းတို့ထံမှ
အစပြုခဲ့ခြင်းဖြစ်သည်။

"ကိုနေ၀င်းက ၂၆ ရက်နေ့ကမှ ကျိုင်းတုံမြို့ကနေ လားရှိုးကို ရောက်လာတာ။ ၂၈ ရက်နေ့ နံနက်
ကတည်းက ဓာတ်ဆီရောင်းတဲ့နေရာက ကလေးတွေနဲ့ စကားပြေဆိုနေခဲ့တာ၊ ညနေပိုင်းမှ
မအေးအေးဝင်း ဆီရောင်းနေတာကို သွားပြီး အခုလို ပြဿနာတွေဖြစ်ရတာပေ့ါ"ဟု လားရှိုးခရိုင်
အုပ်ချုပ်ရေးမှူး ဦးကျော်ခိုင်ဦးက ပြောသည်။

ကိုနေ၀င်းအား နီးစပ်ရာမှ ၀ိုင်းဝန်းဖမ်းဆီးခဲ့ပြီး သက်ဆိုင်ရာရဲစခန်းသို့ ပို့ဆောင်ကာ တာဝန်ရှိသူများ
မှ စစ်ဆေးမှုများ ဆောင်ရွက်ခဲ့ရာ ၎င်း၏ အိတ်အတွင်းမှ WY တံဆိပ်ပါ စိတ်ကြွဆေးပြားနှစ်ပြား
တွေ့ရှိရပြီး ပြစ်မှုဆိုင်ရာ ဥပဒေပုဒ်မ ၃၀၇ တစ်ပါးသူအား သေကြောင်းကြံစည်မှု၊ ပုဒ်မ ၄၃၆ မီးရှို့မှု၊
ပုဒ်မ ၃၂၆ အပြင်းအထန်နာကျင်စေမှုတို့အပြင်၊ မူးယစ်ပုဒ်မ ၁၅/၁၆ (ဂ) တို့ဖြင့် အရေးယူဆောင်
ရွက်ထားကြောင်း ပြန်ကြားရေးဝန်ကြီး ဌာန၏ တရားဝင်ဝက်ဘ်ဆိုက်၌ ထုတ်ပြန်ကြေညာထား
သည်။

ဝင်းကိုကိုလတ်နှင့် စည်သူလွင်   | မြန်မာတိုင်း(မ်)